الموضوع: حد ليه تجربة مع الجيوب الانفية

المشاركة الأصلية كتبت بواسطة sas5

اخى العزيز السلام عليكم ورحمه الله
ربنا يشفيك ويعافيك
انا مستغرب لسؤالك لانك وضعه بالمعكوس فالسؤال الصح هو هل فيه حد مجاتلوش الجيوب الانفيه ، ف 90% من الشعب المصرى مصابين بالجيوب الانفيه بسبب التلوث البيئى الموجود فى المدن. يعنى لو خرجت الى الارياف سوف تتحسن حالتك.
انا اعانى من الجيوب الانفيه منذ اوائل الثمانينات وعملت اكثر من عمليه منهم الحاجز الانفى واللحميه وهلم جرا .
حساسيه الجيوب الانفيه مرض مزمن لاشفاء منه وادويته مجرد مسكنات تستمر لايام لانها لاتعالج سبب المشكله.
وتلاحظ ان الجيوب الانفيه تظهر بشده فى فى فتره الربيع ورياح الخماسين وعندما يكون الجو به تراب

بالضبط كده .. و أنا كمان كنت عملت عمليه من 10 سنين تقريبا .. و الموضوع اتحسن لمدة سنه تقريبا .. و بعدها رجعت زي الأول.

نفسي أتنفس من مناخيري زي الناس فعلا.

كان عندي مشاكل فيها زمان وكنت في الثانوي يعني من 15 سنه كده وتقريبا فضلت سنتين تعبان وكنت باخد نقط وبخاخ لفترات متقطعه عشان الحاله مكانتش ثابته على جيد أو سيء طول الواقت. مش هفتكر كان ايه أسامي الادويه بس اكيد انت محتاج تراجع دكتور وخد بالك ان يفضل تبعد عن الاتربه والروائح النفاذه بشكل عام (أنا فضلت فتره يحصلي هياج في مناخيري لما أشم بارفان نفاذ) وبالشفاء ان شاء الله.