ياريت من خبراءالمنتدي حد يرشح لي نوع زيت يقلل من احتكاك ويهدي صوت الماتور ويكون مش غالي قوي
عرض للطباعة
ياريت من خبراءالمنتدي حد يرشح لي نوع زيت يقلل من احتكاك ويهدي صوت الماتور ويكون مش غالي قوي
متابع
طيب ياريت معلومات اكتر عن العربيه النوع و سعه المحرك و سنه الصنه و الكيلوات المقطوعه عشان الناس تقدر تفيدك اكتر
فالفولين هيهدى معاك صوت الماتور
شل هيهديه بس مش زى فالفولين
فيسكو 3000 دول ب 120
فى نوع زيت جربه عضو فى سيات اسمه ليكوى مولى و هدى معاه الماتور و الزيت ب 190 و بيقعد 10 الاف
النوع دة نصف تخليقى من ليكوى مولى كل اللى جربه فى الدايو يلاقيه بيتبخر بسرعة
من الاخر عشان تريح دماغك معظم الناس فى المنتدى مرتاحة معاهم فى الدايو هما شل و فيسكو و الاتنين فيه منهم تخليقى و معدنى على حسب ما بتستخدم.
عن نفسى بستخدم فيسكو 3000 المعدنى ( ماليكش دعوة بفيسكو 2000)
هو زيت موبيل وان وحش ع كده مع انه بينصح بيه للاوبل والشيفروليه وماركات تانية ؟!
أنا حاطط ليكوي مولي التخليقي التوب تك و بيمشي لحد 15 ألف و لكن هنزله على 10 ألاف بإذن الله
و ماشي لحد الأن حوالي 5 ألاف و لم ينقص مللي واحد
الجركن ال 4 لتر كان ب 250 جنيه تقريباً
و بعدين ده الزيت الوحيد هنا في مصر بيتباع بنفس سعر بيعه برة مصر........في السعودية هو رقم واحد و بعده الكاسترول
فيسكو 2000 الـ api بتاعه SJ , و بكدة يبقى اقل درجة من شيل الاصفر مثلاً و موبيل xhp
لو جربته هتلاقى صوت الموتور معاه عالى و اداؤه مش حلو فى الشتا بالذات, الزيت المكافئ ليه فى السوق هو زيت التعاون SJ ابو جركن ازرق.
و لقيت ناس ع المنتدى بتقول انه بيقعد 6000 و 7000 كم و كلام كدة, و هو اصلاً اخره 3000 كم و شكراً
هو فعلا كان كده بس من شكاوي العملا رجع تاني يتصنع في الامارات وده الي مكتوب ع العبوة دلوقتي وحتي لونو بقي احمر زي الباقيين. بس انا ملاحظ وجود بخر عالي ليه مش عارف هل فعلا ده مشكله فيه ولا في كل الفيسكو علشان انا مجريتش غيره
زيت شل كويس قوى
الليكوي مولي التوب تك ال api بتاعه sm و في نوع تاني ليموي مولي برضه و لكن مش فاكر إسمه ال api له sn و بنفس السعر برضو
طيب ليه حاطين علامة زيت الموبيل ع ازاز العربية ده انا خايف اغير ع اى نوع زيت تانى عشان مش يأثر ع ماتور العربية
وايه رأي الناس في زيت موبيل اللي مش تخليقي العادي
وحش جدا
زيت امارات مصر ال 5000 حلو اوى و ب 120 جنيه
موضوع الزيت ده راحه نفسيه للسواق يعنى كل عربية حسب حالة ماتورها والزيت اللى متعوده عليه
فى ناس بتقول الشيل كويس للدايو لكن انا لما جربت الكاسترول ارتحت اكتر
أنا كنت بجيب لكي مولي العبوة إلي ب-270 جنيه و دلوقتي بجيب زيت تخلق بردو و محترم هو زيت مصر للبترول اسمو فونيكس و بيقعد 10,000 كيلومتر و بنزل على 8 أو 9 ألف و الحمد لله مريح العربية و سعره أخر مرة كان حوالي 220 جنيه - جرب مرة و هتدعيلي إن شاء الله و ابقى تمنى عملت إيه في الآخر،،، أخوكم أحمد سامي