عرض للطباعة
مفيش شك أن الفرش الجلد فى العربية بيبقى شيك جدآ و سهل تنضيفة بس عيبة الوحيد هو أنة بيمتص درجة حرارة الشمس فبالتالى الصالون بيسخن و اللى قاعد فالعربية مبيبقاش مرتاح ....
الفرش القماش طبعآ مفيهوش العيب دة بس فى المقابل مش شيك ومش عملى وصعب تنضيفة ....
مش عارف أعمل أية بصراحة :120146b و مستنى رأيكم ....
متابع
عندي نفس الحيرة بتاعتك. ولو إني سمعت إن فيه فرش جلد في الاجناب وقماش في النص، بيبقى شيك ومش بيجمع حرارة زي الجلد الكامل
ممكن علشان مشكلة الصيف والحرارة بيتعمل موضوع لذيذ وانا جربته وناجح جدا وأيضا شيك
الفرش يكاد يكون كله جلد ويتم تطعيمه بالقماش بقطعتين صغرتين ( قطعة بالظهر وأخرى بالقاعدة نفسها )
يبقى حضرتك مسكت العصايا من النصف شياكة وراحة
لو عندك اولاد حتندم فعلا لو معملتهوش
أنا في وجهة نظري إن ما فيش أحسن من فرش الفابريكة
يعنى أنا أعرف ناس أول ما تشتري العربية وهي زيرو يروح يعمل لها فرش علشان يحافظ عليها
فأنا بعتبر إن تكاليف بتكاليف - لما أستمتع بالفرش الأصلي ، ولو لا قدر الله أتسخ أو حاجة حصلت له أبقى أغسله ، ولما يُستهلك أبقى أجدد فرشة بجلد أو جلد مطعم بالقماش والتجديد هيحسسني بالراحة .
هو ده اللي عندي بقالي 4 سنين وفوق الممتازاقتباس:
المشاركة الأصلية كتبت بواسطة dandashx
لو أنا مش فاقد الذاكرة كنت أنا اللى كاتب الموضوع دة
عندى نفس المشكلة ومش عارف اجازف واركب جلد ولا لأ
لو جلد طبيعي نظيف مش هتحس بحرارة
انا معايا عربية في السعودية جلد طبيعي فابريكة ولا بحس ليه باي سخونة تماما والتكيف بالظبط 3 دقائق ويكون مظبط الدنيا والحمد لله
والسعودية حر جدااااا خصوصا اني في المنطقة الجنوبية
درجة الحرارة دلوقتي تقريبا 40 وقت الظهيرة
فيه انواع من الجلد مابتسخنش وانا مركبه فى عربيتى وعملى جدا مع وجود اولاد وسهل التنظيف
ممكن فامية فى الزجاج الخلفى بالكامل
وفقط شماسة فامية فى الزجاج الامامى
صعب بعد كدة ان الحرارة تكون مؤثرة فى الداخل >ى الاول
وكمان بتحافظ على الجلد
انا مجرب الموضوع دة مع انى بكرة الفامية بس اتعودت علية والموضوع افادنى بصراحة
فعلا الجلد الطبيعى مش بيسخن زى الأنواع الأخرى وهو راكب عندى ولكن بيحتاج صيانه من نوع خاص ومستمره ... وحقيقى منظر الفرش الجلد افضل واشيك بكتيير من غيره قماش او قماش مطعم بجلد ... المهم يكون طبيعى مش هتحس بالسخونه او التعرق بعد فتره من الجلوس عليه ...اقتباس:
المشاركة الأصلية كتبت بواسطة أبو صلاح
فعلا ندمت و جدااااا
ليه ؟؟؟؟؟؟؟؟اقتباس:
المشاركة الأصلية كتبت بواسطة minicooper20
أعمل فرش جلد لون رمادى لون بيج ألوان فاتحة
11111111111اقتباس:
المشاركة الأصلية كتبت بواسطة friendship7897
1 فرش جلد فاتح اللون بيج او رمادى
