حصرياً أحداث أول يوم لتطبيق قانون المرور الجديد

**elpasha009** · 01-08-2008 11:08 PM

مراسلكم من المحور واللشيخ زايد وأكتوبر:)
في البداية أنا كنت داخل دلوقتي علشان أكتب نفس الموضوع ده بس حضرتك سبقتيني:)
أنا رحت الساعة 9 الشيخ زايد وأكتوبر من المحور وطبعا شفت العجب:)
الناس كلها ماشية 80 بالظبط وكان في 3 رادارات في الإتجاهة اللي رايح فقط.بس طبعا سواقين المايكروباص كانوا بيطيروا وأول ما يشوفوا العربيات الكيا الجديدة بتاعت الرادار بيهدوا ويرجعوا تاني يعد ما يعادوها.يعني مفيش فايدة.وأنا خارج من الشيخ زايد جمب هايبر بالظبط لجنة مكونة من 3 ظباط من رتب مختلفة كبيرة وهما اللي بيشوفوا الرخص بنفسهم.وبالنسبة لأكتوبر كان كل الميادين فيها عساكر كتير جدا علشان المايكروباص.
يعني من الأخر الإلتزام هيبقى فترة واللي هيقدر يخالف هيخالف عادي جدا.

**أبومعاذ** · 01-08-2008 11:10 PM

انهاردة على طريق مصر اسماعيلية قبل الدخلة بتاعة جمال عبد الناصر و الحرفيين كان في لجنة موقفة الشارع و بيعدوا العربيات بالقطارة
يبص على العربية و ياما يصعب عليه يسيبه يمشي ياما يخلوه يركن على جنب و يطلعو عينه

**OlaOsman** · 01-08-2008 11:13 PM

المشاركة الأصلية كتبت بواسطة alaa_dash

حد فاكر حزام الامان ؟

النهاردة راكبة تاكسي السواق فضل ماشي عادي لحد ما قرب على إشارة لقيته راحط لابس الحزام.. بمجرد ما خرج من الإشارة لقيته شايل الحزام على طوووووووول.. تقولش شايله على كتفه؟

**دموع الثلج** · 02-08-2008 03:28 AM

انا مخرجتش لمكان انهارده يا دوب نزلت شارع الهرم حطيت بنزين ورجعت طبعا مشفتش حاجه من اللى قال عليها القانون

الزينون شغال الله ينور فى العربيات وعادى جدا
الحزام تقريبا لغوه يوم الجمعه اصله اجازاه حزام

ثالثا والاهم مفيش مواصلات عامه والناس كثير جدا على الرصيف منتظره ميكروباصات او خلاقه
رابعا الشارع من حيث الزحمه كان ازحم يوم شفته فى حياتى وكله ماشى بمزاجه وغرز وتزنيق ذى الفل يا جماعه

**mazen86** · 02-08-2008 03:39 AM

مراسلكم من مدينه المنصورة :

انا مكنتش بعربيتي كنت مع واحد صاحبي

الباشا نبيل عبدالعظيم شخصيا واقف في الكمين طبعا الرجالة بتاعت المنصورة عارفين

يعني اية الراجل دا نازل من بيتهم الساعة 10ونص بليل وواقف في كمين وقف قدام بوابة الجامعة

عند البارون شوية وكان بيشرب سيجار انا استغربت اساسا بس مش بيوقف عريبات ولا حاجة

واقف في الشارع بس ساند علي الونش الشديد القوي الي ينزل الراجل دا

ووقف شوية عند الكتب مشا العربيات الي هناك كلها وخد عربية الشاي الي هناك حطها علي عربية

نص نقل طبعا معروف السبب اشغال طريق

بس واضح ان النهاردة الجمعة المنصورة هادية شوية بس الناس عادي من غير حزام والرجالة شغالة

غرز الله ينور يا معلم اتوقع ان بكرة هتكون المنصورة مشدودة كويس اووووووووووووووووووي

لان بصراحة المحافظ الجديد دا كويس والمرور لما بيشد المنصورة بتبقا زي الفل بس بيتبقا زحمة موت

