تم تغيرالسعر الرسمى للسياره جيلى ايمجراند7 الى 82500 بدلا من 85000 ابتداء من الامس
للاستعلام الرقم فى الملف الشخصى
عرض للطباعة
تم تغيرالسعر الرسمى للسياره جيلى ايمجراند7 الى 82500 بدلا من 85000 ابتداء من الامس
للاستعلام الرقم فى الملف الشخصى
ههههههههههههههه عمار ياأم الدنيا.
ههههههههههههههههههه خليها
صينى تقفيل مصرى ب 82 الف ههههههههههه يبلاش والله
-------
ياترى ايه سبب زياده سعرها كده
خليها تصدى و موديلها يعدى
ولسه كمان هينزل سعرها لغاية لما يرجع للسعر الأول
مبروك يا جماعة ...حملة خليها تصدى جابت نتيجة والله .....وأول الغيث قطرة
والله العظيم لولا تراجع المبيعات بشكل كبير لهذه السيارة لما تراجعوا فى السعر ، لان سياسة الوكلاء فى المحروسة طالما العربية بتتباع بالسعر اللى الوكيل محدده أو بالأوفر برايس بتاع المعارض يبقى يتحرق العميل
تانى مبروووووووووووووك يا أحلى أعضاء لحملة ( خليها تصدى وموديلها يعدى )
أنا نفسي اشتري سياره زيرو و لكن بالعند هاصبر و مكمل معاكو تحت شعار"خليها تصدى و موديلها يعدى"
تحياتى لاعضاء المنتدى المحترمين
أنا مش فاهم العربية دى سعرها عالى ليه كدا , مع أن أمكانياتها هى هى نفسها اللى موجودة فى الأسبرانز 516 .. ودى صينى ودى صينى . طب أيه الفرق وليه زيادة السعر كدة بالطريقة اللى مش حلوة دى ,, المفروض السعر يرجع كمان 3 أو 4 ألأف جنيه, كده يبقى سعرها معقول أمام زيادة الدولار ,, أنا أتوقع أن سعرها هيرجع تانى ألف ونص أو ألفين فى الفترة اللى جاية , بس الحكاية عاوزة تقل وصبر لأن سياسة غبور أنه بيقرءوا السوق دلوقتى وبيشوفوا نسبة المبيعات عاملة ازاى بعد التخفيض ده وأن شاء الله لو شركة رينو نزلت فى سعر اللوجان يبقى لأزم هيرجع وينزل بالسعر غصبن عنه
اظن ان العربيه ما ضربتش جامد
زي ما كان غبور متوقع
علشان كده نزل السعر شويه
مشكلة العربية دى أنها مانيوال ودلوقتى الكل بيدور على الأتوماتيك عشان الزحمة , العربية دى لأزم سعرها يرجع مش أقل من 3 ألأف كمان فى ظل أرتفاع الدولأر
الطريقة اللي بيعملها غبور وغيره ان اول ما يحس ان العربيه عليها طلب
يبدا يغلي في سعرها بالناس تحس ان العربية عليها طلب فالناس تهتم وتفكر تشتري يروح يغليها كمان فاللي عايز يشتري يفكر يشتري بسرعة قبل ما تغلى
بس للاسف السياسة دي فشلت
السياسة دي نجحت مع الانترا علسان عربية معروفة وليها سمعتها وكمان شكلها حلو
ومسالة الشكل دي هي اهم نقطة عندنا في مصر
غبور راجع بضهره بسرعه قوى كده ليه . هو مش نزل سعر الفيرنا و الاكسنت RB كمان؟ ضميره صحى و لا ايه :tongue02:
بجد ناصح يروح يزود سعر العربيات بتاعته مبلغ محترم بدون داعى فالناس تشترى و يكسب فلوس من الهوا و بقيه المنافسين يقلدوه فالاسعار كلها تتجنن و بعدين يروح هو برضه يبقى اول واحد يخفض الاسعار فالناس تروحله و هى فرحانه مع انه نزل سعر العربيات حاجه بسيطه مقارنه بالزيادة الاولى و طبعا مش محتاجه ذكاء السوق كله هيقلده و ينزل السعر و يتضح من المسرحيه الهزليه دى فى الاخر ان الدولار برئ من الألعاب دى او هو مشترك بجزء صغير و اغلبيه الباقى استغلال للازمه و جشع. المفروض بقى الناس تبطل شراء برضه لحد ما يرجع للأسعار القديمه و مش هو بس لكن كل اللى غلوا سعر العربيات الارقام الوهميه دى