الموضوع: الهجرة . الجنسية . الحياة الكريمة المستقرة ’ .. للنقاش

المشاركة الأصلية كتبت بواسطة rottmag

انا كنت واخدها عن طريق الولاده هناك ...بس انتا ممكن تقدم عن طريق برامج دراسيه ال سفاره هنا في القاهره بتنزلها كل فتره ممكن تروح تسال هناك او عن طريق موقع السفاره علي النت

شكراً ياباشا

شرفتني بمرورك الطيب

المشاركة الأصلية كتبت بواسطة moody_687

استاذ ياسر انا مش عايزك تفقد الامل انا اتخرجت وقعدت 3 سنين من سفريات واروح يمين وشمال وافضل ادور ع شغل وشوفت الوسايط واخذت صوابين كتير يريته صوابين ده انا اخذت شامبوهات زفلطة وبالرغم من انى والحمدلله شيك ف مظهري ولدي لباقة وجايب تقدير ف كليتي الا اني كنت بترفض ف اخر مراحل الانترفيو ومكنتش الحمدلله وايأس وبالصدفة كنت بقدم ع وظيفة قضائية وقدمت فيها ولقيت هيئة حكومية وانا ع طريقي ومنزلة اعلانها ع الباب بتاعها وكان معايا اصول اوراقي روحت صورتها واديتها للامن ع البوابة وعملت المقابلة وربنا يعلم ان مكنش معايا واسطة والحمدلله فخور انى اشتغلت فيها بمجهودي
الخلاصة من كلامى كشاب زيك سنه 25 سنة لا تفقد الامل فالانسان من غير امل لا يستحق الحياة ، وعايز اقولك انك مش لوحدك اللى مش اشتغلت انا عندى صاحبي لحد ناو مش لاقي شغل مش لعيب فيه لا سمح الله بالعكس الشاب ممتاز وواخد كورسات بس نصيبه لسه مجاش ف الشغل كل حاجة ف ميعادها وحتى لو سافر برة مصر واشتغل فنصيبه انه يشتغل برة وليا صديق اخر سافر هولندا من غير مايروح ع عمل هناك واديه من شغلانة لشغلانة وغير مستقر حاليا ، دور ع شغل ونمى مهاراتك ولو اتقفلت الابواب قدامك كلها دور ع السفر واتمنى انك مش تسافر غير بعقد وتروح ع حد هناك عشان مضيعش فلوسك ع الفاضي
ملحوظة : لو كل شاب سافر ف مصر يبقى مصر مش هتنمى ابدا عشان شبابها ساعد ف بناء دولة اخرى بدل مايروح يبني دولته ( ده راى شخصي ) وبلدنا فيها فلوس بس اللي يفكر ويجيب

ممكن ظروفي مختلفة شوية عن ناس تانية كتيراو تفكيري هوا اللي مختلف شوية بس بجد زهقت من عدم الاستقرار اللي البلد فيها مش هروب من الواقع واني بكدة هبقي من اللي بيخلع مع اول وقعه او صدمة البلد بتعيشها بس يعني هي قدمتلي ايه ومع ذالك بحبها اوووي بس مش لاقي تفكير تاني غير الهجرة عيشة كويسه وزواج وتعليم كويسس وعمل محترم نظام كويس حياة كويسة . انا هاخد بنصيحتك يا اخي وهعمل اللي عليا واكتر بس وقتها لو الامل انتهي خالص هبقي انا عايش حياتي وخلاص ودي اكتر حاجة بكرهها انا دلوقت لو قبلت حد من صحابي من زمان مشفتوش بدعي ربنا ميسالنيش ايه الجديد في حياتك . بسكت اقلك سيبك مني انا انت عامل ايه ونكمل في اي حوار . مفيش جديد من سنين حتي الحياة العادية روتين قاتل ملل

شكراً لمرورك يا باشا مقدره ومقدر كل كلمة قلتها

شرفتني ....

المشاركة الأصلية كتبت بواسطة amr_tika88

am sorry for speaking english because my keyboard is only english because i made a format for my lovely pc. :d
i want to say that am looking for an opportunity for imigration because such regular problems we are suffering from . I found that the most easiest way is to hold a master degree at least . So, i decide to take that one from aasmt wich is recognized in the most countries all over the world and the cheapiest one i found .from my point of view friends you will found abroad is much more be true than people you may know here in egypt because they may change as everybody interests .for example i think one day you have had a friend and you decide to cut your relationship with them and also your father's and mother's have the same situation .i think this is not related to the place it is related to people and how are they growing up :d

انا هبحث عن موضوع الماستر ده وربنا ييسر الحال اما بالنسبة للأسرة فالوادي وودلتي متوفيين وانا قاعد مع اخين للاسف معنديش حد اعرفه خارج البلاد الا السعودية وانا مش عايز اروحها عايز بلد اجنبية ابتدي حياتي فيها وبردوا مش هكون في انقطاع عن البلد دي خالص ..

شكراً يا عمرو باشا لمروك الطيب

يعني هو على الرغم ان الواحد وضعه مستقر هنا و حاله أفضل من ناس كتير و دي حاجة بحمد ربنا عليها, إلا ان موضوع اني أسافر و أكمل حياتي في بلد تانية دي فكرة مازالت موجودة و بقوة..
يمكن مش بسعى في الموضوع حالياً و مأجل التفكير فيه شويه في المرحلة الحالية, لكن ربنا يسهل و تيجي الفرصة في الوقت المناسب للمكان المناسب..

المشاركة الأصلية كتبت بواسطة amr_tika88

thanks soo much mr . Yasser i hope that we could connect here with each other about any info. About imigration to any country
thanks for everyone

اكيد ياباشا هنبقي على تواصل لو في اي معلومة وصلتلها هبعتلك مسج على الخاص

تحياتي لك وشكرا على مرورك الطيب