-
مالك جديد للفلشيا
بسم الله الرحمن الرحيم
الحمد لله ربنا تاب عليا من ال 128 الي كانت مطلعه عيني
و اشتريت سكودا فليشيا 97
الحمد لله العربيه حالتها كويسه
وحاسس بالفرق بينها وبين ال28
بس انا لاحظت حاجه ان العدادت فيها عداد السرعه والبنزين مش شغالين
فهل ده هيحتاج كهربائي بس ولا هيحتاج يتغير
وانا ملاحظ ان صوتها عالي شويه
الصوت ده ممكن يتظبط ازاي؟؟
-
غالبا كهربائى بس يتاكد من الفيش بتاعة العدادات راكبه كويس وكمان الفيوزات
الصوت غالبا ضبط تاكيهات
والف مبروك على العربية وخلى ايدك فى صيانتها على طول
-
الف شكر يا دكتور
و الله يبارك فيك و بالمناسبه انا كمان دكتور بس لسه امتياز
علي العموم انا هروح للكهربائي و الميكانيكي
بس فيه حاجه ظهرت كمان معايه
في نتشه غريبه كده لما بكون ماشي علي الغيار التالت بس
وفيه هزه بسيطه كده في الدركسيون علي طول مش عارف من ايه؟؟؟
يا ريت و النبي كل الي يعرف يجاوبني
-
الف مبروك
متركز علي موضوع الهزه البسيطه في الدركسيون الاول اظبط ضغط الهواء في الكاوتشات وبعد ذلك الافضل تشوف العربيه بتحدف وانت ماشي اعلي من 80 ولا لا
وممكن تعمل ظبط زاويا........ وان شاء الله ربنا يكفيك شر الطريق
-
حمد الله على السلامة Welcome On Board
-
اعمل ترصيص وفحص الاطارات ممكن يكون فيهم اطار تالف وغير منتظم الدوران
-
السلام عليكم
الف مبروك يابشا ربنا يبركلك فيها ويكفيك شرها
زى ما الاخوة قالو اطمن على العفشة
ظبط التكيهات
اطمن على الكهربة في العربية بوجيهات وسلوك بوجيهات
والرجاء من حضرتك الاهتمام بالعربية (ميكانيكا وكهرباء وعفشة) قبل اي حاجه (ترويش وكماليات)
حتي لو اللى انت ختها منه قلك ده انا مغير كل حاجه ومظبط كل حاجه ده بيكون كلام بيع وخلاص
وان شاء الله حتحس بفرق كبير ومتقلقش من صوت العربية هو اصلا عالى بس مش قوي طبعا وعلى العموم خالى واحد بتاع كربيراتير يبص على الهوا وربنا يوفقك
-
الله يبارك فيك ياباشا
انا الحمد لله رحت ظبط التاكيهات وخليت الميكانيكي يظبطلي العربيه وبصراحه صوتها وطي جدا لدرجه ان انا لما بقفل الازاز مش بسمع صوتها خالص
والعفشه قالي فيه عندك مساعد هيتغير وفكلي الاسكترا وغسلها وشحمها والحمد لله الرجه راحت خالص
والكهربائي لسه هروحله يشوف العدادات دي
بس انا يشتكي من صوت ونه كده بيجي في التالت واول الرابع بس بيروح بعد كده
يا ترا ده ممكن يكون من ايه؟؟؟
-
ممكن الصوت ده يكون من زيت الفتيس (الجير بوكس)
-
بالنسبة لعداد السرعة انا كان عندي مش شغال و بيفضل وساعات بيشتغل و ساعات لاء العيب ساعتها ان في اخر كبل البنزين اللي في المكان اللي بتزود منة زيت الفتيس كان فية بوش
ف انتا في اي مرة هتزود فيها زيت الفتيس امسك اخر الكبل دة و اقعد لفة لميين و شمال و شوفة هيلقط معاك ولا لاء
انا مش فاهم تقصد اية بصوت الونة؟ و موجود علي طول ولا ساعات و ساعات؟وبيظهر لما بتحرق ع النقلة و لا ماشي طبيعي
اخر معلومة انا مجربها لسة مبقليش اسبوعين كنت ماشي قولت اجرب احط 92 في العربية
مش هقدر أقولك البنزين دة فرق ازاي
حاسيت واللهي اني راكب ياباني العربية كانت ماشية قطة ملهاش صوت فجرب حط 92 فهلا الفرق كبير في الاداء
-
ممكن يكون صوت ونة رولمان بلى العجل
اعمل مور وانت ماشى لو الوت لم يختفى يبقى زى ما قلت صوت ونة رولمان بلى العجل
بالنسبة للعداد فعلا ليه علاقة بسلك السرعة (وليس سلك بنزين)
-
29 كويس اوى للعربيه بس انت هتلاحظ ان العربيه هتشفتو يعنى حيخلص بسرعه جدا بس هو كويس جدا وبيخلى العربيه مرتاحه بس للاسف بيخلص بسرعه
-
انا فعلا رحت للكهربائي و قالي ان سلك السرعه عايز الترس الي بيتركب في اخره
بس مفهمتش منه اوي لاني كنت مستعجل و سبته ومشيت ولما سالت بتاع قطع الغيار قالي انت عايز الترس البلاستيك بس؟وده ب 8 جنيه
ولا عايز القطعه كلها ودي ب40
بالنسبه لصوت الونه فده بيجي في التالت واول الرابع بس
و الميكانيكي ركب معايا وسمعها وقالي ان ده من الفتيس و ان فيه زيت بيتباع علشان الونه دي ب11 جنيه؟؟
انا بصراحه معرفوش
بس انا عايز اغير زيت الفتيس فيا ترا احط ايه؟؟؟
-
هل هى ونه ام نحره وهى تفرق كتير ممكن يكون بلى عجل وممكن يكون بلى الجير بوكس واذا كانت نحره على طول يبقى ترس اتحرق وارجو منك ان تتاكد من نوع الزيت الموجود فى الجير بوكس ويفضل استخدام زيت موبيل المرسوم عليه التروس فقط ولا تستخدم زيت ولولينه
-
البرجلة دى حصلت معايا فى الفيليشيا 96 لما اشترتها من شهور واتضح ان الاطار اللى قدام شمال مع انه شكله جديد فيه انبعاج من الجنبين وهبوط بسيط فى الوسط بيرعش العربية والدركسيون وبالنسبة للصوت سلك كاربراتير مع بنزين 92 وظبط كهربا هاتبقى مرسيدس
Content Relevant URLs by
vBSEO 3.6.0 PL2