بخصوص سعر الدولار في الاسكندرية

**senstive73** · 24-02-2013 07:35 PM

لو سمحتم تعرفوا سعر الدولار بكام في محلات الصرافة يعني لما اروح اي محل صرافة عادي في اسكندرية بيغيرلي الدولار بكام مصري وانا كل يومين باسمع من عمرو اديب ان الدولار وصل سبعة جنيه في السوق السودا وناس بتقول 10 ف ممكن تقولوالي ده ازاي يعني لان فرق ربع جنيه تقريبا عن الاسعار اللي شايفها قدامي في الجرايد فهل عندكم معلومة عن الموضوع ده
يعني ازاي اجيب اغلي سعر لتغيير الدولارات ويعني ايه سوق سودا هل برضه بتبقي في نفس محلات الصرافة لاني بصراحة حصل معايا موقف من كذا سنة عمري محنساه ابدا في المنشية لما روحت اغير دولارات وواحد سمسار قعدني في قهوة بلدي واخد الدولارات وراح جاي كمان شوية وجابلي فلوس اقل من اللي اتفقنا عليها وطبعا لاني كنت لوحدي كنت حاموت ولا من شاف ولا من دري واخدت بعضي واستعوضت ربنا علشان كده باسالكم ويارب حد يفدني

وشكرا ليكم

**amr-osama** · 24-02-2013 07:50 PM

انا لسه كنت بسأل امبارح ولقيته في صرافه ب ٧.٠٥ جنيه .. في صرافه تعتبر من احسن الاسعار في الاسكندريه ..
وبصراحه السوق السوده الي في المنشيه دي انا طبعا اخاف ارحلهم اصلا وسعات العملات بتاعتهم بتبقى مزوره ..

**hossam_elwani** · 24-02-2013 08:23 PM

المشاركة الأصلية كتبت بواسطة amr-osama

انا لسه كنت بسأل امبارح ولقيته في صرافه ب ٧.٠٥ جنيه .. في صرافه تعتبر من احسن الاسعار في الاسكندريه ..
وبصراحه السوق السوده الي في المنشيه دي انا طبعا اخاف ارحلهم اصلا وسعات العملات بتاعتهم بتبقى مزوره ..

+111111

ايااااااك وبتوع المنشيه حراميه ونصابين وحتى لو كانو بدقون ياكلو مال النبى

**midnightman_74** · 24-02-2013 08:28 PM

المشاركة الأصلية كتبت بواسطة amr-osama

انا لسه كنت بسأل امبارح ولقيته في صرافه ب ٧.٠٥ جنيه .. في صرافه تعتبر من احسن الاسعار في الاسكندريه ..
وبصراحه السوق السوده الي في المنشيه دي انا طبعا اخاف ارحلهم اصلا وسعات العملات بتاعتهم بتبقى مزوره ..

٧.٠٥. بيع ولا شراء ؟؟

**senstive73** · 25-02-2013 10:09 PM

والله يا جماعة انا باقولكم اتكتبلي حياة جديدة وكان الموضوع شبه تثبيت بالعافية وانا كنت رايح اغير 1000 دولار فالراجل ريقة جري بس انا غلطت اني وافقت اني انتظر في القهوة واديله الفلوس الاول بس انا قلت الدار امان بس لاقيت وش تاني خالص لما جابلي الفلوس ناقصة وحسبنا الله ونعم الوكيل علشان كده قلت اسالكم وبعدين انهي احسن محل صرافة في اسكندرية ربنا يكرمكم واسعاره كويسة

**amrelsaqqa** · 25-02-2013 10:23 PM

حصل معايا موقف من كذا سنة عمري محنساه ابدا في المنشية لما روحت اغير دولارات وواحد سمسار قعدني في قهوة بلدي واخد الدولارات وراح جاي كمان شوية وجابلي فلوس اقل من اللي اتفقنا عليها

احمد ربنا انك خدت فلوس اساسا يوميها !
الموقف ده لو حصل اليومين دول مش هتاخد فلوس اصلا
ما ينفعش خالص تدي حد فلوس بما يعادل 5000 او 6000 جنيه وقتها وتستناه على القهوة ومش معاك اي ضمانات تضمن حقك !

95% لو مش حرامى هيتعلم ازاى يبقى حرامى على ايديك !

ياريت تخلى بالك كويس اوى اليومين دول واتعامل مع الصرافة عادى وبلاش سوق سوداء لمصلحة البلد على الاقل خالص ان ماكنش لمصلحتك

ايه يعنى 3000 جنيه زيادة مثلا كل 60 الف جنيه ، ولا حاجة ولا تستاهل المخاطرة دى كلها من وجهة نظري ..

**hossam_elwani** · 25-02-2013 11:36 PM

المشاركة الأصلية كتبت بواسطة senstive73

والله يا جماعة انا باقولكم اتكتبلي حياة جديدة وكان الموضوع شبه تثبيت بالعافية وانا كنت رايح اغير 1000 دولار فالراجل ريقة جري بس انا غلطت اني وافقت اني انتظر في القهوة واديله الفلوس الاول بس انا قلت الدار امان بس لاقيت وش تاني خالص لما جابلي الفلوس ناقصة وحسبنا الله ونعم الوكيل علشان كده قلت اسالكم وبعدين انهي احسن محل صرافة في اسكندرية ربنا يكرمكم واسعاره كويسة

نفس الى حصل معايا تمام زمان مع واحد فى المنشيه وبدقن

مفيش امااان خلى بالك من نفسك وخليك شكاك فى المواقف الى زى دى