العربية سخنت ......... بس ربنا سترها

**abdulhafeez** · 25-02-2013 12:24 AM

النهاردة اخويا كان ماشي بالعربية a113 وفجأة لاقى عداد الحرارة على الاحمر والعربية سخنت جامد وكمان مؤشر الحرارة نور بيدي تحذير ان العربية سخنت
ربنا سترها معاه انه خد بالو وركن وطفا العربية
المهم بعد ما رحتله فتحت الريداتير ملقيتش فيه مية
زودناه مياه خد حوالي 3 لتر مياه وكويس اني افتكرت اشغل العربية وانا بحط المية بس كنت خلاص حطيت لتر كدا وهي طافية

المهم بعد ما زودت المياه طلعت بيها مشوار من القصر العيني لحد المطار الحرارة كانت مضبوطة ومش بتسخن لكن العربية كانت بتنتش واحيانا بتطفي وهي واقفة .

بعد كده رجعت من المطار لحد الجيزة من وسط البلد في عز الزحمة والعربية ماسخنتش تاني
بعد الجيزة كملت على الفيوم وفي اول الطريق خدنا يجي تلت ساعة في الزحمة برضو والحرارة تمام
وبعد كده الطريق السريع لحد البيت ولما وصلنا الحرارة كانت الحمد لله تمام العداد على النص بالضبط
يعيي مشيت بالعربية من بعد ما زودتها مية حوالي 160 كيلو منهم 50 كيلو وسط البلد وفي الزحمة

دلوقتي ..... ايه اللي خلى العربية تفضى من المية ؟؟؟؟

يعني دلوقتي مش لو كان في مشكلة تسريب او مشكلة في الريداتير كانت بانت مع المشوار الطويل والزحمة دي لان العربية طول الوقت ده ما وقفتش غير 10 دقائق بس ده غير ان الزحمة بتخلي العربية تسخن جدا ....

وبعدين لما تخسر ميه تخسر 3 لتر مرة واحدة ......

عذرا على الاطالة وشكرا ......

**ahmedtitanic** · 25-02-2013 06:09 AM

بسيطه جدا :) هتلاقى الغطا بتاع الريداتير او قربة الميه مكنش مقفول كويس ولما زودت الميه قفلته كويس :)

**AlGazar2** · 25-02-2013 06:30 AM

بص لو بتتعامل مع ميكانيكى بره التوكيل يبقى تخليه يكشف عليها او انت اكشف عليها عشان متكونش جابت جوان وش سلندر - لو جابته يبقى تعمله على طول قبل ما الوش يقفع هيكلفك 150:200 جنيه مثلا احسن ما يدخله فى اكتر من كده خرط و زيت و حبه حاجات جنب بعض

الميه نقصت ليه ممكن الغطا بتاع القربه مكانش مقفول عدل و انت بقالك كتير مزودتلهاش مياه او فى خرم فى الريدياتير من فوق فمش بينشع تحت بس بيفضى الضغط و بخار المياه فالمياه تنقص

كل المواقف دى حصلت معايا فى اللانسر - مبتحصلش غير معايا على فكره فيها - ممكن يكون اخوك نفس النظام مع العربيه و العربيه مفيهاش حاجة

و العربيه كانت بتنتش عشان سخنه - و لما بتسخن اوى ممكن تبطل منك و ما تدورش على طول - حصلت معايا برضه فى اللانسر

**hugan** · 27-02-2013 09:38 PM

ممكن غطاء القربه نفسه محتاج تغيير لان الغطاء بيكون بنظام التشيك بالف

**hemaa_82** · 28-02-2013 08:16 PM

لو اول ما نورت خد باله و طفاها يبقي ولا تكشف و لا توجع دماغك و خلي المتور علي كبسته الاصليه ....

و كل المطلوب انك كمان كام يوم تتأكد ان المية معهاش زيت .. و ان الزيت لونه مش مبيض زي لون الطحينه ... لو الميه حلوة و الزيت حلو يبقي عدت علي خير و الحمد لله

**khaled_Saga** · 01-03-2013 08:29 PM

اعتقد فعلا ان الغطا كان مريح ومنفس ومع طول المشوار المية بخرت
اظن لو خرم زى ما احد الاخوة قال كانت تنزل كل ميتها تانى بس الراجل قال انها معملتهاش تانى

**akmm** · 01-03-2013 10:15 PM

المشاركة الأصلية كتبت بواسطة hemaa_82

لو اول ما نورت خد باله و طفاها يبقي ولا تكشف و لا توجع دماغك و خلي المتور علي كبسته الاصليه ....

و كل المطلوب انك كمان كام يوم تتأكد ان المية معهاش زيت .. و ان الزيت لونه مش مبيض زي لون الطحينه ... لو الميه حلوة و الزيت حلو يبقي عدت علي خير و الحمد لله

صح كده وان شاء الله سليمه