ما شاء الله ، بقينا 300

**Ahmed Samy** · 28-12-2007 05:55 AM

احنا كام دلوقتى
:d
:d
:d

**meza** · 28-12-2007 12:07 PM

المشاركة الأصلية كتبت بواسطة د.أحمد سمير

على فكرة رسالة الدكتوراه بتاعتي كانت في المجتمعات العربية على الإنترنت ، وتحليل التفاعل أثبت ان عدد المتفرجين غير المشاركين يدور دائماً حول نصف عدد أعضاء المنتدى ، وهذا أمر طبيعي جداً .

دكتور أحمد أنا برضه مهتم بموضوع رسالة الدكتوراه بتاعة حضرتك

هل هى كانت حول المنتديات العربية على الإنترنت ... و تأثيرها؟

لو كده أنا عايز أناقش مع حضرتك حاجة شايفها خطيرة جداً فى المنتديات العربية خصوصاً بتاعة دول الخليج.

**ahmed_3omda** · 29-12-2007 02:41 AM

انا العميل رقم 300 علي فكره :D

العيل رقم 13 سابقا :D

المنتدا ينقصو الدعايه فقط انما هوا منتدا قوي جدا بفضل توفيق ربنا سبحان وتعاله والاعضاء المحترمين أصحاب الخبرات الرائعه في مجال السيارات .. أدعو الله ان يوفقنا جميعا .

**د.أحمد سمير** · 29-12-2007 04:02 AM

المشاركة الأصلية كتبت بواسطة meza

لو كده أنا عايز أناقش مع حضرتك حاجة شايفها خطيرة جداً فى المنتديات العربية خصوصاً بتاعة دول الخليج.

ناقش براحتك ، أنا موجود .. وفي انتظار أي سؤال .. سواء على العام أو الخاص ، وإن كنت أفضل أن تحضر مقابلتنا الجاية ونقعد نتناقش في كل ما تريد . ولو محتاج اي حاجة ممكن ابعت لك أرقام تليفوناتي على الخاص لو حبيت .

**meza** · 29-12-2007 08:00 PM

المشاركة الأصلية كتبت بواسطة د.أحمد سمير

ناقش براحتك ، أنا موجود .. وفي انتظار أي سؤال .. سواء على العام أو الخاص ، وإن كنت أفضل أن تحضر مقابلتنا الجاية ونقعد نتناقش في كل ما تريد . ولو محتاج اي حاجة ممكن ابعت لك أرقام تليفوناتي على الخاص لو حبيت .

شكراً دكتور أحمد ...... صدقنى أنا عارف إنى مش هينفع أجى مقابلة قريباً ..... يعنى يمكن حتى مش قبل إمتحانات أخر السنة
بس المواضيع كتييير و هنلاقى حاجات نناقشها فى المقابلات إن شاء الله

هو الموضوع بخصوص قسم فى المنتديات العربية إسمه قسم الجرائم و الحوادث و للأسف منتشر فى معظم المنتديات ... فى القسم ده بيتم نشر صور رهيبة مش أى حد ممكن يستحملها و فيديو إعدام القاعدة لشخص أو فيديو إعدام صدام إلى أخره .. ..... بغض النظر عن التنوية بإن أصحاب القلوب الضعيفة ميدخلوش ..... لكن حتى المشاركين فى المواضيع ديه أو المطلعين عليها ... بتسيب أثر رهيب فيهم ... من غير ما ياخدوا بالهم.
بتخلى عندهم حاجة زى ال Tolerance ....بتيقى المناظر دى عندهم عادية مع الوقت لدرجة إن ممكن بعض أصحاب النفوس الضعيفة منهم ينفذوا جرائم بنفس الشكل اللى شافوه فى الصور ...

