الاربع عجلت طلعوا شياط ودخان

**lanos2004** · 24-02-2013 01:28 PM

المشاركة الأصلية كتبت بواسطة syd

يا عم احمد
بالراحة شوية
حمد لله علي السلامة
بس معقولة انت معدل في الموتور ومش معدل فرامل وعفشة؟؟؟
اعتقد احد اهم اسباب الزحف (والشياط كنتيجه له) المساعدين وطبعا نوعية العجل وشكل النقشة

ربنا يستر طريقك

انا معدل فرامل طبعا بس السرعه كانت عاليه ومسافت التوقف قليله كدة
انا كنت حاسس انى خلاص لابس لابس وكنت بجهز الشهاده
بس ربنا كريم وبيستر
الحمد لله عدت

**lanos2004** · 24-02-2013 01:32 PM

المشاركة الأصلية كتبت بواسطة mmamdouh

حدد الاول الشياط منين...

لو فى الفرملة انت عملت لوك للعجل و زحفت يبقى دة نتيجة ان التراكشن بتاع الكاوتش قليل اما لانة قديم و مستهلك او النوعية اللى انت مركبها مش كويسة و دة حلة سهل... طقم كاوتش بتراكشن aa هيقلل من المشكلة دى كتير بس طبعا راعى انك نازل من 200 الى 60 فى مساقة قليلة فا دة اختبار صعب جدا على اى فردة كاوتش

لو الشياط من التيل يبقى التيل اللى انت مركبة طرى بزيادة و انت محتاج تركب تيل انشف... كان بيحصل معايا الحوار دة فى التيل السانج شاين قبل ما اعدل الفرامل و بقيت اركب التيل التركى... لاحظ ان التيل الانشف مش هيبقى كويس طول ما هو بارد و بيكل طنابير

mmamdouh

هوة مش تيل دة كان رائحه كاوتش محروق لانى كبست جامد جدا مكنش ينفع اهدى على راحتى لحد 90 وبعدين ادوس جامد زى ما بعمل دايما
انا التماسك فى الكاوتش عندى a وفعلا لازم اغيرة وبفكر فى 195 بدل 185

**Khaled Lanos** · 24-02-2013 01:32 PM

المشاركة الأصلية كتبت بواسطة algazar2

يا راجل المهم انها توقف فردتين كاوتش ولا فردتين شاسيه يا خالد
بس على كده الكومهو الفيتنامى كويس بقى :) مهما فرملت عليه مبيشطش اما العربيه فراملها بايظه اساسا

ههههههههه لأ طبعا لو في موقف مفاجئ وفرملت ساعتها ولا بتفرق معايا..لكن لما افرك واشد هاند واشم ريحة الشياط ساعتها قلبي بيتقع على الكاوتش ههههههه ..هو كدا كدا عايز يترمي في الزبالة أصلا فمش فارق معايا

**lanos2004** · 24-02-2013 01:34 PM

المشاركة الأصلية كتبت بواسطة tarek_2005

انا سمعت من احد اصدقائك انك مرضتش تشد معاهم في طلعة السخنة علشان المسكن والكاوتش
الاقيك بتشد علي الدائري وبالسرعة دي وكاوتشك عايز يتغير ياراجل حرام عليك
المهم حمداً لله علي سلامتك
غير كاوتشك ولو حطيت كاوتش ايه بردوا هيشيط دا تخفيض للسرعة من 200 الي 60 يعني مش تهريج فارق سرعة رهيب لو في سباق وسيارة مجهزة للسباقات بردوا هيطلع شياط

هوة فيه فردة فيها بالونه بس مش دة السبب الى خلانى مجريش معاهم
السبب المسكن وعنيا كانت مزغلله ومينفعش اجرى بسرعات عاليه علشان التركيز
انا لما عملت حادث قبل كدة كان بسبب انى كنت واخد مسكن وسايق ودة اخر من رد فعلى شويه
ومن يومها حرمت ما فيش تركيز ما فيش جرى

**Formulator** · 24-02-2013 02:12 PM

ههههههههههههههههههههه

انت أستاااااااااااااااااااااا ذ
إزاى بتسوق كده والمدام مش بتزعقلك؟!!
وكمان بتشجعك؟!! ماشاء الله

المشاركة الأصلية كتبت بواسطة MMamdouh

طقم كاوتش بتراكشن AA هيقلل من المشكلة دى كتير بس طبعا راعى انك نازل من 200 الى 60 فى مساقة قليلة فا دة اختبار صعب جدا على اى فردة كاوتش

لو الشياط من التيل يبقى التيل اللى انت مركبة طرى بزيادة و انت محتاج تركب تيل انشف... كان بيحصل معايا الحوار دة فى التيل السانج شاين قبل ما اعدل الفرامل و بقيت اركب التيل التركى... لاحظ ان التيل الانشف مش هيبقى كويس طول ما هو بارد و بيكل طنابير
MMamdouh

+1
Master
أنا كنت داخل أقوله كاوتش الـTraction AA والـTemperature A + التيل سبورت
عشان يستحمل الهرك والفرك ده :)

بالنسبة للتيل:
أساسى التيل الأنشف هيآكل الطنابير أسرع، بس فيه حاجة:
الماركات اللى زى الـEBC والـFerodo بتشتغل from-cold حتى لو كانت الـfriction-coefficient بتاعها عالى؟!!

يعنى
زمان قبل الـCeramic والـKevlar كانت التيل الـYellow Stuff والـRed والـFerodo DS-2500..
كان لازم تاخد لفتين-3 إحماء عشان تسخن التيل ويبدأ يمسك؟!!
دلوقتى بيشتغل عادى من أول لمسة!

المشاركة الأصلية كتبت بواسطة lanos2004

وكل شويه تقلى نفسى نلاقى بتوع العربيه الحمرا تانى و علشان نتقم مما حدث

lol
دانتو بتدوروا عشان الإنتقام كمان؟!! هههههههههههههههههههه

يامعلم دانا لو واحد ضايقنى أو غلس عليا، وبعدين جه جنبى تانى أو شوفته..
ببقى نفسى انتقم وأحط عليه، بس بأخاف من الـcomments؟!! lol

وبأضطر أقوله: روح الله يسامحك!

ههههههههههههههه

**MMamdouh** · 24-02-2013 02:43 PM

المشاركة الأصلية كتبت بواسطة lanos2004

هوة مش تيل دة كان رائحه كاوتش محروق لانى كبست جامد جدا مكنش ينفع اهدى على راحتى لحد 90 وبعدين ادوس جامد زى ما بعمل دايما
انا التماسك فى الكاوتش عندى a وفعلا لازم اغيرة وبفكر فى 195 بدل 185

كدة يبقى تجيب 19/55/14 او طقم جنط 15 مع كاوتش 195/50/15 بشرط يكون الكاوتش تراكشن AA

MMamdouh