عايز حل للجروح اللي حصلت في الكارينز

**ابو حفص مصطفى** · 23-02-2013 10:23 PM

السلام عليكم ورحمة الله وبركاته السادة الأفاضل
كان ليا استفسار بسيط , أطفال جميلة مؤدبين طعمين مسكوا مسمار وعملوا ليا على أبواب العربية أربعة خمسة إكس طول كل إكس حوالي 50*50 تفتكروا ما الحل والعلاج ,الجروح وصلت للفلر البطانة حاجة تزعل
و كمان عايز أكسي جسم العربية كله فين ويتكلف كام وما هو اللون المناسب
سيارتي كارينز بيضاء

**AhmedNaeem** · 24-02-2013 12:08 AM

ربنا يكون في عونك

**mastr_n** · 24-02-2013 12:12 AM

حاجة تزعل طبعا وللأسف ملهاش حل غير انك ترش العربية ودة طبعا حرام لو البوية فبريكة

ممكن تجيب قلم بوية ابيض من عند مركز بويات وتحاول تداريها شوية

**Ahmed_Adham** · 24-02-2013 12:27 AM

حسبي الله ونعم الوكيل. أنا النهارده لقيت حد راسم نجوم على الرفرف اللي ورا ومن ساعتها بطني مقلوبه وقرفان عشان مش هتروح الا برش الرفرف.

**AlGazar2** · 24-02-2013 12:27 AM

بص ممكن تعملها بكمبوند و بعد كده بقلم دوكو ابيض و بعد كده ببولك و تجيبلها غطا ووتر بروف تقيل لان شكل الاطفال فى المنطقه محترمين بزياده

**AlGazar2** · 24-02-2013 12:29 AM

المشاركة الأصلية كتبت بواسطة ahmed_adham

حسبي الله ونعم الوكيل. أنا النهارده لقيت حد راسم نجوم على الرفرف اللي ورا ومن ساعتها بطني مقلوبه وقرفان عشان مش هتروح الا برش الرفرف.

يا باشا ولا تقرف ولا حاجة
تعامل مع العربيه ان الى جوه بتاعك و الى برا بتاع الناس و ما تزعلش نفسك على حاجة زى دى لانك مش هتستفاد حاجة غير حرقه الدم و القلق على العربيه بزياده و فتره كده و مش هتلاقى حد بيعلملك عليها او مش هتلاحظ الزياده الا لو لون العربيه اسود او غامق فبتبان جامد اوى اوى

**Ahmed_Adham** · 24-02-2013 12:32 AM

المشاركة الأصلية كتبت بواسطة algazar2

يا باشا ولا تقرف ولا حاجة
تعامل مع العربيه ان الى جوه بتاعك و الى برا بتاع الناس و ما تزعلش نفسك على حاجة زى دى لانك مش هتستفاد حاجة غير حرقه الدم و القلق على العربيه بزياده و فتره كده و مش هتلاقى حد بيعلملك عليها او مش هتلاحظ الزياده الا لو لون العربيه اسود او غامق فبتبان جامد اوى اوى

مانا عربيتي بني فالموضوع ظاهر واللي قالب دماغي اللي عمل كده استفاد ايه؟ مش عارف ده عيل ولا لطخ كبير بيستهبل. أنا عن نفسي لو شوفت عيل بيجرح عربيه في الشارع هاكله قلمين حتى لو مش عربيتي.

**el diesel** · 24-02-2013 12:36 AM

ربنا يعوض عليك وفعلا بقى فيه عندنا مجرمين مش اطفال ولك ان تتخيل انا كل يوم قصاد شغلى فيه مدرسة ابتدائى حكومى و العيال بتطلع منها وتبدأ حرب العصابات واللى يغيظك ان فيهم بنات بتبقى مسيطرة و عاملة كومندا حاجة كدا ولا الافلام الهندى .ربنا يسترها من عنده

**temo85** · 24-02-2013 11:08 AM

هتجيب علبه كمبوند من عند اى حد بتاع بويات علبه لونها دهبي مكتوب عليها ميدو :) هى دى انضف حاجه ب 7 جنيه انا جربت كذا حاجه لحد 40 جنية العلبه ولا بيعمل حاجه مفيش غير ميدو ده هو اللى بيجيب نتيجه
و هتجيب كيس قطن من الصيدليه , و تغسل المكان اللى متخربش كويس و تنشفه و تحط الكمبوند و تفرده فوق الخدوش كلها لحد ما تغطيها بالكامل و تدعكه كويس جدا بالقطن بطريقة طولية رايح جاى يعني و تضغط جامد كرر ده مرتين و امسح بفوطه قطن نضيفه , انشاء الله هتروح بنسبه 80% بلاش ترش عشان خرابيش اولا عشان هتنزل سعر العربية محدش هيصدق انك راشش عشان خرابيش تانى حاجه هتتخربش تانى صدقنى :) ربنا يحفظهالك انشاء الله

**ابو حفص مصطفى** · 24-02-2013 05:36 PM

والله يا أخوتي جزاكم الله خيراً على الردود , و ربنا يصبر كل مصاب زيي كده
بس انا سألت كمان على كسوة جسم العربية كله بس اللزق اللي بيتلزق اسمه ايه مش عارف لو حد يعرف يعرفني وكمان هيتكلف كام

الموضوع: عايز حل للجروح اللي حصلت في الكارينز

LinkBack

أدوات الموضوع

عرض

عايز حل للجروح اللي حصلت في الكارينز - انشر الموضوع فى :

-

-

-

-

المواضيع المتشابهه

حاجه حصلت فى الكارينز و مش فاهمها !!!

حاجه حصلت فى الكارينز و مش فاهمها !!!

يا ريت اللي حصلت معاه مشكلة في الصني وعرف حلها يدخل يفيدنا

عايز رأيكم ضروري في مشكلة مكلفة حصلت لي النهارده

ايه هي المصايب و الكوارث اللي حصلت لك من عربيتك النيسان صني المصري

الكلمات الدلالية لهذا الموضوع

المفضلات

المفضلات

ضوابط المشاركة