السلام عليكم
الحمد لله استلمت رينو لوجان من 3 ايام
بس طبعا لسه في التلين فا مش هعرف اديكو تقيم كامل دلوقتي ...ادعولي اخلص التلين على خير ...بس الحمد لله انا مبسوط من العربية حتى الان
انا تحت امركو في اي سوال
عرض للطباعة
السلام عليكم
الحمد لله استلمت رينو لوجان من 3 ايام
بس طبعا لسه في التلين فا مش هعرف اديكو تقيم كامل دلوقتي ...ادعولي اخلص التلين على خير ...بس الحمد لله انا مبسوط من العربية حتى الان
انا تحت امركو في اي سوال
الف مبروك وربنا يبارك ليك فيها ويبعد عنك العربيات والعيال الي بمسامير
ومستنين التقييم وياريت تطلع صدقة
ياعمروباشا الف مبروك وربنا يباركلك فيها ويديك خيرها ويبعد عنك العيال بتوع المخصوص اللى ماليين اكتوبر منهم لله:chinese:
ألف مبروك يا استاذ عمرو واختيار موفق ان شاء الله .
ربنا يباركلك فيها ويحفظهالك من كل شر ويكفيك شرها ان شاء الله.
الف مبروووووووووووووووووك
الف مبروك يا باشا و يكفيك شرها و يباركلك فيها و منتظرين التقييم
الف الف الف مبروووووك على العربية
فى انتظار التقييم :)
ربنا يباركلك فيها و يبعد عنك شرها
مبروووووك عليك العربية
الف مبروك يابا شا وربنا يحفظك ويحفظها لك
انا يمكن برضو اجيب واحدة بس مستني اشوف اخبرها ايه
الف مبروك علي العربية وربنا يباركلك فيها ....ويديك خيرها ويكفيك شرها....
شكرا يا جماعة على الدعوات ....ربنا يكرمكوا جميعا و يحفظلكو عربياتكو :)
ألف مبروك
و منتظرين تقييمك و ملاحظاتك أول بأول
الف مبروك العربية و ربنا يباركلك فيها
انا كان عندى شوية اسئلة لانى بفكر اجيب واحدة لانها عجبانى اوى و سعرها حلو
كنت عاوز اعرف هيا الفول اوبشن فيها سماعتين و لا اربعة؟ لانى لقيت الهاف اوبشن عند المصرية بسماعتين بس
هل العربية الفول فيها مرايات كهرباء و لا لا؟
هى العربية تنك البنزين بتاعها بيتفتح من الخارج و لا من جوه العربية؟
معلش الاسئلة كتير شوية بس انا مش لاقى اى معلومات عن الفول اوبشن و رحت المصرية اللى فى مصر الجديدة واللى فى جرين بلازا فى اسكندرية و لاقيت
الاثنين عندهم الهاف اوبشن و الناس هناك مش فاهمين اى حاجة فى العربية
و ياريت لو تقدر تصورهلنا يبقى الف شكر
و منتظرين التقيم منك اول باول:)
يا باشا انا تحت امرك في اسئلة
الفول اوبشن فيها : 4 سماعات 2 ورا و 2 في البابين الي ادام - و على فكرة النظام الصوتي بتاعها حلو جدا و الله - و ال سي دي الي فيها معملش معايا مشاكل حتى الان
و فيها مرايات كهرباء
التنك بيفتح يدوي ---لازم بالمفتاح -- مش مع الستنر و ملوش حاجة تفتحو
الشنطة مع السنتر (يعني لما يكون السنتر يكون مفتوح تبقى الشنطة ممكن تتفتح - لكن مش بتنطر لفوق لوحدها )
لو حضرتك من القاهرة روح عند محمد زكى القطامية ---ناس كويسن و فاهمين و معرض كبير و هتلاقي عنده العربيتين الهاف و الفول - انا اشتريت من عندهم على فكرة و الحمد لله ريحوني و بيعها بسعر التوكيل بالظبط
لو في الي سوؤال تاني ...انت تأمر
الف شكر على الرد.
انا كده العربية الفول داخلة دماغى اوى بس ارفانى اوى حكاية التنك اللى بالمفتاح:no4:
اصل انا كان معايا شاهين و كنت كاره اوى حكاية فتح التنك من برة ده بس بسيطة
المهم ان العربية عجبانى اوى واسعه و شنتطها كبيرة و هو ده اللى انا عاوزه فى العربية
اصل انا محتار بينها و بين النيسان بس لاقيت النيسان ضيقة شوية من ورا
إن شاء الله ترسى على اللوجان
بالمناسبة انا من القاهرة بس ممكن توصفلى فين محمد زكى ده معلش اصل انا مليش فى القطامية خالص
معلش سوال كمان كان فيه زرار فى التابلوه جنب ازاز الكهربا علية قفل هو الزرار ده بيعمل ايه؟:)
و شكرا ليك مرتة تانية
فعلا ده السنتر لوك
محمد زكي يا باشا....عند النفق الي بيودي على طريق العين السخنة
لو انت جاى من ناحية كارفور على الطريق السريع بعد كرفور بشوية هتلاقي منزل بيقةل مدينة نصر / طريق السخنة تنزل فيه و تلف يمين في يمين هتلاقي نفق لما تطلع منه هتلاقي محمد زكي في وشك على طول
لو انت جاي من مدينة نصر - خد الطريق الي بيطلع على المقطم من الضهر (الطريق الي طله جيش ده) اخر الطريق ده يودى على نفس النفق - هتلاقي محمد زكي على الشمال
الف شكر على الرد و الوصفة
و منتظرين من حضرتك تقييم العربية و ربنا يباركلك فيها
الله يكرمك ....قريبا ان شاء الله