منذ نصف ساعة وصل عدد الاعضاء المسجلين بالمنتدى الى 300 عضو
خالص التمنيات بالمزيد من النجاح لمنتدانا الجميل
عرض للطباعة
منذ نصف ساعة وصل عدد الاعضاء المسجلين بالمنتدى الى 300 عضو
خالص التمنيات بالمزيد من النجاح لمنتدانا الجميل
ايه يا باشمهندس اعتبر ده قر؟؟؟
ده طبعا عدد ماكنش متوقع بالسرعة دى.
بس تفتكروا فى كونتاكت كان العدد اكبر من كده ، بس ماكانوش باينيين علشان مش الكل بيكتب؟
انا بصيت بصة سريعه دلوقتى، واتضح ان من ال 300 عضو دول ، 171 لم يشتركوا بالكتابة ولا مرة :shock:
و 50 عضو مالهمش غير مشاركة واحدة او اثنين :cry:
فواضح ان العدد فى كونتاكت كان كبير، بس احنا ماكناش واخدين بالنا
طبعا يا سيدي العدد في كونتكت كان اكبر بكثير بس طبعا مش الكل كان بيشارك وان شاء الله نتوقع المزيد في الايام القليلة القادمة
وبسم الله ما شاء الله
طبعا ربنا يزيد ويبارك فى عددنا ولكن بالنسبه للمشاركات اغلبنا لسه طلبه فى دور التعليم ولكن بعد هذه المرحله مش هاقولك
الحمد لله والعدد في زيادة
على فكرة المسألة من وجهة نظري .. إن طبيعة الحوار في المنتدى لا زالت طلب معلومة ، وتوفير معلومة ، ومن يوفر المعلومة قليلون نسبياً ، ومن يطلبها أكثر قليلاً .. لكن نسبة المتفرجين هي الأكبر ، وهم من يقرأون الطلبات والردود وأغلبهم من المهتمين بالسيارات أو بهذا المجال عموماً دون أن يكونوا متغلغلين في هذا المجال .
على فكرة رسالة الدكتوراه بتاعتي كانت في المجتمعات العربية على الإنترنت ، وتحليل التفاعل أثبت ان عدد المتفرجين غير المشاركين يدور دائماً حول نصف عدد أعضاء المنتدى ، وهذا أمر طبيعي جداً .
اقتباس:
على فكرة رسالة الدكتوراه بتاعتي كانت في المجتمعات العربية على الإنترنت
د. أحمد أنا مهتم بالموضوع دة ... يا ترى أقدر أطلع على الرسالة لو موجودة PDF أو وورد؟
تطلع مره واحده :) ده إنت شكلك داخل على طمع يا أحمد :) ههههه د. أحمد شوفلوا كام مقطع كده عشان الراجل مهتم بس شكله عايز يضرب الرسالة بإسمه :wink: طبعا بهرج
أنا شوفتك يا د.أحمد فى البرنامج يوم المقابله السابقه لآ إللى قبلها و بجد كان كلامك فوق الممتاز و أتمنى إن نشوف منه ولو القليل فى منتدانا المتواضع :)
وعلى فكره يا جماعه إحنا لسه عددنا قليل أوى :) أنا كنت مشارك فى منتدى فى يوم من الأيام عدده 65 ألف :lol: معظمهم مصريين يعنى ممكن نقول 60% منهم فأتمنى إن نوصل بالعدد إلى 5000 فى أول سنه بس 5000 يكون على الأقل منهم 60% مشاركين مش متفرجين :)
هو طبعا الوضع هنا بيختلف عن المنتديات الأخرى عشان هنا منتدى متخصص مش شامل يعنى و الفئة المهتمه بالسيارات فى مصر مش كثير و المهتم منهم مش كلهم بيدخلوا على النت لآ إللى بيلف فى الشوارع و إللى بيروح FBI و إللى بيطلع سفارى كده يعنى فنوعا ما نقدر نقول العدد الحمد لله ماشى على سياق معقول المهم الناس كلها تكون مبسوطه
اللهم ما بارك
احنا كام دلوقتى
:d
:d
:d
انا العميل رقم 300 علي فكره :D
العيل رقم 13 سابقا :D
المنتدا ينقصو الدعايه فقط انما هوا منتدا قوي جدا بفضل توفيق ربنا سبحان وتعاله والاعضاء المحترمين أصحاب الخبرات الرائعه في مجال السيارات .. أدعو الله ان يوفقنا جميعا .
