الموضوع: إلحقوني يارجالة الريو الجديده

العربية راحت التوكيل ولا لسه ؟ لو لسه هقول لك على شويه حاجات تعملهم

العربيه لسه مارحتش التوكيل لسه منوره تحت البيت وشكرا لأهتمامكو

قبل الونش افصل كابل البطاريه شويه و ركبه و دورها تانى

و مينفعش العربيه تبقى عطلانه يبعتولك ونش على حسابك و المبلغ كتير جدا فى عرض من الفرسان ان الونش ب 100 جنيه داخل القاهره

التوكيلات المحترمه و المفروض ان وكيل كيا منهم بيبقى ليهم عربيه صيانه للاعطال المفاجئه كده و كانوا بيعملوها مع الميجان

للاسف التوكيل طلع غير محترم وفيه مهندس صيانه كلمني علي الموبايل وقالي علي موضوع فصل الكابل بتاع البطاريه ولا في أي فايده شكل العربيه العيب من المارش لان الكمبيوتر بتاع العربيه بيشتغل وكله تمام بس هيه أصلا مش لاقطه مارش خالص ولا سامع صوته

ممكن تكون حاجة بسيطه جدا فوق ما تتخيل بس بصراحه ما تحصلش من عربيه زيرو

هيه حصلت معايا فى ال 127 كانت حالفه ما تدور و سيبتها بتاع اسبوع متكدر على ما تتصلح فى الاخر طلعت فيشه المارش متشاله من مكانها و الحاج كان بيكدرنى و مش عايز يقولى و كانت لسه خبرتى مش جامده اوى فى العربيات

فى الغالب هتبقى عندك نفس المشكله فيشه مش راكبه فى مكانها سواء كانت المارش او بتاعه حساس التسقيف

ممكن الفيوز بتاع المارش يكون اتحرق شيك عليه فى علبه الفيوزات و لو لقيته محروق جرب فيوز من الاسبير يكون نفس الامبير و دور لو دارت يبقى العيب من الفيوز و يبقى فى حاجة فى الكهربا و تقوم موديها التوكيل على طول
لو الفيوز ضرب فى ساعتها يبقى كده فى شورت و لازم تروح التوكيل عشان ضمان الكهرباء و يغيرولك الدفيره بتاعه الجزء ده بس انا مستبعد الموضوع ده لانها عربيه زيرو و وصلات صح مش بلدى بس جرب مش هاتخسر حاجة

سواق الونش كلمني جي في الطريق دلوقتي لمانشوف بقي يامسهل يارب بس بصراحه انا دمي محروووووووووووووووووووووو وق أدعولي تكون بسيطه