مع انى حزين وفعلا والله العظيم قلبى يعتصر حزنا على ما فعلة بى عضو هنا ونقل عنى كلام وجرح فى امام صنايعية ورشة المتخصصون فى الاميرية وفعلا مش طايق نفسى وبسئل ليه الناس تعمل فى بعضها كدا داحنا بندخل هنا نفيد بعض وبنقصر على بعض المسافات ونرد على استفسارات بعض واشهد الله انى عمرى ما غلط فى حد من اعضاء المنتدى هنا ولا نقلت عنه كلام ولا فرحت انى اشوة صورة اى حد علشان الصنايعى يعجب بيا اما بعد انا حبيت اقول اللى بعملة فى العربية عندى يمكن نستفيد كلنا وطبعا انا بعمل كدا لوجة الله زى مافى هنا ناس كتير وقفت معايا لوجة الله وفى الاول وفى الاخر يهمنى مصلحة كل الناس اللى فى المنتدى هنا
بصو ياجماعة والله الواحد لو علية كنت محطش مسمار فى العربية مش اصلى ومكونتش جبت الا الاصلى
بس وانا كنت كدا زمان صحيح مكنتش بروح التوكميل بس كنت بروح اشترى قطع الغيار من التوكيل وبركبها برة عند ميكانيكى عندنا فى المنوفية ودا برضة كان قبل ما تدلونى هنا فى المنتدى على المتخصصون علشان انا دلوقتى مبوديش العربية لحد غيرهم لانهم حافظين العربية
بس انا دلوقتى ماديا ومع غلو اسعار قطع الغيار مقدرش بتاتا اجيب فلتر بنزين تمنة 650 جنية وهيتغير على 40 الف انا فكرت ازاى فى فلتر بنزين تيلاندى ب 150 جنية بيقعد حوالى 15او 20 الف كيلو مش هيحصل حاجة لو جبتة وغيرتة على 20 الف البوجيهات مثلا الرواس بيبيع بوجيهات مش اصلى بجيبها هيا هيا بنفس السيريال ب 50 جنية من مجدى موتورز فلتر الهوا الاصلى ب 210 وبيقعدوة معرفش تقريبا 40 الف مع ان عربيتى لما كانت زيرو غيرتة على 20 الف انا بجيب فلتر يابانى نفس الشكل والمقاس لكن طبعا خامته مختلفة ب 50 جنية وبقعده 10 الاف تيل الفرامل انا كنت اخر مرة جايبة من سنة ب 550 جنية من التوكيل دلوقتى انا بغير الريمسا ب 120 جنية تيل الفرامل الاصلى قعد حوالى 12 الف معايا وكنت شارية من الرواس نفسه الريمسا بيقعد معايا حوالى 15 الف فلتر الزيت انا بجيبة من دايموند ب 60 جنية
فى عند مجدى موتورز فلتر زيت تايلاندى بنفس المواصفات والمقاس وكل حاجة ب 25 جنية ودا لو جبتة بغيرة مع تغيرة الزيت الجديدة مبقعدوش غير مرة واحدة بس
طبعا كلة كوم وسير الكاتينة كوم انا ناوى اجيبه ان شاء الله من التوكيل وهيكون بامر الله من دايموند بس طبعا هجيب طقم الكاتينة كلة
دى الحاجات اللى بغيرها وهغيرها لو حد حابب يستفيد من المعلومة ولو بعمل حاجة غلط حد يفيدنى وياريت منشوهش صورة بعض لحسن انا فى قمة حزنى من اللى حصلى والله