امامى تمبرا 99 ,تكييف ,سنتر,زجاج كهربا, فابريكه داخل وخارج.تعمل كام ؟ وايه عيوب الموديل ده؟ وشكرا:seeya:
عرض للطباعة
امامى تمبرا 99 ,تكييف ,سنتر,زجاج كهربا, فابريكه داخل وخارج.تعمل كام ؟ وايه عيوب الموديل ده؟ وشكرا:seeya:
ارجو سرعه الرد
حضرتك عامل الموضع الساعة 2 والساعة 2ودقيقة بتتطلب سرعة الرد ,الصبر يا اخي الفاضل وعلي العموم علي حسب معلوماتي عن العربية دي ان الموديل دة يا تركي يا مصري ,العربية يشهد لها بالاعتمادية والثبات ,قطع الغيار الميكانيكة مشتركة مع الشاهين,الخارجية متوفرة ,سعرها يص حتي 38 الف تقريبا وطالما فبريكة برة وجوة ممكن تعدي ال 38 الف وانتظر رد باقي الاعضاء
دة موضوع عن قطع غيار التمبرا نتمني انة يفيدك
http://www.nilemotors.net/Nile/showthread.php?t=33202
شكرا يا برنس بس انت مش شايف ان 38000 شويه عليها
متشكر يابرنس ومنتظر ردود باقى الاخوه......................
الموديل دا ايطالي تقفيل مصري
قطع غيار الداخليه متوفره انما الخارجيه زي الفوانيس و الصاج حيبقي غالي شويه.
العربيه سوقها تعبان علشان كده اسعارها قليله
يعني اول الاربعينات كده بس كام بالضبط ما اعرفش
الموديلات في التمبرا من اول 1997 عيبها انها تقفيل مصري واللي أعرفه ان الموديلات المصري سعرها مش عالي زي الايطالي بس انا شايف انها ما تعديش 44 او 45 الف لو كانت في احسن حاله وعلي فكره انا لسه شاري واحد موديل 1991 بس ايطالي ب40 الف وربنا يهديك لما فيه الخير ويباركلك فيها وهي عربيه جميله جدا ورأيي انها احسن من الشاهين مليون مره بس مصاريفها غاليه شويه
العربيه عليها باتش فيات على الشنطه بس معرفش ازا كانت ايطالى ولا مصرى... افيدونى اعرف ازاى وايه الفرق الجوهرى؟
لا تبخلوا بالردود جزاكم الله خيرا لان دى اول مرة اشترى عربيه وصراحه خايف اتغش بس انا ركبت العربيه بتجيب ال100 على الثالث ................
ياخى اعرض العربية على ميكانيكى تكون واثق منه وهو يكشفلك عليها......
انت خايف ان يضحك عليك فى السعر ولا فى العربية؟؟؟
انت بتقول ان العربية فبريكه بره وجوه طيب اتاكدت من الكلام ده واتاكدت من الاجزاء الميكانيكة زى المحرك والفتيس؟؟؟ طيب اتاكدت منالعفشة انها سليمة واتاكدت من كهربه العربيه والضفيرة والتابلوه والتكييف وحاله الصالون وحاله العربيه منت تحت واخده خبطات ولا لا؟؟؟
كل ده لازم تبص عليه الاول وبعد كده تتكلم فى الفلوس......
هو انت هتاخدها بكام؟؟؟
43000الف................................
حضرتك لازم يكون معاك سمكري وميكانيكي ثقة يشوفو العربية ,ربنا يهديك الي الصواب
بص ياسيدى انا كنت هااشترى تمبرا شهر يناير اللى فات فابريكة بره وجوه بمعنى الكلمة يعنى جديدة والعداد كان عامل 85 الف كيلو وايطالى كل الكماليات عدا التكييف وكانت موديل 93 لكن الناس كلها خوفتنى منها ومن صيانتها لان موش اى حد يفهم مشاكلها وموش اى توكيل انا قصدى طبعا على الميكانيكا موش العفشة ووصلنا ساعتها 34000 الف جنيه. خلى بالك هى فيها كارت كمبيوتر اللى تقريبا بيظبط الموتور لا قدر الله لو باظ او حصل فيه مشاكل موش من السهل تلاقيه وسعره غالى جدا لو لاقيته.
مشكووووووور جددددا
عفوا على المقاطعة
بس يا سيدى الفرق بين المصرى والايطالى هى اولا عادة ولا انجكشن
العادة الفرق فى كارت الكنترول انه لما بيبوظ مش موجود استيراد لكن بتوفق علية واحد اما لو كانت انجكشن فهى واحد سيبك من كلمة مصرى ولا ايطالى انت مع الوقت بتغير فيها ولكن فى ملحوظة ان السعر عالى جددددددددددددددددددددا لان انا معاى 98 وكل شيىء موجود جديد ومستعمل
قطع غيار السياره متوفره بكثره فى عزبه شلبى وقطع غيرها رخيصه سواء كان صاج او فوانيس اواى شى يخص السياره
السياره التمبرا من السيارات الممتازه
فى الاول السعر عالى
الفرق بين المصرى والايطالى فى بعض الكماليات التقفيل واحد مفيش فرق ملحوظ بس المصرى عداد عادى بخلاف الايطالى دجتل وانت بتتتفرج على العربيه شوف كل حاجه شغاله فيها ولا لا
وخد معاك ميكانيكى يكشف عليها ولو عايز تعرف كل حاجه عنها خش رابطه التمبرا هيفدوك جامد فى كل شى يخصها
http://www.nilemotors.net/Nile/220355-a.html
أهلا يا أخ حازم , مو 99 تبقى ايطالي تجميع شركة النصر و لكن أحيانا بيكون في عربيات ايطالي استيراد معاقين بتيجي بأوراق مكتوب عليها مو 99 و تعرف ازاي من الرخصة بتاعة العربية لو لقيت ماركة السيارة : فيات الموديل : تمبرا تبقى ايطالي و تبقى قبل سنة 1996 حتى لو كان مكتوب في الرخصة أنها مو 99 أعرف ان ورقها ملعوب فيه .
لو لقيت في الرخصة ماركة السيارة : نصر الموديل : تمبرا
تبقى زي ما قلت لك ايطالي تجميع مصري و هي موديلاتها من 97 الى 2000 و في 2002 عدد قليل .
الفارق مش كبير بين الايطالي و المصري و الاساس فيس النهاية هو الحالة , أكشف عند ميكانكي أو في بنزينة على الموتور و كبسه و العفشة و الدهان في جهاز بيجس الدهان و بيعرف أن كانت رشة ولا لأ .
لو فابريكة برة و جو مو 99 تبقى من 40 الى 42 حسب حالتها .
لو فابريكة برة بس و أكتشفت أنها رشة من برة يبقى من 36 الى 38 برضه حسب الحالة .
ميشيل سليم