عايز اروح دريم بارك من مصر الجديده...وجزاكم الله خيرا
عرض للطباعة
عايز اروح دريم بارك من مصر الجديده...وجزاكم الله خيرا
شوف ياسيدي حضرتك تمشي في صلاح سالم لاخره عند جيرو لاند دي و تكمللحد ماتنزل نفق و تتطلع منه حتكمل علطول و تخش المنيل و تفضل علطول و تعدي النيل من علي كوبري عباس و يعدين علطول بردوا من تحت كوبري الجيزه حتلاقي بنزينة في الوش تخش شمال من جنبها و كده انت في شارع الهرم تاخده للاخر لحد ماتلاقي ميدان علطول حتخش الاهرامات لأ انت تخش يمين ثم حتلاقي ميدان تاني اتلف الميدان ده لحد ماتلاقي طريق الفيوم حيبقي ثالث يمين (اول يمين فيصل تاني يمين اسكندريه صحراوي ثالث يمين بقي ) تمشي فيه حبه كده حتلاقي يافطه بتقولك 6 اكتوبر يمين تخش اليمين ده و تمشي حتلاقي دريم بارك علي اليمين
مش عارف ليه حاسك حتوه :(
لو تعرف تطلع دائري الهرم من عند طريق السويس ( اعتقد طلعة مدينة نصر و مصر الجديدة من هناك ) و تفضل مااااشي علي طوووووووووووووووووووووووو ل
مش هتحود لا شمال ولا يمين لحد ما هتلاقي نفسك عند دريم بارك .. دي أسهل حاجة
الحاجات اللي هتعدي عليها ( هتاخد الدائري كله حوالي 30 كيلو لحد الرماية .. مش هتنزل نزلة الرماية تكمل علي طول فا هتنزل علي طريق تاني تمشي فيه علي طول لحد ما تلاقي نفسك علي طريق الواحات .. و هتلاقي دريم لاند علي يمينك )
shokran walid basha......
hgrb al da2ry asr3
we gzakom alah 5yrn enta we motorizer
إيه الكلام ده يا اخوانا انتو توهتوا الراجل فعلاً ..
بص يا كاسبرينو
أسهل طريق
هتطلع كوبري أكتوبر .. ثم وصلة كوبري 15 مايو (تاني فتحة بعد رمسيس ) وطوالي حتى محور 26 يوليو .. هتعدي كوبري الصحراوي ، وبعدين طوالي حتى ميدان جهينة (بعد الشيخ زايد ) ثم لف الميدان واتجه يساراً 5.5 نحو طريق الواحات ، هتلف أول يو تيرن وترجع مسافة 1.5 هتلاقي دريم بارك على يسارك هتلف أول يوتيرن وحمدا لله على السلامة .
تاني أسهل طريق :
الدائري من أي ناحية كلها محصلة بعضها
يعني من النزهة مدخل السلام يمين حتى منزل المنصورية حوالي 45
والعكس حتى طريق الواحات حوالي 43 كم
أنا أفضل الطريق الشمال يعني تمسك طريق الاسماعيلية بعد كوبري الهايكستب هتطلع مطلع الدائري بعد موقف العاشر مباشرة مروراً بالمرج ومسطرد والزراعي وامبابه والمحور ...خليك حتى نهاية الطريق على طريق الواحات ، هتلف من أول يوتيرن ، وترجع مسافة بسيطة لحد ما تشوف دريم بارك وتلف تاني .
أما لو كان الطريق الدائري في اتجاه المعادي هو الأقرب لك كمل حتى منزل المنصورية ، انزل واستحمل قرف الشارع حتى شارع الهرم ، لف شمال ، ثم الرماية يمين ، ثم لف الميدان في اتجاه طريق الفيوم ، حوالي 8كم حتى مدخل مدينة 6 أكتوبر ، 4 كم كمان وهتلاقي دريم بارك على يمينك ..
وتوصل بالسلامة