عندك حق و الله فى كل كلمه قلتها .... ربنا يحفظنا جميعا من النصب و النصابين
رقم العضوية : 120023
تاريخ التسجيل : 05Feb2012
المشاركات : 291
النوع : ذكر
الاقامة : القاهرة
السيارة: رينو كليو 2003
السيارة[2]: رينو كليو 2003
دراجة بخارية: يوكوهاما
الحالة :
إمبارح كنت في الحرفين باعمل شغل سمكرة ودوكو لعربيتي، وبالصدفة اكتشفت إن البوهيجي متخصص في عربيات الحوادث. على مدار يومين، الواحد عرف كمية معلومات عن النصب اللي بيحصل تخليه مش واثق في أخوه حتى.
فرجني على كزا عربية، اللي مقلوبة ومغيرة سقف. واللي مغيره نص أمامي. وقعد يشرحلى كل عربية إزاي بيعرف يداري العيوب القاتلة دي. حسيت إنها منظومة متكاملة من النصب الفاجر. من أول التاجر اللي بيشتري عربيات الحوادث برخص التراب. لحد ورش السمكرة والدوكو المتخصصة في علاج العربيات دي، ولحد التجار اللي بيبيعوا العربيات دي بمكاسب توصل ل 40 و 50 ألف في العربية الواحدة.
طلع إن فيه ورش عندها أجهزة متخصصة في تقفيل وكبس الصاج زي الفابريكة. من ضمن الكلام اللي قاله، إن فيه تاجر اشتري جهاز الكبس ده ب 8 مليون جنيه. وطبعاً تمنه هيرجع في خلال سنة بالكتير.
حتى المعاجين، طلعوا بيستوردوا أنواع معينة غير المعاجين العادية. ونا معاه في الورشة، وراني يعني ايه فن التعفير. ازاي تعفر حوض الموتور بالتراب وترش عليه سبراي معين عشان يمسك زي التراب الطبيعي اللي بيبقى ماسك في حوض الموتور. حتى خلط الألوان اللي بيرشوا بيها حوض الموتور والشنطة بيتعمل بفن ودرجات معينة تخلي الرش لونه واقعي.
شفت كمان قطع غيار تايواني جديدة بتترش عنده وبتتزيت وتتعفر وبيتعمل فيها خدوش وهمية عشان تتباع على إنها استيراد.
كان فيه عربية تويوتا ياريس مقلوبة ومعجونة بقالها عنده 3 أسابيع وخلاص بيفنش فيها. قلتله دي هتتباع بكم؟ قاللي معرفش السعر، بس هتتباع على إنها فابريكة دواخل رشة خوارج نضافة.
وكان فيه عربية سيراتو 2010 لسه جايالو، العربية كانت عاملة حادثة ومطحونة من ورا، وكان فيه عيوب في شنطة العربية من السمكري اللي عملها. ومطلوب من السمكري بتاعي إنه يداري العيوب دي، عشان فيه زبون خد باله من العيب ده ومعرفوش يبيعوها. بالمناسبة العربية سعرها 80 ألف.
أنا كنت أسمع دايما عن حوارات النصب اللي بتحصل في العربيات، بس لما تشوف الكلام ده بعينك، وتشوف العربية وهي فاضية، والسمكري يشرحلك العيوب اللي فيها، وازاي بيعرف يغطي عليها، هتتصدم. وخصوصا لما تعرف إن فيه منظومة كاملة وورش متخصصة بأجهزة مستوردة للتجارة السودا دي، والضحية هو المشتري اللي بيدفع دم قلبه عشان يجيب حاجه ترحمه من المواصلات.
التاجر اللي هو متعاقد معاه، بيبعتله بمعدل عربيتين في الأسبوع، وقاللي إن التاجر ده متعاقد مع أكتر من ورشة عشان الشغل بتاعه كتير. عنده 4 عمارت منهم عمارتين في جمال عبد الناصر متأجرين كلهم شقق إيجار جديد. وشغال في كزا حته يبني أبراج ويبيع شققها تمليك، وهكذا.
