(๏̯͡๏) تجربتى المفصلة لنقل الملكية وتجديد رخصة تسيير السيارة وحدة مرور طنطا

[img3]http://i.imgur.com/SUAgH.png[/img3]

http://i.imgur.com/xWl2f.gif

فيديو تفاعلي عن إجراءات التراخيص والمستندات المطلوبة

http://www.youtube.com/watch?v=PQjB_n1M9pA

http://i.imgur.com/xWl2f.gif

http://i.imgur.com/uy7L24S.gif
الرخصة بتاعت العربية هتنتهى يوم 25 الشهر القادم والرخصة لسه بإسم مالكها من ساعة ما اشتريت العربية من حوالى سنتين ونصف وماشى بالتوكيل
وقولت ابدأ فى اجراءات نقل الملكية والفحص واللذى منه من دلوقتى علشان مبحبش اعمل حاجه وانا مضغوط
روحت نيابة المرور وانا ركبى بتخبط فى بعض من القصص والروايات اللى بنسمعها عن المخالفات اللى بتتحط إعتباطاً على العربيات
عمال ادعى ان ربنا ما يحوجنى للباشا وكيل النيابة
ولا الباشا المستشار
علشان اشيل المخالفات اللى هلاقيها أو حتى يخففها
رغم انى والحمد لله ملتزم جدا جدا بقانون المرور وفى كل الأوقات بحترم نفسى أولاً وبحترم القانون اللى بتمنى انه يسود على الكل من أول رئيس الجمهورية الى اقل عامل فى مصر
رغم الفوضى المرورية والإنفلات والقرف اللى شايفينه فى الشارع
عمرى ما كسرت اشارة
أو ركنت فى الممنوع
أو مشيت عكسى
أو نفضت لعسكرى مرور
دائما رابط الحزام مهما كانت سرعتى
مش لازق اى استيكرات أو حتى فاميه خفيف على الزجاج
بحترم السرعة المقررة ومش بكسرها
ياعنى بحاول اقترب من الإلتزام واكيد ليا اخطائى والكمال لله وحده
بس رغم كل ده قلقان من الفساد وخايف ألاقى مخالفات
وكله بيقولى اكيد هتلاقى على الأقل 500 - 600 جنيه مخالفات
وده امر مفروغ منه
قولت فى بالى يادى الخيبه ياعنى الملتزم فى الآخر هيتساوى بالمستهتر وغير الملتزم
روحت النهاردة الصبح 25-2-2013 نيابة المرور وطلبت شهادة مخالفات
والحمد لله بفضل الله لقيتها لايوجد مخالفات

http://img546.imageshack.us/img546/9...0225160428.jpg

وطلعت على الشهر العقارى بعت العربية لنفسى بالتوكيل
ودفعت رسوم 640 جنيه
طبعا حسب موديل العربية وسعة المحرك
العربية شاهين 1400 سى سى موديل 2004

وطلعت على المرور اخدت أورنيك فحص وورقة لشهادة صلاحية طفاية الحريق

وروحت شركة بافاريا اخد منى الطفاية القديمة واشتريت طفاية جديده 1 كجم بخصم 20% ودفعت 111 جنيه
ياترى كده كويس ولا اضحك عليا ؟
مع العلم انى كنت حاولت املاها قالولى النوع ده مستورد ومش بينفع يتملى

وان شاء الله هروح افحص يوم الأربعاء القادم

ياريت لو حد عنده اى نصائح بخصوص الفحص الفنى واجراءات المرور الباقية

ودعواتكم علشان ربنا ييسر الأمور وكل حاجه تخلص على خير ان شاء الله

http://i.imgur.com/Ml7kAAl.gifhttp://i.imgur.com/lolFOkW.gifhttp://i.imgur.com/0xjs9lu.gifhttp://i.imgur.com/toXv2SU.gifhttp://i.imgur.com/0xjs9lu.gifhttp://i.imgur.com/XYDLQYN.gifhttp://i.imgur.com/iwQxkMF.gif

http://i.imgur.com/2efLjdK.gif

أنا بصراحة عمري ما شوفت مخالفات أعتباطية .... و الله أعلم .

و بصراحة مفيش أحسن من الألتزام .... و أنا زيك على فكرة .
ملتزم الحمد لله .

نسيت أقولك مبروك نقل الملكية و التجديد ... ربنا يسترها عليكم و علينا .

مبروك لنقل الملكية بس سؤالي
هو لازم الطفاية تكون مليانة وانت بتجدد ؟

مبرووووووك من الاعماق والى الامام وبالتوفيق يارب
وعقبالي انا كمان عندي تجديد وفحص الشهر الجاي


دعواتكم

مبروووووك نقل الملكية

اقتباس:

---

المشاركة الأصلية كتبت بواسطة tutankhamoun

أنا بصراحة عمري ما شوفت مخالفات أعتباطية .... و الله أعلم .

و بصراحة مفيش أحسن من الألتزام .... و أنا زيك على فكرة .
ملتزم الحمد لله .

---

اقتباس:

---

المشاركة الأصلية كتبت بواسطة tutankhamoun

نسيت أقولك مبروك نقل الملكية و التجديد ... ربنا يسترها عليكم و علينا .

