أرجو الأفادة في الموضوع ده!! كتمة بمزاج!!

بسم الله الرجمن الرحيم

الموضوع و ما فيه ان العربية موتروها بيعلى بسرعة لما بكبس عالسلانسيه من غير تقطيع ولا حاجة!!

و لما بكون جاري بالعربية.. بيعلى على الأول مش قد كده
التاني كويس اوي
و التالت وحش
الرابع سيييييييء!!
الثالث بيجيب 100 تقريبا! على آر بي أم 5000 تقريبا!

و ده مش راضيني
ده غير أن التسارع علشان يوصل من 100 ل 120 قل اووووووي و بقا بطة!!

و كمان العربية ساعات تبقى ميا ميا.... و بتسحب بسررررعة و ساعات تانية تبقى بطة و أكبسلها.. تسحب بردو .. بس مش بنفس الكفائة الي كانت بيها من قبلها بشوية

العربية فيها وحدة حقن كاملة جديدة من فترة قليلة يجي 3 شهور ولا حاجة!!

بنزين 92

فلتر هواء سبور سيموتا اصلي
علبة ديفيل لسه جديدة .. بس الديفيل عامةً ملهوش تأثير على الأداء.. فأفكسوا منه

عامةً عيب زي ده ممكن يكون أيه؟؟

جرب تفول من حتة تانية و اشك ان طقم الكهرباء عايز يتغير و جرب تشيل الفلتر و تجري بالاصلي وشوف ممكن يكون عايز تنضيف و ممكن يكون فية سدد في فلاتر البنزين علشان حصل معايا الكلام دة قبل كدة و بطل جري و افتري علي المكنة لا و زعلان اما كنت بخلي التالت يجيب 120

خلاص الحمد لله عرفت العيب من ايه!! :))

انا كنت حاطط الفلتر السبور short intake بعد كده خليته long intake فكتم العربية شوية!!

رجعته تاني short intake العربية فاقت نسبياً الحمد لله

و طقم الكهربا بتاعي بايظ فعلاً!!! و فلتر البنزين مكتوم من بنزين 80 حاطه الحاج من 3 أيام!! =(((

لا يا رااااااااااااجل و عايزها تسحب اعمل فيك اية يا سمسم :d المهم انت الفلتر دة عمل معاك فرق فعلا ولا اي كلام و جبتة علي كام وفي فلاتر للكربراتير ولا لازم انجكشن

الفلتر ده معايا من 5 سنين حتى الآن.. م عامل فرق الحمد لله.. و كنت جايبه على 250 جنيه.. أصلي .. و جبت بعده واحد على 150 بس كان سيكي ميكي..

ده لسه عايش معايا الأصلي ده سيموتا..

و عايش معايا الحمد لله ماشاء الله و أدائه حلو

و عادي في للعادي و في للكاربراتير

طيب انا عايز واحد بس مش لاقي اللي بيركب فوق الكربراتير علي طول من غير عمة كله عايز مواسير و كدة

أي عربية يمكن تعديل الهيدرز ليها.. بس كل عربية بيبقى ليها تصميم مختلف عن التاني عند التعديل..

و على الرغم بيكون في عربيات متشابهة.. لكن الطبيعي انها تكون مختلفة شوية من عربية للتانية حسب ترتيب السليندرات
و السي سي... و عدد السليندرات... و حاجات تانية مش فاهم فيها أوي