ايوه هو ده بالظبط اللي بيحصل معايا
عرض للطباعة
تمام شكرا يا ريس, اللي معايا الHB.
تمام, حضرتك هتروح مركز صيانة الهرم وتقولهم على المشكلة دي, لو قالك المشكلة في البنزين, نفض قولهم أنا بحط 95 وبعدين المشكلة بتروح لو جبت الستبترونك -دي حقيقة- يبقى البنزين ملوش علاقة, بس بصراحة ال Opel Team اللي عملوه جديد ده كويس وبيفهموا أحسن في الأوبل يعني أما كنت روحت الأول كان اللي قالي عيب بنزين ده أما رحت تاني اسال على حاجة لقيتوا في شيفروليه معتش في أوبل. المهم مهما قالك قولوا اكشف عليها بالكمبيوتر هتلاقي فيه Software Faults, وده فعلا اللي كان فيها واتظبطت الحمد لله بعد أما عمله New learning, المهم حضرتك متدفعش فلوس خالص, ولو جبلك فاتورة قولوا العربية في الضمان -ساعات بيستعبطوا ويقولك المهندس دخلها بره الضامن روح للمهندس وهو بيظبط الموضوع ده.
آخر حاجة بالنسبة لموضوع ال RPM, الموضوع ده مهندس الصيانة -مش الاستقبال- عملهولي برضه وهو بيجرب العربية قال لي أنا حاسس بـرجة كده في العربية وهي ماشية على الهادي أو أما تيجي تقف خالص وكده أنا هرفعلك ال RPM في السلانسيه -مع إني مكنتش حاسس بـحاجة بصراحة- بس هو بصراحة كان فاهم فـسبته يعملها, بس سألته لو مش هتأثر على استهلاك البنزين وقال لي إنه حتى أما بيزود بيزود في حدود معينة ميقدرش يعديها, وده هيبقى في ال IDLE بس, فزودلي 100, وبصراحة بعد الموضوع ده حاسس إن العربية بقت أنعم بـكتير خصوصا لو ماشي في زحمة أو على سرعات بطيئة, حتى استهلاك البنزين حسب كمبيوتر العربية متأثرش تأثير يذكر في السلانسيه, فـبصراحة أنا مش شايف الموضوع ده عيب ده بالعكس ميزة, وموضوع إنها مكنتش بتمشي و هي على "D" فـالموضوع ده بيحصل لو بتغير الجير و كده بس -لو بتركن مثلا أو في اشارة كده يعني- لكن في المشي العادي, الطبيعي إنها تمشي حاجة بسيطة. برضه موضوع إن الRPM يبقى عالي في أول تدويرة للعربية الصبح ده عادي وملوش أي علاقة بالموضوع يعني كان بيحصل معايا قبلها, وده بيبقى فترة العربية بتسخن فيها وبتعد حوالي 30 ثانية ولا حاجة حتى لو انت جايب "Instantaneous fuel consumption" هتلاقي الاستهلاك في الفترة دي عالي وبعدين يقل -حتى على لو P أو N- وده أظن طبيعي الصبح والعربية بتسخن.
أظن يمكن قصدك على مركز العامرية أو حاجة, ده كويس برضه. أنا معرفش طنطا إيه نظامه بصراحة مجربتوش خالص. بس اللي اعرفه إن صيانات أوبل في القاهرة بقت في فرع جسر السويس وفي فرع الهرم بس, وطبعا مركز الهرم ده المركز الرئيسي فـبالتالي المفروض يبقى فيه أحسن مهندسين.
موضوع انها بتبقى علية الصبح وبعدين توطى ده طبيعى وبيحصل معى من اول لم اشترتها ده علشان تسخين العربية وبيخد حوالى 30 ثانية
مفيش حد عندوا زينون متكود يركب على الاسترا الجديده انا جربت حاجات كتيره بس بتعمل error متكود ومتركب
علية جهاز تكويد وانواع بيقولو عليها كمبس بس برضوا بيعمل error
بص يا باشا انا النهاردة طول اليوم بجرب اللي انت بتقول عليه ده بالظبط مسمعتش حاجة خالص ومفيش اي صوت وجربته كمان في الجراج علشان يكون هدوء بصراحة مفيش صوت خالص .... لكن حصل حاجة غريبة جدا من كتر ما انا مركز في صوت الكركرة دي كنت واقف في اشارة ومشغل التكييف وكنت جايب العربية علي d واول لما الاشارة فتحت دوست بنزين وفي ثانية واحدة سمعت صوت كأن العربية اتكرعت هههههههههه بجد شبه صوت واحد اتكرع وعلي فكرة كنت قافل الزجاج وقتها ... المهم جربت الموضوع ده ميت مرة علشان اسمعه تاني مش راضي يجي تاني ...هو ده اللي حصل بالظبط