حد فك تابلوة لانوس (بالكامل) من الرجالة

**مصطفى-حسن** · 24-02-2013 08:51 PM

سؤال ملح لانى عايز اضيف عزل (ارما فليكس 9 مم) فى صدر العربية بالكامل
حد فك تابلوة لانوس (بالكامل) من الرجالة
وان قصدى التابلوة بالكامل مش تابلوة العدادات لانى بعرف افكة
وبعرف افك الجزء بتاع التكييف والكاسيت بالكامل
وبعرف افك الجزء السفلى بتاع التلاجة (ونظفت التلاجة قبل كدة)

ولو محدش فكة بنفسة وفكة عند كهربائى مثلا يحاول يفتكر الخطوات كانت اية
ضرورى يا شباب

**مصطفى-حسن** · 24-02-2013 10:05 PM

ولو حد عندة روابط لاى موضوع سواء عربى او اجنبى او او حتى YouYube
لانى بصراحة بحثت ولم اوفق حتى الان فى العثور على شرح او صور للموضع دة

**مصطفى-حسن** · 25-02-2013 12:34 AM

المشاركة الأصلية كتبت بواسطة algazar2

اسال استاذ عصام غنايم فى الموضوع ده و شوف الموضوع بتاعه فى العزل للعربيه

ممكن تعمل حل اسهل نسبيه ان انت تحط الارما فليكس من ناحيه الحوض من غير ما تفك التابلوه لان فكه مقرف جدا و تركيبه كذلك و لازم البربريز يتفك على حسب موضوع قريته هنا او حد عمل عربيته و قالها فى المقابله الى فاتت

اولا شكرا على ردك
انا بحثت فى المنتدى وقريت موضوع العزل بتاع استاذ عصام غنايم
لكن للاسف هو لم يتطرق الى موضوع فك التابلوة بالكامل
سبب انى عايز افك التابلوة انى عايز اعزل الكابينة بالكامل من الداخل
صدر العربية والارضية بالكامل لحد الشنطة والسماعات والقوائم والسقف والابواب
وان شاء لو ربنا سهل هعمل بيها موضوع كامل بالصور عشان الكل يستفيد منة
لان الارما فليكس اللى انا جايبة 9 مم ايطالى
عايز اعمل عزل بمعنى كلمة عزل

**مصطفى-حسن** · 25-02-2013 01:23 AM

النهاردة قبل ما اروح عديت على الكهربائى اللى بتعامل معاة وحاولت اجرجرة فى الكلام
قالى هما اربع مسامير فوق واربع مسامير تحت وقالى هياخد منى 100ج عشان انا زبونة

المشكلة مش فى ال100ج

المشكلة انى هافور فرش العربية والفبر كلة وبعدين هبدأ اشتغل بمزاج قوى
يعنى هتعامل مع العزل وكانة عزل السيارة من الداخل ضد الهواء نفسة
لان الصوت بيتنقل عن طريق الهواء وترددات المعدن فى جسم السيارة

فكل الكلام دة هياخد معايا وقت وحتى لو رحت للكهربائى من الصبح بدرى مش هلحق
عشان كدة عايز اعملها تحت البيت لانها احتمال تاخد معايا يومين
وخصوصا ان انا معايا عدة كاملة

على العموم انا هدور على مشاركات الاخوة الافاضل اللى انت ذكرتهم
ويا ريت لو لقيت اى رابط يفيدنى ابقى نزلة فى البوست دة

وشكرا لك

**Dr.Solom** · 25-02-2013 01:39 AM

انا سامعمك مين بيجيب فى سيرتى XD
بص ياباشا انا معايا نوبيرا وفكيت التابلوه بالكامل والموضوع مش صعب اﻻصعب انك تفك صح وماتكسرش حاجه وانك تركب صح وتخلى بالك من كل مسمار ومكانه فيه والتركيب برضه صعب جدا بس نصيحه منى فكه انت بإيدك حتى لو خد معاك وقت ﻷن كل الصنايعيه ايدهم تقيله وﻻزم هايكسرلك كام حتة فبر وهايضيع نص المسامير او يركبهم فى اماكن مش بتاعتهم.. ولو قفلت معاك ولجأت للكهربائى يبقى ايدك سابقه ايده وتاخد بالك من كل حاجه اتشالت منين وراحت فين
وربنا يوفقك ان شاء الله وتعمل احلى عزل

Sent from my Samsung Galaxy SII using Forum Runner

**مصطفى-حسن** · 25-02-2013 02:17 AM

المشاركة الأصلية كتبت بواسطة dr.solom

انا سامعمك مين بيجيب فى سيرتى xd
بص ياباشا انا معايا نوبيرا وفكيت التابلوه بالكامل والموضوع مش صعب اﻻصعب انك تفك صح وماتكسرش حاجه وانك تركب صح وتخلى بالك من كل مسمار ومكانه فيه والتركيب برضه صعب جدا بس نصيحه منى فكه انت بإيدك حتى لو خد معاك وقت ﻷن كل الصنايعيه ايدهم تقيله وﻻزم هايكسرلك كام حتة فبر وهايضيع نص المسامير او يركبهم فى اماكن مش بتاعتهم.. ولو قفلت معاك ولجأت للكهربائى يبقى ايدك سابقه ايده وتاخد بالك من كل حاجه اتشالت منين وراحت فين
وربنا يوفقك ان شاء الله وتعمل احلى عزل

sent from my samsung galaxy sii using forum runner

الحمد للة اول الغيث قطرة
كويس انى لقيت حد فك التابلوة بالكامل

بداية من فك الكونسولة والحتة اللى ورا الكونسولة والعدادات والفبر اللى فوق العدادات والجزء بتاع الكاسيت والتكيف وتحرير ويرات التكييف اللى بتتحكم فى الهوا والسرعات وطبعا درج التابلوة والفبرة اللى تحت الدركسيون وكل الحاجات دى عادى جدا بالنسبة لى

السؤال وارجوا الاتبخل على بالاجابة
اولا هل باحتاج افك الدركسيون (الطارة نفسها) ولا لأ
ثانيا هل صحيح انى لازم افك الزجاج الامامى
ثالثا ودة الاهم اين توجد مسامير التثبيت الرئسية اللى ماسكة التابلوة فوق وتحت لانى لما نمت على ضهرى فى الدواسة عند السائق وفى الناحية الاخرى لم استطيع ان اتبينهم ودة المهم بالنسبة لى

**مصطفى-حسن** · 25-02-2013 12:10 PM

الاخ الفاضل Ahmed El Shrkawy شكرا جزيلا على افادتك
انا هحاول على قد ما اقدر انى افك التابلوة بس
وبعدين هفك العلب البلاستيك اللى قافلة على التلاجة وعلى سربنتينة السخن
وعلى قد ما اقدر هحاول انى مفكش مسامير التثبيت اللى ماسكة التلاجة عشان مشحنش فريون
ولو فية حد تانى فك التابلوة ممكن ناخد منة افادة بردة يكون مشكورا