سؤال للمهتمين بالتسجيل الصوتى على الكمبيوتر أو مهندسين الصوت

**MaNoLa** · 25-02-2013 02:48 PM

الموضوع غريب شويتين تلاتة
لكن بعد التجارب و بعد صرف إلى ورايا و إلى أدامى و إلى جمبى كمان

قررت أسئل حد فيكم لو له علاقة بتسجيل الصوت على الكمبيوتر أو يكون مهندس صوت

خلاصة الموضوع أننا عايزة أشترى مايك كمبيوتر يكون بجاك يتوصل بالكمبيوتر أو يو أس بى
يكون بيدخل الصوت للكمبيوتر بشكل نقى مفيهوش أى تأثيرات
جربت أنواع من عند راديو شاك و لكن مش للكمبيوتر و كانت بتوصيلات معقدة و فى الأخر الصوت طلع زباله
دلوقتى بقى فيه حلين و عايزة حد يكون بيفهم يقولى أنهى أفضل
أولا نوع مايك يكون كمبيوتر بجاك كمبيوتر أو يو أس بى بس يكون انضف نوع فى مصر
ثانيا جهاز يتوصل بالكمبيوتر عن طريق اليو أس بى أو جاك الصوت و يتركب فيه المايك عشان يطلع الصوت نقى

حد فهم حاجة ؟
طيب لو حد فهم يقولى أعمل أية و لو محدش فهم يقولى عشان أشرحله النقطة إلى مفهمهاش

**Ahmed_Adham** · 26-02-2013 09:44 PM

هتسجلي صوت بس ولا موسيقى؟ لو صوت بس أيوه أنا جربت الموضوع ده وهتجيبي سماعه بمايك تكون ماركه محترمه زي "لوجيتيك" أو "مايكروسوفت" وأنا تجربتي مع Microsoft Lifechat LX3000 ودي USB وسواء السماعه ولا المايك الاتنين زي الفل واداءهم عالي جدا والمايك بيعزل الصوت بشكل ممتاز ومراتي بتكلمني منه على سكايب وأنا مسافر ومكنتش بسمع أي صوت جنبها أو أي خروشه ولا هسهسه ومعايا من 3-4 سنين ولسه شغاله بدرجه ممتازه اما موضوع شرا مايك لوحده فبما ان الحاجات دي مش منتشره مش هتلاقي حاجه محترمه في السوق.

دي صوره السماعه اللي بتكلم عليها

http://www.digitalcityegypt.com/File...at_LX-3000.jpg

**Hamdy Masria** · 26-02-2013 10:57 PM

واضح من السؤال ان نقاء الصوت هو الأساس
وعشان يكون نقاء الصوت مظبوط

1- مينفعش نعتمد على كارت الصوت الموجود على البورده يعنى
لازم نشترى كارت صوت محترم وده هيكون غالى ومكلف يتراوح سعره من 1000 : 1500 جنية

2- مايك برضوا محترم مش بتاع كمبيوتر ومن اشهر الماركات واحسنهم ماركة Shure
ويكون ميك dynamic

3- وصلات المايك تكون جوده عالية وممكن تشتريها من راديو شاك

4- لو عايز تركب جهاز وسيط بين الكمبيوتر والمايك هتكون التكلفة اكتر واكتر

**mero100** · 27-02-2013 02:45 AM

قوليلي مواصفات ال pc و مواصفات كارت الصوت تحديدا ... و حقولك علي برنامج الصوت المناسب عشان تقدري تسجلي علي الكمبيوتر و تحفظي الملفات mp3 او wave .... و بخصوص المايك ... حتجيبي مايك اسمه genius من اي مول كمبيوتر و المايك ده بجاك عادي سعره في حدود 30 جنيه و نقاؤه عالي جدا ... انا مجربه ... انا مهتم بمجال الاستديوهات و الصوتيات. .