حد جرب يطلع رخصه عن طريق مدارس المرور

السلام عليكم

حد جرب يطلع رخصه عن طريق مدارس المرور فى القاهره وياريت يشاركنا بتجربته

أنا طلعتها عن طريق مدرسة المرور في طنطا , دفعت الفلوس وما اتعلمتش حاجة

رحت الامتحان النظري ونجحت والعملي العسكري ساق بدالي وأخدت الرخصة بكل سهولة , بس انا كنت متعلم سواقة طبعا ... أكيد القاهرة نفس الحكاية


الكلام ده من 3 سنوات تقريبا ...

في 2005 طابور مهول في مجمع التحرير عشان تقدم و اتعلمت في السيده عائشه علي عربيه نص نقل ماتت من زمان هو مكنتش تعليم اوي هو كان بيورينا نركن ازاي عشان الامتحان و فعلا بيسهل كتير في الامتحان و مبتدفعش مليم رشوه :)

انا كنت عملتها تبع مدرسة مرور في غمره بس من كام سنه وكانت اشطه يعني وفي الاخر راح معايا اختبار المرور وخلصلي الرخصه بس مش عارف هي لسه موجوده ولا لا

اة انا عملتها من سنة فى مدرسة المرور اللى فى شيراتون
بس انا مكنتش بعرف اسوق فكنت بدى اللى يعلمنى فلوس كل حصة عشان يعلمنى صح
كانت عربية نص نقل
وساة الامتحان نجحوا كل الناس اللى تبع المدرسة يدوبك لسة بجيب الاول وبطلع قالى بس كدة مية مية

الف شكر يا شباب انا كنت عايز اروح بس يا ترى عدد المرات اللى بنروحها اد ايه ومبلغ كام بيندفع للاشتراك

طلعتها من حوالي 5 سنين مرور بين السرايات شوية محاضرات نظري وتعليم عملي مالوش اي لازمة ..
وروحت المرور كان معايا المدرب واللوا صاحب المدرسة كان قاعد واخدت القمع تحت العربية وانا راجع وعديت :)

بس مالهمش دعوة بالنظري ...العملي بس

ميزتها انك لو متعلمتش منهم حاجه بيسهلولك الرخصه وبنسبه كبيره هتنجح حتى لو فرمت قمع عشان هما مطلوب منهم نسبه نجاح معينه للمدرسه عشان ياخدو حوافز. في الحاله دي لازم تتعلم مع نفسك طبعا عشان تعرف تسوق بدون الاعتماد على المدرسه.

بارك الله فيكم ومتشكر جدا