اقتباس:
المشاركة الأصلية كتبت بواسطة redbull_30
مساء الخير يا استاذ ايمن
يا ريت حضرتك توضحلي اشيل كابل البطارية ال + ولا - .. يعني مثلا والمحرك واقف ولا و هو شغال ؟
بالاضافة لموضوع السحب عاوز استفسر عن حاجة و انا فعلا يا جماعه بحسها في العربية و هي لو السحب جميل بشكله الطبيعي بيبقى صوت المحرك جميل و طالع منه صوت رياضي والبلفعل بيبقى استهلاك البنزين طبعا قليل والحاجة المهمة اللي اتمنى يكون غيري لاحظها و هي العفشة .. بصراحة بيبقى احساسي بيها كانها جديدة وطبعا لو السحب قليل او العربية مخنوقة بحس العربية خشنة في كل شيء حتى العفشة بسمع اصوات خبط وهربدة ..
موضوع العفشة انا مجربة في عربيتين قبل العربية الجين 2 .. المحرك لو مزبوط بحس ان كل حاجة تمام .
شكرا و اتمنى توضيح موضوع البطارية
العربية لازم تكون مطفية والمفتاح برة الكونتاكت ... بتشيل كابل البطارية الموجب فقط شوية لمدة دقيقة تقريبا وتركبه تاني وبعد ما تركبه سيب العربية 10 دقائق قبل ما تحط المفتاح فيها
قبل ما تشغل العربية حط المفتاح على التكة التانية وسيبه وشوية 10 ثواني وبعدين إطفي المفتاح ورجعه تاني على التكة التانية وسيبه برضه 10 ثواني ... وفي المرة الثالثة شغل العربية ...
كل الفيلم ده عشان بس تطمن إن الكمبيوتر خد وقته في عمل تشك على كل مكونات العربية قبل ما تشغل
أعتقد إن إحساسك بالموتور وربطه بالعفشة أو باقي أجزاء العربية هو مجرد إحساس نفسي مش أكتر ... لأن ماديا مالهمش أي دعوة ببعض ... لما بتكون مضايق من حاجة في العربية بتكون حواسك متوترة من ناحيتها وتقعد تتلككلها ... والله أعلم