ده بيفكرنى بمجلة أمريكية إسمها The Hustler ..... كانت فى الثمانينات كده بتنشر قصص عن جرائم و كيفية تنفيذها بالتفاصيل ....... بس ما كانتش بتنشر صور ...... المهم المجلة دى فى أحد أعدادها نشرت كيفية إغتصاب الضحية و خلع عينها .... بعدها بحوالى شهر حصلت نفس الجريمة ينفس التفاصيل مع فتاة فى ال 15 من العمر فى ولاية فلوريدا تقريبا ...... و بعدها تم غلق المجلة لفترة و بعد كده رجعت بس غيرت نشاطها و وقفت نشر مثل هذه القصص.

للأسف ممكن حاجة زى كده تحصل بسبب هذه الموضوعات فى الدول العربية
و دى حاجة خطيرة جداً .....

و أسف لخروجى عن الموضوع الأساسى ...... ممكن لو عاوزين أعمله فى موضوع جديد ماشى ... بس هو مش مستاهل موضوع جديد :)

**PRO-DRIVE** · 29-12-2007 11:03 PM

^^^معلش انا حدخل علي الخط لو سمحت :)

بس طيب اللي عايشين في العراق او في فلسطين او افغانستان بيشوافوا الحجات دي بأم اعينهم كل يوم علي الطبيعه ليه منقولش نفس الكلام ؟؟

يمكن رأيي متأثر بثقافه الـmetal نوعا ما
بس مفيش قلوب ضعيفه :)

او اللي يعتبر نفسه بيخاف او بيقرف من الحجات دي ميدخلش اساسا :)

طيب ما امريكا شخصيا هي اللي عرضت فيديو اعدام صدام :)

**Ahmed Samy** · 30-12-2007 01:35 AM

مافيش حاجة اسمها قلب ضعيف و نفس حساسة
صدقني

**Mohamed_Hegazy** · 30-12-2007 02:43 AM

لا هوا فية احيانا مناظر او قصص مرعبة ويفضل عدم عرضها ولكن هى دى طبيعة العصر اللى احنا عايشينة القاسية والميديا وان الموقع او القناةة لم ينشرة هييجى مكان تانى ينشرة ولة السبق ولا عزاء للمشاهد المسكين

**meza** · 30-12-2007 10:08 AM

التأثيرات رهيبة ..... بجد

مش هنحس بيها لو قلوبنا مش ضعيفة ... لكن هتسيب أثر نفسى و دى المشكلة
مش عاوزين مناظر القتل دى تبقى عادية بالنسبالنا .....

أما بالنسبة للعراق و فلسطين .....مشاهد القتل مش بتبقى زى ديه .... بتبقى ألطف لأنهم مش بيشوفوا كل التفاصيل ... رغم كده برضه بتسيب أثر خصوصاً عند الأطفال ... ما بالكوا بقى باللى بيتعرض على المواقع دى ....
و المراهقين على فكرة بيتجزبوا للحاجات دى و دى مصيبة أكبر ...

**Abu Aly** · 30-12-2007 12:57 PM

فى مشكلة خاصةفى المنتدى الاجتماعى و العام ان المواضيع بتتشال بسرع جدا و الواحد ممكن ميطلعش عليها و ممكن يروح منها ردود على كلامه لان غالبا الناس بتقرأ اخر صفحة فى كل موضوع ..كمان انتهى ارسال الرسائل اللى بتنبه بوجود ردود ؟ هل ممكن زيادة عدد المواضيع فى فهرس كل صفحة مع تصغير حجم خط العنوان مثلا ؟ او تقسيم المنتدى الاجتماعى و العام لعدة مواضيع لسهولة المتابعه ؟

الموضوع: ما شاء الله ، بقينا 300

LinkBack

أدوات الموضوع

عرض

-

-

-

-

-

-

-

المواضيع المتشابهه

هو احنا بقينا وحشيين اوى كدة لية ؟ مجموعة مواقف من الشارع وحياتنا

بطل شتيمه بطل تريقه في مصر خلاااااااااااااص كفاية بقينا مسخره .............

الحمد لله كترنا لدرجة أننا بقينا بنتلغبط في بعض

للدرجة دى احنا بقينا وحشين كده...

كم جميل لو بقينا اصدقاء. !!!!!!!!!!

الكلمات الدلالية لهذا الموضوع

المفضلات

المفضلات

ضوابط المشاركة