الدواره ويا ويلاه من الدواره
السلام عليكم ورحمة الله وبركاتة
ازيكم يا شباب
دلوقتى انا العربيه فى الدواره بتاعتها زى الزفت
فى الاول كنت بفتح الهواء وتدور من تالت او رابع مره
دلوقتى بقيت اكارك بنزين وانا بدور تدور من تانى او تالت مره
مره دوست دبرياج دارت وبطلت ودورت تانى دارت من غير بنزين مش عارف ايه العلاقه
النهارده الصبح كاركت بنزين قبل ما ادور دارت من اول مره وما بطلتش :tumb:
كده بقى ايه المشكلة ؟
وهل مثلآ ينفع اعمل حاجه زى الشفاط او الشفاط م اشتغلش
واعرف منين ان العربيه فيها شفاط علشان تدور من اول مره ؟
مع العلم انى مغير فلاتر وبوجيهات وسلك بوجيهات وبوبينه وعندى اسبراتير الكترونى وبوبينه الكترونيه
ومنضف الكربراتير
مع العلم برضه ان العربيه وهى بارده بتنتش جامد اوى وبتتخنق ولما اجى ادوس بنزين الاقى كانى فرملت وبعدين تسحب عادى وممكن لو هطلع مطلع وهى بارده تبطل
انا عايز اعرف العيوب دى ليه