مازن

من مدينة المنصورة

نايل موتورز

من قدام الشاشة

وشكرا

**Ramy.Gamal** · 02-08-2008 03:59 AM

بالنسبه لاسماعيليه الحركه فيها هاديه وعاديه بس كانت زحمه جدا بس فيه لجان مرور فى اماكنها السابقه وبمزاجهم ساعات يقفشوا وساعات يطنشوا يعنى لسه المعالم لم تتضح بعد لسه بكره وبعده بمعنى اخر احتكاك القانون الجديد مع ايام العمل الرسميه بس اعتقد ان لو قفشوا فى تطبيق حازم للقانون هنلاقى الحركه المروريه زى الزفت وده فى كل المدن ومحدش هيروح شغله فى ميعاده . كان معكم من امام الكمبيوتر ....رامى جمال ...... موقع نايل موتورز ....... الاسماعيليه

**mohamed_88sk** · 02-08-2008 04:13 AM

حد فاكر حزام الامان ؟

يااااااااااااه !!! ياراجل دي موضه وبطلت هههههههههههه
.................
بصراحة أنا منزلتش النهارده خالص غير للصلاة وغير كده قاعد عالسرير حتى الصلاوات التانيه في البيت صلتها , بس أمبارح عالكورنيش كانوا بيظبطوا العمليه وكانوا بياخدوا الكراسي من قدام الكافتيريات ومايمنعش كان في كام واحد بيغرز وطبل وزمر لزوم أفراح الصيف , بس بعض أشارات كان فيها أنضباط عشان بيكون في رتب واقفه

**zizo610** · 02-08-2008 11:36 AM

متفكرنيش بيه يا عم علاء الله يكرمك أصل أنا علي طول رخصتي بتسحب حزام وطبعا لما بنزل للأمين أو الضابط مبعرفش أسلك معاه بس بعد لما باخد الوصل بجبه وعادي خالص المعارف بتنفع

بس أعتقد مع قانون المرور الجديد الناس هتسلك جامد أوي لأن الموضوع الفلوس بأت تطلع عني عنك وطبعا لما الفلوس تطلع بيبأه في كلام تاني دي ما أنتو عرفين أحنا الشعب المصري وخصوصا الفئة الي أنتو عرفنها ده إلا من رحم ربي

على العموم انا مش متفائل لأني تطبيق أي قانون من غي أخلا ق بتبقي مهذلة

وأنا أدام النهارد بيقف أمين شرطة وعسكرين عملين يغلسو على كل العربيات القديمة عرفين أنهم غلابة ،وطبعا انت عرفين أن الحكومة بتدعم المواطنين محدودي الدخل

أه رأيكم يجماعة شكلي متشاءم شوية مش كده؟

بس الأيام هتسبت أن ده سبوبة

أخوكم م/حازم

**megane_man** · 02-08-2008 11:57 AM

محدثكم من الفيوم volvo_man امبارح الجمعة كنت رايح الشيخ زايد لقيت داخل الفيوم كل م لجنة وفيهم لجنة كان فيها رتبة كبيرة وكان الضابط يشوف رخص العربيات بص مش كلها وكان الرتبة الكبيرة بيراجع وراه وكان محترم جدا شاف سيدة مش لبسة الحزام قلها تلبسه وسابها وبعد اللجنة دي ب 200 متر تقريبا لقيت لجنة تانية وثالثة وكان فيه رادار علي طريق الفيوم القاهرة والسرعة 90 كم مع انه طريق مزدوج فرحت مثبت السرعة علي 85 كم ودخلت أكتوبر وزايد مفيش مرور أصلا ولما رجعت بالليل الفيوم لقيت زحمة جامدة من البشر في محطات الميكروباص وعربيات مرور كثير فتوقعت انهم لمو الميكروباصات يما أصحاب الميكروباص قصرو الشر وقالو نتلم في بيوتنا لغاية الغربال ما يريح ووصلت عند البيت لقيت ونش واقف في الميدان( ملحوظة:- الميدان الي انا ساكن عنده ميدان كبير فالعربيات النصف نقل أحتلته وعملته موقف وياما أشتكيت بص مفيش فايدة) ومفيش اي عربية نقل واقفة ويرب علي طول .
محدثكم من الفيوم volvo_man

-

الموضوع: حصرياً أحداث أول يوم لتطبيق قانون المرور الجديد

LinkBack

أدوات الموضوع

عرض

-

-

-

المواضيع المتشابهه

في ظل قانون المرور الجديد

حد سال نفسة لة المرور طلع قانون المرور الجديد

حصرياً : قانون المرور الجديد ( النص والشرح )

ايطاليا اللي هيا مصر وقواعد المرور بمناسبة قانون المرور الجديد

قانون المرور....الجديد

الكلمات الدلالية لهذا الموضوع

المفضلات

المفضلات

ضوابط المشاركة