2 عراقتين للكراسى الاماميه وتوضع على الكراسى الجلد
رغم انى عارف انه هيحرر العربيه بس مضطر علشان الميه المالحه والرمله والتنظيف
ندمان ومش ندمان
يعني الولاد دايما بيدخلو بالجزم وبيبيهدلو الدنيا بس في الأخر بتتمسح ولا كان حاجه حصلت
في الصيف انا ساعات بتسلع فعلا من الشمش وضهري بيعرف وبتبقي حاجه زفت
في الشتا العكس تماما تبقي سقعان وتلاقي الكرسي تلج
الميزه الوحيده هي النضافه مش اكنر
لو العربية مفهاش تكييف بيكون مشلكة
لكن لو فيها تكييف بيكون عادى 3 دقائق وكلوا تمام
معاكى بس المشكله فى تراكم الاوساخ او لو عندك اولاد وكبو سوائل على الكراسى الى حيحصل ان الفوم حيشرب السائل وحيبقع وممكن مره وار مره يبوظ بلا شك واسألى مجرباقتباس:
المشاركة الأصلية كتبت بواسطة friendship7897
الفرش الجلد بيمنع القصه دى خااالص وانسى ان الكرسى الفوم بتاعه يحصل ليه ضرر وخصوصا لما يكون تفصيل مش جاهز
فعلا كلامك سليم بس مش لازم جلد طبيعى فيه جلد صناعى خامه امريكى عند الحاج احمد مشعل (جينز كار ) بتؤدى نفس الغرض تماماقتباس:
المشاركة الأصلية كتبت بواسطة أبو صلاح
حلها هو عراقه للسواق لفترة الصيف بساقتباس:
المشاركة الأصلية كتبت بواسطة shaddadfalcon1
أنا صاحب سيارتى السابق كان عاملها جلد أسود هو مش جلد يا جماعة شكل الجلد مش أكتر ولا أقل يعنى لو سيجارة مولعة وقعت عليه هتسيحه
بجد زبالة جدا وبيسخن بسرعة جدا
بصراحة الفرش الجلد لا يعلى عليه في شياكته بصرف النظر عن موضوع الحرارة
بصراحة القماش ده اختراع فاااااااااشل
طب ياريت حضرتك تقولنا مركبة فين والسعر لو فاكر ....اقتباس:
المشاركة الأصلية كتبت بواسطة kshahin
و أزاى أعرف النوع الكويس اللى مابيسخنش العربية؟؟!!
لو عندك اولاد فعلا لازم تعملة
أنا لسة متجوزتش و عايز برضة أعملة عشان القماش مش عملى و أى حاجة بتبان فية و التراب فى بلدنا مفيش أكتر منة :120146b صحيح الجلد ممكن يسخن العربية لكن مفيش حلاوة من غير ناااااااااااااار ....اقتباس:
المشاركة الأصلية كتبت بواسطة mostafa3000
الجلد عملي جدا , وخصوصا في حالة وجود اطفال بيطلعوا على الكراسي برجلهم اكتر مما بيقعدوا
غير كده , شكله شيك و بتنضيف بسيط جدا يرجع تاني كأنه جديد , على عكس القماش اللي بيتبهدل بسرعه جدا و بيبقع من اقل حاجه
بالنسبة لموضوع السخونة و العرق , اولا لازم تحط شماسه على الازاز و انت راكن بالذات طبعا في الصيف , و تشغل التكيف و مش هاتحس بأي فرق
لو نوع كويس مش هتندم انه فالعربية
لو اي نوع يبقي فلوس علي الفاضي
والله اعلم ..
لو فرش الفابريقه ناعم و مريح و ما بيوجعش ضهرك هتضرب نفسك مية برطو......
انك ركبت فرش جلد عشان الكرسي هيبقى ناشف و مش مريح
انما العربيات اللي كراسيها اصلا مش مريحه فمش فارقه