-
Nokia n8
السلام عليكم رجاله المنتدي
انا عامل الموضوع عشان العده دي بجد من اقوي الاصدارات ال طلعت من شركه نوكيا
بعيدا عن السامسونج والجلاكسي والحاجات دي عشان انا اصلا من عائله النوكيا :049:
هههههه محدش ياخدها ع سدره بس الموبايل دا بجد امكنياته جميله جدا من كاميرا 12 صورتها جميله جدا واستخدامها في الشحن ممكن تقعد حوالي 3 ايام في وضع ال power save (بعيدا عن استخدام النت) وذاكره داخليه 16 جيجا وبتقبل كروت 8 جيجا وصوت كويس ودايما بشحنها من الجهاز بوصله ال usb
العده دي بتاخد كل وقعه والتانيه مني والله كتر خيرها وبتنزل علي الشاشه علي الارض وشغاله زي الفل
وقعت مني في الغساله في الميه زي ما بقولكم كدا والله غطست كلها وطلعتها بسرعه لقيتها شغاله قفلتها وشغلتها لقيت التاتش فصل طفيتها يوم شغلتها تاني يوم اشتغلت زي الفل وموقفتش خالص ووقعت تاني بردو ف ميه بس ع الضهر وبردو زي الفل الحمدلله
وامبارح حصل حوار حلو اوي كنت ماشي بالعربيه والعده هتفصل شحن وكان معايا وصله usb ومعايا كاسيت بايونيير وصلتها عليه لقيتها بتشحن :tumb:
والاقي الكاسيت شغلها علي انها فلاشه وشغل كل الفولدرات ال فيها والاغاني والعده شحنت ف ساعه :049:
يمكن عيبها الوحيد ان البطاريه داخليه ف صعب انك تاخد بطاريه احتياطي مثلا
وبالمناسبه العده لما بتهنج بتدوس علي الباور كام ثانيه كدا بتروح تلغي اي تهنيج في العده وبترجع تشتغل تاني
اسف علي الاطاله بس حبيت انقل تجربتي عن الموبايل دا :tumb:
-
فعلاً انا اسمع عن n8 انه كويس حدااا وخد شهره زى المحبوب حتى لشركة نوكيا وبيسموه الجوهرة السوداء n95
-
-
هو بكام حاليا وفى منه جديد ولا مستعمل بس ويعمل كام جديد او مستعمل
-
جهاز حلو بس التاتش بتاعه رخم شويه مع واحد صاحبى لما باخده منه التاتش بطئ شويه
-
على فكرة انا كنت زيك كدة بالظبط , بس اول لما جيبت سامسونج بالاندرويد عرفت يعنى التطور الطبيعى اللى لسة نوكيا مش عايزة تدخل لية , من الاخر لو مسكت الاندرويد هتلاقى الدنيا مختلفة تماااااااااااما
-
ان لم تنتفض وتطرح شئ جديد ينافس الواقع ستصبح من الماضي.....
تحياتي
Sent from my SE Arc S using Forum Runner
-
آه اعرف واحد صاحبي بيلعب بيه كورة :)
-
بصراحه بعد السامسونج متلاقيش جرب انت الاندرويد
-
انا جربت السامسونج والاندرويد فعلا مفيش مقارنه بين النوكيا والسامسونج لكن انا بتكلم علي عده بتستحمل اي حاجه مش بتكلم ع سوفت تحياتي لكل الرجاله ال ردت :tumb:
Content Relevant URLs by
vBSEO 3.6.0 PL2