شكراً دكتور أحمد ...... صدقنى أنا عارف إنى مش هينفع أجى مقابلة قريباً ..... يعنى يمكن حتى مش قبل إمتحانات أخر السنة
بس المواضيع كتييير و هنلاقى حاجات نناقشها فى المقابلات إن شاء الله
هو الموضوع بخصوص قسم فى المنتديات العربية إسمه قسم الجرائم و الحوادث و للأسف منتشر فى معظم المنتديات ... فى القسم ده بيتم نشر صور رهيبة مش أى حد ممكن يستحملها و فيديو إعدام القاعدة لشخص أو فيديو إعدام صدام إلى أخره .. ..... بغض النظر عن التنوية بإن أصحاب القلوب الضعيفة ميدخلوش ..... لكن حتى المشاركين فى المواضيع ديه أو المطلعين عليها ... بتسيب أثر رهيب فيهم ... من غير ما ياخدوا بالهم.
بتخلى عندهم حاجة زى ال Tolerance ....بتيقى المناظر دى عندهم عادية مع الوقت لدرجة إن ممكن بعض أصحاب النفوس الضعيفة منهم ينفذوا جرائم بنفس الشكل اللى شافوه فى الصور ...
ده بيفكرنى بمجلة أمريكية إسمها The Hustler ..... كانت فى الثمانينات كده بتنشر قصص عن جرائم و كيفية تنفيذها بالتفاصيل ....... بس ما كانتش بتنشر صور ...... المهم المجلة دى فى أحد أعدادها نشرت كيفية إغتصاب الضحية و خلع عينها .... بعدها بحوالى شهر حصلت نفس الجريمة ينفس التفاصيل مع فتاة فى ال 15 من العمر فى ولاية فلوريدا تقريبا ...... و بعدها تم غلق المجلة لفترة و بعد كده رجعت بس غيرت نشاطها و وقفت نشر مثل هذه القصص.
للأسف ممكن حاجة زى كده تحصل بسبب هذه الموضوعات فى الدول العربية
و دى حاجة خطيرة جداً .....
و أسف لخروجى عن الموضوع الأساسى ...... ممكن لو عاوزين أعمله فى موضوع جديد ماشى ... بس هو مش مستاهل موضوع جديد :)
^^^معلش انا حدخل علي الخط لو سمحت :)
بس طيب اللي عايشين في العراق او في فلسطين او افغانستان بيشوافوا الحجات دي بأم اعينهم كل يوم علي الطبيعه ليه منقولش نفس الكلام ؟؟
يمكن رأيي متأثر بثقافه الـmetal نوعا ما
بس مفيش قلوب ضعيفه :)
او اللي يعتبر نفسه بيخاف او بيقرف من الحجات دي ميدخلش اساسا :)
طيب ما امريكا شخصيا هي اللي عرضت فيديو اعدام صدام :)
مافيش حاجة اسمها قلب ضعيف و نفس حساسة
صدقني
لا هوا فية احيانا مناظر او قصص مرعبة ويفضل عدم عرضها ولكن هى دى طبيعة العصر اللى احنا عايشينة القاسية والميديا وان الموقع او القناةة لم ينشرة هييجى مكان تانى ينشرة ولة السبق ولا عزاء للمشاهد المسكين
التأثيرات رهيبة ..... بجد
مش هنحس بيها لو قلوبنا مش ضعيفة ... لكن هتسيب أثر نفسى و دى المشكلة
مش عاوزين مناظر القتل دى تبقى عادية بالنسبالنا .....
أما بالنسبة للعراق و فلسطين .....مشاهد القتل مش بتبقى زى ديه .... بتبقى ألطف لأنهم مش بيشوفوا كل التفاصيل ... رغم كده برضه بتسيب أثر خصوصاً عند الأطفال ... ما بالكوا بقى باللى بيتعرض على المواقع دى ....
و المراهقين على فكرة بيتجزبوا للحاجات دى و دى مصيبة أكبر ...
فى مشكلة خاصةفى المنتدى الاجتماعى و العام ان المواضيع بتتشال بسرع جدا و الواحد ممكن ميطلعش عليها و ممكن يروح منها ردود على كلامه لان غالبا الناس بتقرأ اخر صفحة فى كل موضوع ..كمان انتهى ارسال الرسائل اللى بتنبه بوجود ردود ؟ هل ممكن زيادة عدد المواضيع فى فهرس كل صفحة مع تصغير حجم خط العنوان مثلا ؟ او تقسيم المنتدى الاجتماعى و العام لعدة مواضيع لسهولة المتابعه ؟
للرفع و التذكير
عقبال 300 مليون عضو باذن الله و الى الامام دائما