مشيت من عنده، ونا مش واثق في أي عربية. حتى عربيتي شكيت فيها. مع إحساس بالمرارة والقرف من البلد دي. لما تحس إن فيه ناس بتكسب قوتها من دم الناس التانية. يستغل اللي عمل حادثة بعربيته عشان ياخدها منه برخص التراب، ويستغل مشتري تاني إنه يبيعله عربية ملعوب في أساساتها بحرفية، والمشتري ده ساعة لما يجي يبيع عربيته، هياخدها منه تاجر تاني بسعر في الأرض، ويبيعها بسعر أغلى. ويجمعوا ملايين، يبنوا بيها عمارات وأبراج، يرجعوا يمصوا بيها دم الشباب اللي بيشتغل 18 ساعة في اليوم عشان يجيب شقة تمليك تستر عياله وتحميهم من غدر الأيام.
حاجة توجع وتقهر وتخلي الواحد يلعن في كل حاجة في دي بلد
رقم العضوية : 8269
تاريخ التسجيل : 01Apr2008
المشاركات : 1,195
النوع : ذكر
الاقامة : Cairo
السيارة: N/A
السيارة[2]: Daewoo Lanos
الحالة :
عندك حق و الله فى كل كلمه قلتها .... ربنا يحفظنا جميعا من النصب و النصابين
اللهم احفظنا من تهور سائقى (الميكروباصات و التريلات و المقطورات و التاكسيات المهكعه وكل واحد معندوش لا دم ولا ضمير)
*فى بلد اللى ملوش كبير لازم يشتريلوا كبير*
*و اللى معهوش ما يلزموش*
رقم العضوية : 50133
تاريخ التسجيل : 17Oct2009
المشاركات : 4,727
النوع : ذكر
الاقامة : Menofia
السيارة: Toyota Corolla 2001 1.3 A/T
السيارة[2]: Peugeot 301 M/T 2014
دراجة بخارية: لايوجد
الحالة :
عندك حق بس اللى يوجع اوى لما ينضحك عليك في عربيتك وتبيعها تخسر فيها
انما لو كل العربيات كدة اللى هو لا انت ولا اللى هيشتريها بعدك ولا حتى تاجر هيعرف ، يبقى هى هي ، كل الحكاية انت اشتريت عربية معيوبة بس كدة كدة لا انت ولا اللى بعدك عرفتوا اللى فيها ، فاللى خسر في الموضوع ده صاحبها الاولانى خالص اللى باعها للتاجر بس
ولو كدة كدة بيتعرف انها معيوبة يبقى لازم الواحد قبل ما يشتري ياخد معاه الناس الخبيرة دى
الموضوع مش صعب اوى
اصل العيب يا بيتعرف يا ما بيتعرفش
بيتعرف ---> يبقى تشوف مين بيعرفه وتكشف على عربيتك الاول
ما بيتعرفش يبقى على الاقل انت مش هتخسر فلوس بعد كدة اه ممكن تاخد عربية معيوبة ومش امان بس كدة كدة طالما الموضوع ما بيتعرفش يبقى انت مش خسران حاجة
ومعاك في كل كلمة قلتها عن حال البلد واللى وصلناله ..
