حد ليه تجربة مع الجيوب الانفية

**egyboy** · 25-02-2013 01:20 PM

السلام عليكم

حد جاتله الجيوب الانفية قبل كده واتعالج منها بشكل فعال هى اول مرة تجيلة وصداع مستمر وعدم تركيز واحساس بالدوخة والدوار

انا جربت بخاخ للانف وكمان مضاد للحساسية وكمان مضاد للالتهابات والكلام ده بقالى اسبوعين

لو حد ليه تجربة او علاج سريع

لان الواحد مبقاش عارف يمارس حياته الطبيعية

او حتى حد يعرف دكتور شاطر

**ABO MALEK** · 25-02-2013 02:06 PM

جرب تستنشق محلول ملحى وان شاء الله هتبقى كويس.

**megamoudy** · 25-02-2013 02:14 PM

الافضل تروح لدكتور أنف وأذن ...... غالبا التهاب الجيوب الانفية بييجي من انسداد قناة استاكيوس اللي بتكون زي تصريف ليهم ....... لو في سخونية يبقى تعرف انه ده التهاب بكتيري وساعتها لازم طبيب انف واذن عشان يديك دوا

وحاول متاخدش اي حاجة من ادوية الرشح زي الكونجستال او 123 او الكوميتركس لأنه هيزود الموضوع اوي

فكرتني الوجع فين ...... لو بين عنيك وف قورتك وتحت عنيك عند عضم الوجنتين كده يبقى فعلا جيوب أنفية

روح لدكتور أنف و أذن

**ابو لؤى** · 25-02-2013 02:21 PM

الله يكون فى عونك انالمه بتجيلى باخد اجازه من الشغل لانى بحس انى مش شايف وعندى دواااار جامد جداا عمتا باخد البخاخ بس مشكلته انه مر جداااا ربنا يشفيك بالنسبالى مالهاش دوا سريع

**mohamed_selim** · 25-02-2013 02:31 PM

د. على الجارم فى مستشفى الجارم عند مدخل المعادى جنب بنزينة توتال .. من الاخر

**egyboy** · 25-02-2013 05:25 PM

ربنا يكرمك جميعا على الرد

انا فعلا الالم فى منطقة العين والانف غير الصداع الرهيييب والحمد لله مفيش سخونية

وانا هجرب استنشاق الماء والملح برضه وغير الادوية اللى باخدها

وهحاول اروح لدكتور اليوين دووول

هو اللى كان كاتبلى على الادوية دكتور بس من خلال التليفون لانى مروحتش

بس ربنا يكرم يمكن يكتبلى الدكور اللى هروحله على نوع اقوى ولو حتى حقن بس الواحد يرتاح

شكرا ليكم

**mohamed_selim** · 25-02-2013 05:38 PM

احسن من الملح عشان حامى بتجيب محلول قلوى من الصيدليه .. بيبقى بودره (فى نوع اسمه الكا مصر ب 5 جنيه 12 كيس) بتدوب الكيس فى نص كباية مايه دافيه و نشق كويس ... هتحس بحرقان رهيب الاول و بعد فتره هتتحسن ان شاء الله.... على الاقل 3 مرات فى اليوم او 4 (منهم مره اول ما تصحى من النوم على طول و مره قبل ما تنام على طول) .. و روح لد. على .. الراجل ممتاز بجد
ربنا يشفيك ان شاء الله

**Imhotep** · 25-02-2013 06:32 PM

انا خبرة 12 سنة مع الجيوب الانفية
بص يا سيدى..... انا جربت حاجات كتير كتير..... و الخلاصة حاليا هى التالى:
استخدم دواء اسمه decongess فيه منه نوعين واحد sr وده بيقعد شغال 12 ساعة لانه ممتد المفعول..... النوع التانى اسمه decongess L و ده عليه مادة اللوراتادين اللى بتفيد فى علاج الحساسية عموما..... بس لو الدنيا مقفلة جامد معاك و مش عارف تتنفس يبقى خد ال sr لانى بحس انه اقوى و بيقعد اكتر..... بالنسبة للصداع..... لو ال decongess لوحده مريحكش و ضيع الصداع لان الصداع نتيجة للاحتقان اللى بيروح بال decongestant يبقى تضرب معاه واحدة بروفين 400 ملجم و لو الصداع شديد جدا خليها 600 ملجم..... ده اللى انا ماشى عليه حاليا و وصفته لناس كتير اعرفها عندها نفس الاعراض اللى بتزيد فى وقت تغيير الفصول و ريحهم جدا.... جرب و قلنا النتيجة و بالشفاء ان شاء

**dedi** · 25-02-2013 06:50 PM

من كلام كذا دكتور لما تجيلك الجيوب و قبل ان تتحول الى مزمنة يلزمك علاج لمدة 10 الى 15 يوم مضاد حيوى و دة فى بدايتها يعنى لا تهمل لان الوقت عامل مهم جدا
بخصوص الملح القلوى يفضل انة يكون نوع سائب يعنى بتاع معمل و بيباع فى الصيدلية برطمان بلاستيك صغير تقريبا 5 جنية بس بلاش بتاع الكياس
كان فى و صفة قرئتها فى الاهرام عن و صفى بلدى بيستعملها الفرنسيون و القدماء المصريين اول من عرفها هى عبارة عن قرفة و ليمون و ثوم و شوية مياة دافئة و يشربوا دور عليها فى جوجل
لاف سلامة عليك و يبقى طمنا