حد خد باله بقه في موقع NGK عل ال NTK Oxygen sensors حل بديل للشيب ممكن هههههه ؟؟ انا نسيت اقول للكل كل سنه و انت طيبيييين بمناسبه العيد
عرض للطباعة
حد خد باله بقه في موقع NGK عل ال NTK Oxygen sensors حل بديل للشيب ممكن هههههه ؟؟ انا نسيت اقول للكل كل سنه و انت طيبيييين بمناسبه العيد
اولا كل عام و انتم بخير ثانيا انا بشكركم علي المجهود الجبار المبذول في نقل النعلومات المفيده الي شجعتني اني اشتري اوبل استرا كوزمو و ارجو منكم ان تقبلوني كعضو جديد في الرابطة
لو سمحتم أخبار تكييف الاسترا ايه في الجو الحر وهل ده بياثر على الأداء؟أنا معايا تويوتا ٩٨ تكييف تلاجه عاوز أتأكد لأني بفكر في الاسترا الجديده وشكرا
التكييف جيد بس مش زي الياباني.
التكييف ف استرا 6 سرعات دوال زون... بس قوة التبريد اقل من الياباني انا كنت بشغل التكييف في نيسان علي التاني (و هو 4 سرعات ) و كان بيبقي قوي جدا. استرا في الحر الشديد بشغل ع 4 او 5 في الاول لحد ما الكابينة تبرد و بعدين انزل ع ال 3. في الغالب يستخدم من 2 - 3 و في الحر الشديد بيبقي ع 4 .
النيسان كان تلاجة طبعا.... دة من اهم مميزات العربيات الياباني....التكييف الجبار.
التأثير ع الاداء : الرعشه اللي موجودة بتعلي سنه بسيطه... مفيش اكتر من كدة.
بالتوفيق
شكرا على الرد بس في سؤال ممكن يزعل انا عايز أغير الكورولا وخايف من الملاحظات على الاسترا والكورولا الزيرو حرام فيها المبلغ ده الرجاء المساعده لو سمحتم
السلام عليكم
كل سنة و الجميع بخير.
انا من ملاك الاسترا ، و عن تجربه شخصية انا لا انصح بيها...خصوصا للي هي مش ركوبته او مش دايس فيها. يعني حضرتك راقب المنتدى هتلاقي في اعضاء ما شاء الله هارسين العربية و فاهمينها يمكن احسن من المهندسين... دول اللي ميبقاش عندهم مشاكل مع الاسترا. انما واحد زيي خلفيته في العربيات محدودة كانت ياباني و جيت مرة واحدة غيرت للالماني...يعني حاسس بالمساوىء اكتر من المزايا....بالرغم من ان فيها مميزات كتير خصوصا في الامان و الثبات و القوة. يعني العيوب اللي مكتوبة في المنتدي (الرعشة و الكام حاجة دول ) بالنسبة للمميزات بتاعتها فعلا قليلة. انا شخصيا كل ازمتي تنحصر في الارتفاع الرهيب في اسعار قطع الغيار (كنت كتبت بوست عن سعر تيل امامي في التوكيل ممكن حضرتك تقرأ و تقارن ما بينه و بين اللي حضرتك بتدفعه عندك في التوكيل عشان تقدر تعرف الفرق...لو مش كبير يبقي انت محظوظ. ... تاني مشكلة ان التوكيل من اسوأ ما يكون. .. عشان السببين دول بس انا مش برشحها لحد،،، في ناس بتشوف ان دي اسباب تافهة و انهم يقدروا يتعاملوا بعد كده. ... كل واحد اكيد ليه طريقة تفكير مختلفة.
بالتوفيق