الموضوع: أول يوم قانون جديد : بين التطبيق والتكبير

المشاركة الأصلية كتبت بواسطة Ahmed A.Maksoud

النهاردة كنت مسافر الساحل فى أجازة زطبعاً زى ما انتو عارفين النهردة برضة أول يوم فى قانون المرور الجديد
فى حاجات كتير غريبة شوفتها فى الطريق من أول المحور الى مارينا مروراً بطريق العلمين
المحور عليه 3 عربيات كيا سورنتو شرطة ( رادار ) وأو مرة أشوف حد فى الشرطة بيستخدم لابتوب و مفيش لجان. المحور المفروض سرعته 80 كم فى الساعة و فى حتت معينة السرعة 60 كم بس .
الغريب أن لما مشيت حسب السرعة القانونية ( 80 أو 60 ) الناس بتقعد تقلبلى كأنى غلطان........!!!!!!!!!!!!!!!!
أو طريق أسكندرية....البوابات : 7 بوابات ذهاب و 2 عودة
واحد مسافر لوحده وبيقرأ الجرنال وهو سايق........عادى جداً ولا كأن فى قانون مرور الجديد ولا يحزنون
واحد مسافر و مقعد أبنه على رجله وهو سايق........ عادى جداً ولا كأن فى قانون مرور الجديد ولا يحزنون
ماشى على 100 وفى نص الطريق يجى ميكروباص سياحة من ورا لازق فى عربيتى وبيقلبى نور و كلاكسات برضه كأنى غلطان.
فى لجنة واحدة بس قابلتنى فى الطريق قبل ماستر على طول و موقفين الناس لمسافة 1\2 كيلو أو أكتر شوية.
بعد كده الطريق كله مفيش لجان والناس ينقسموا الى قسمين الأول ملتزم بالسرعة القانونية والباقى حالق
طبعاً غصب عنى لما لاقيت الناس كلها حالقة حلقت أنا كمان بس كنت ماشى فى حدود 120 كم
بالمناسبة.............كان فى حالتين عكس الأتجاه بس مش فاكر فين بالظبط
كلمة أخيرة : أنا مش متفاءل
محدثكم من الساحل الشمالى الأفغانى
أحمد عبد المقصود

ولا انا متفائل طبعا ولا له لازمة القانون دا شوية فلوس و خلاص
بس حلو التقرير دا يا ابو حميد عقبال ما نشوفك كدا فى قناة الجزيرة

يا جماعة عادى ....الناس بتتكلم وكأن ماكنش فيه قانون قبل كده و صحينا يوم الجمعة لاقيناه هبط علينا من السماء...ما احنا من يوم ما وعينا ع الدنيا و هو متنيل موجود ايا كانت مواده او العقوبات اللى فيه...بس زيه زى قلته.....ده يمكن قلته احسن...ليه بقى؟؟؟ عشان مبيطبقشششش....و يوم ما يطبق عليك يبقى لسبب هايف و ممكن يكون نتيجة جهل منك و طبعا بغرض ابتزازك مش بنية تحقيق النظام ...يبقى المشكلة فين ؟ مش ف القانون، المشكلة في تطبيقه و الناس اللى موكل ليهم تطبيقه...هل فى حاجة فى الناس ديه اتغيرت...او اتبدلوا بناس تانية لا سمح الله؟؟؟؟؟؟!

wana empareè kont mashe "ala el meèwar _à w alakilak "arabia elkia di radar kont mashe èaga wsb3EN B3D M3DTHA BABOS EL SOR3A EL MOKARARA 60 KM