رقم العضوية : 59518
تاريخ التسجيل : 20Jan2010
المشاركات : 2,160
النوع : ذكر
الاقامة : cairo
السيارة: Lanos 2
السيارة[2]: Lancer 2007
دراجة بخارية: No
الحالة :
ايه ياعم ده !!! حرام والله ده الواحد بيدفع دم قلبة في العربية
ربي قد مسني الضر و انت ارحم الرحمين
لا إله إلا انت سبحانك اني كنت من الظالمين
رقم العضوية : 51638
تاريخ التسجيل : 31Oct2009
المشاركات : 1,153
النوع : ذكر
الاقامة : cairo
السيارة: Lanos
السيارة[2]: New Accent
دراجة بخارية: no
الحالة :
سيب اللى عايز يكسب حرام يكسب هما ولا غيرهم هيروحوا فين ف الاخر ربنا موجود لو هما نسيوا
حسبى الله و نعم الوكيل ف كل من يتاجر بالحرام
رقم العضوية : 45939
تاريخ التسجيل : 01Sep2009
المشاركات : 4,938
النوع : ذكر
الاقامة : الباجور/ منوفيه
السيارة: لانسر كرستاله
السيارة[2]: بيجو 504 +شاهين
دراجة بخارية: نعم صينى
الحالة :
وانت فاكر وانت بتشترى جديد بيطلع جديد
ممكن وهى جايه تتقلب وتتروح للناس دى يظبطوها وترجع تشتريها وكانها جديده لانج
اما حال البلد
للاسف من اسوء الى اسوء
اقوى واغلى 10 اسلحه بالعالم
http://technology-mmm.blogspot.com/
http://imageshack.com/a/img850/6764/4fdl.jpg
رقم العضوية : 22704
تاريخ التسجيل : 20Oct2008
المشاركات : 6,911
النوع : ذكر
الاقامة : Alexandria-Sidi Bishr
السيارة: ربنا يسهل
السيارة[2]: Daweoo Lanos 1 model 99
دراجة بخارية: لا
الحالة :
المصيبه ان ده بيحصل مع عربيات زيرو وبتتباع زيرو في المعرض
ممكن العربيه وهي رايحه المعرض او واقفه في المعرض تتخبط وبتتعمل كده برده وبتتباع زيرو
رقم العضوية : 91981
تاريخ التسجيل : 21Mar2011
المشاركات : 1,514
النوع : ذكر
الاقامة : Egypt - El Menoufia - Shebin Elkoum
السيارة: Lancer EX ISA
السيارة[2]: Lancer JT 2009 1.3
دراجة بخارية: noooo
الحالة :
علشان كدا انا مبقتنعش غير بالزيرو وتكون من معرض انت عارفة وواثق فيه انا وقت ماجبت عربيتى كان معروض عليا لانسر نبيتى سوبر اكشن موديل 2007 ب 85 الف رفضت وجبت لانسر زيرو 2009 من المعرض بس 1300 مانيوال
بس والله اللى بينصب على الناس دا ربنا مش خيباركله وكمان السمكرى دا علية جزء برضة مهو كدا مشارك فى الجريمة دى
تـأكـد حين تنكســر لن يرممك ســوى نفسك.وحيــن تنهـــزم لــن ينصرك سوى إرادتك.فقدرتك على الوقــوف مــرة أخـــرى لايملكهــا سـواك
رقم العضوية : 120023
تاريخ التسجيل : 05Feb2012
المشاركات : 291
النوع : ذكر
الاقامة : القاهرة
السيارة: رينو كليو 2003
السيارة[2]: رينو كليو 2003
دراجة بخارية: يوكوهاما
الحالة :
حاولت أقنعه إن ده حرام، قاللي إنه بيتطلب منه شغل وبيعمله. ملهوش دعوة التاجر هيبيعها على أساس إيه. وقاللي إنه لو رفض يعملها، فيه عشرة غيره هيوافقوا.
ضيف على كده كمان، إن التاجر بيضبطهم في الفلوس. ماهو طالما هيكسب في العربية 40 ألف، معندوش مشكله يضبط السمكري ب 5 آلاف جنيه زيادة. وكل نصباية لها حسنتها اللي قدها
رقم العضوية : 91981
تاريخ التسجيل : 21Mar2011
المشاركات : 1,514
النوع : ذكر
الاقامة : Egypt - El Menoufia - Shebin Elkoum
السيارة: Lancer EX ISA
السيارة[2]: Lancer JT 2009 1.3
دراجة بخارية: noooo
الحالة :
بالمناسبة دى احب اسمع اغنية ادم قولو للى اكل الحرام يخاف طالما هو مش مقتنع ان كدا حرام
تـأكـد حين تنكســر لن يرممك ســوى نفسك.وحيــن تنهـــزم لــن ينصرك سوى إرادتك.فقدرتك على الوقــوف مــرة أخـــرى لايملكهــا سـواك
المفضلات