الموضوع: استلمت برسونا ٢٠١٣ ووجدت ريوستات إضاءة التابلوة لا تعمل وصوت تزييق خلفي- أرجو الافادة

المشاركة الأصلية كتبت بواسطة d . A .\ ayman

مش هاقول أكتر من اللى قالوه إخوتي الكرام

فعلا الصوت ده بيكون طالع من القفل بتاع الكنبة اللى ورا يمين

مش عارف ليه مش بيطلع من القفل بتاع الكنبة الشمال في مرة ... معنى كدة إن القفل بتاع الشمال مضبوط ... ليه بقى بقالهم سنتين مش عارفين يضبطو القفل بتاع اليمين عشان يبقى صوته مكتوم

وتاني حاجة إن الزرار بتاع تغيير الإضاءة فعلا بتاع أزرار التابلوه اللى في النص فقط فوق الكاسيت والكاسيت تقريبا لكن مش بتاع التابلوه


والف مبروك على العربية ... حفظك الله من شرها ورزقك خيرها

شكرا جدا علي اهتمامك وارجو منك افادتي في قفل الكنبة دا ليه حل وهل بسيط يتحل في صيانة الاف وشكرا

المشاركة الأصلية كتبت بواسطة d . A .\ ayman

لو فتحت ظهر الكنبة الخلفية هاتلاقي الحديدة اللى القفل بيركب عليها ... الحل بقى إنك تلف ثلاث أو أربع لفات شكرتون على الحديدة دي في المكان اللى القفل بيركب عليه .. هاتلاقي الصوت راح خالص بإذن الله والقفل بقى محكم الغلق أكتر ... وممكن ترش علي القفل نفسه شوية wd-40 برضه

وده الحل اللى بيعملوه في التوكيل أصلا على فكرة

تسلم ايدك علي النصائح الغالية

ياجماعة الخير
اديكو تقريري بعد معملت ٥٠٠ ك تقريبا
ابتدت احس بصوت تكة أو خبطة خفيفة ورا يمين برضو مع أي مطب حتي لو مش عالي وابتديت أميز انه مبيظهرش إلا لما بعدي بالعجل الخلفي مش عارف دا بردو من قفل الكنبة ولا من المساعد ولا دي حاجة مش مربوطة وطيب وهوا المساعد ممكن يبقي فيه مشكلة في عربية زيرو ؟ وصوتة بيبقي ازاي في حالة وجود مشكلة فيه وهل سهلة الحل في التوكيل؟ ابتديت اقلق جداً أرجو الإفادة

المشاركة الأصلية كتبت بواسطة d . A .\ ayman

طيب حضرتك ربطت شكرتون على القفل بتاع الكنبة

لو ما ربطتش .. يبقى منه وماتقلقش

وعموما ما تقلقش خالص بإذن الله .... العربية زيرو ما شاء الله ... سجل كل ملاحظاتك بس في ورقة .. عشان لما تروح التوكيل تقولهم عليها كلها

ويفضل أول صيانة تعملها في أبو رواش ... عشان إمكانياتهم وسلطاتهم في تغيير أي حاجة أكبر وكمان بالمرة تختم الضمان عندهم

شكرًا يا أستاذ أيمن علي اهتمام حضرتك
الحقيقة لا انا مربطش شكرتون علي قفل الكنبة قلت ملعبش في حاجة واخليهم هما الي يعملو دا في التوكيل بس الي كنت ملاحظة في الأول أن الصوت كان تزيق دلوقتي مرة تزيق ومرة خبطة خفيفة مصدرها ورا يمين مع كل مطب فبصراحة عدم احتاكي لسة بالتوكيل والكلام المكتوب في المنتدي عليه من الاعضاء قلقان تكون حاجة في المساعد ويتعبوني عشان يحلو المشكلة

بسيطه ان شاء الله وغالبا زى ما الاعضاء الافاضل افادوك بنسبه كبيره هيكون السبب من قفل الكنبه مع الشنطه
او ممكن يكون الكوريك بيخبط فى الاستبن الى فى الشنطه مع المطبات ومحتاج تربيط بس
ان شاء الله هتطلع حاجه بسيطه وانا مستبعد انها ممكن تكون مساعد لاقدر الله ااو اى حاجه فى العفشه دى عربيه زيرو