هو بس نص الكلام مش واقعي :-)
مفيش حاجة اسمها يعفر حوض الموتر ويعجنة بتراب والكلام ده :-)
التعفير يعني ترش خفيف بدون معجون وبطانة :-)
دي معني كلمة تعفير
الحوض بيطفي بشمع
كل مهنة ليها الناس اللي بتغش فيها
واحنا شخصيا بيتعرض علينا الشغل ده وبنرفضه
الحلال صعب والحرام سهل
بس الحرام مابيدومش
بعد الثورة اتعرض علينا كتير نشتغل في شغل ليبيا المسروق
مرسيدس وهوندات وغيرة ب 20 و 25 الف واقطع والحم رقم الشاسية بعربية من التامين ورق بس
الله الغني
معارض العربيات نفسها بتبعتلنا عربيات زيرو مخبوطة
في منهم كويسين بيقول للعميل اتخبطت وينزل في تمنها حاجة بسيطة
وفي منهم معدومي الضمير بيبيعوها زيرو
كل شغلانة في الحلو والوحش
ممكن كهرباي في بيتك عشان يسرقك في عشرة جتية يعملك وصلة تولع في البيت كله وبالنسبالة مش مهم
حسبي الله ونعم الوكيل في كل واحد اكل مال غيره
المفضلات