---

الله يبارك فيك
زادك الله إلتزاما
وربنا يباركلك ويستر طريقنا وطريقك ويكفينا شر أولاد الحرام

الأخطاء ورادة اكيد ... والعسكرى اللى بياخد النمرة ممكن يغلط.... ولما ياخد نمرة واحد مخالف يغلط فى رقم ولا حاجه وواحد تانى يلبسها
عندك ناس معدومة الضمير بيلعبوا فى نمر العربية بيزيلوا رقم أو يضيفوا رقم ويلبسوا مخالفاتهم لناس تانية
ممكن امين شرطة ولا عسكرى يفهم موقف غلط وينتقم ويلبس مخالفات بدون داعى
والله اعلم

اقتباس:

---

المشاركة الأصلية كتبت بواسطة miceg

مبروك لنقل الملكية بس سؤالي
هو لازم الطفاية تكون مليانة وانت بتجدد ؟

---

الله يبارك فيك
الصح أكيد طبعا لازم تكون مليانة
ولازم يكون تاريخ صلاحيتها سارى

اللى اشتريتها لسه انتاج 2013 وصلاحيتها 10 سنوات

طبعا انت فى مصر
وكل حاجه ممكن تخلص بالرشوة وبالكوسة
وتعدى بطفاية حريق غير صالحة
بس خد بالك ان طفاية الحريق وسيلة امان ليك انت قبل ما تكون بند من بنود القانون علشان تفحص
ممكن تكون سبب للحفاظ على حياة بنى آدم لاتقدر بثمن
أو تكون سبب للحفاظ على عربيتك اللى دافع فيها آلاف من حريق لاقدر الله

اقتباس:

---

المشاركة الأصلية كتبت بواسطة sehsss

مبروووووك نقل الملكية

---

الله يبارك فيك ياباشا

يا اخونا محدش عنده اى معلومات أو نصائح عن اللى المفروض يتعمل فى المرور بعد كده

بالنسبة لشركات التأمين اللى فى المرور واقفين عمالين ينادوا على الزباين
اختار مين ؟
مين افضلهم ؟
هل فيه فروق فى الأسعار بين الشركات ولا كله زى بعضه ؟

اقتباس:

---

المشاركة الأصلية كتبت بواسطة elawany13

يا اخونا محدش عنده اى معلومات أو نصائح عن اللى المفروض يتعمل فى المرور بعد كده

بالنسبة لشركات التأمين اللى فى المرور واقفين عمالين ينادوا على الزباين
اختار مين ؟
مين افضلهم ؟
هل فيه فروق فى الأسعار بين الشركات ولا كله زى بعضه ؟

---

طيب او لا مبروك علي نقل الملكيه و ربنا يتملك اجراءاتك علي خير حضرتك هتروح تفحص و بعد ما تفحص هيكتبلك علي ورق الفحص جواب لرئيس وحده المرور اللي كانت العربيه تابعه ليه ترجعلهم تعمل مطابقه بصمه في مرورها القديم و بعدين ترجع مرورك تسلم ورق الفحص مع التامين (كل الشركات زي بعض و نفس السعر ) و تدفع ضربتك تشيل نمرك القديمه تسلمها و تستلم رخصتك الجديده و نمرك الجديده و مبروك مقدما

اقتباس:

---

المشاركة الأصلية كتبت بواسطة ahmedhilmy

طيب او لا مبروك علي نقل الملكيه و ربنا يتملك اجراءاتك علي خير حضرتك هتروح تفحص و بعد ما تفحص هيكتبلك علي ورق الفحص جواب لرئيس وحده المرور اللي كانت العربيه تابعه ليه ترجعلهم تعمل مطابقه بصمه في مرورها القديم و بعدين ترجع مرورك تسلم ورق الفحص مع التامين (كل الشركات زي بعض و نفس السعر ) و تدفع ضربتك تشيل نمرك القديمه تسلمها و تستلم رخصتك الجديده و نمرك الجديده و مبروك مقدما

---

شكرا ياباشا
ان شاء الله هفحص العربية وانقل الملكية فى نفس المرور ولله الحمد
عندنا فى الغربية فيه ناس بتجدد وتنقل ملكية بنفس النمر القديمة
وناس تانية بلاقيها جابت النمر الجديده
مش عارف الموضوع بقى اختيارى ولا كوسة ولا ايه بالضبط

مبروكككككك

الف مبروك وربنا يتممهالك على خير

اقتباس:

---

المشاركة الأصلية كتبت بواسطة tutankhamoun

أنا بصراحة عمري ما شوفت مخالفات أعتباطية .... و الله أعلم .

و بصراحة مفيش أحسن من الألتزام .... و أنا زيك على فكرة .
ملتزم الحمد لله .

---

طيب ياباشا أنا ولله الحمد أقدر أقول على نفسي ملتزم برضه وغير متصور إني ممكن أكسر إشارة شغالة أو واقف فيها عسكري مرور ... وأكتر حاجة غير متصورة بالنسبة لى إني أعكس اتجاه دي من أكتر الحاجات اللى بكرهها

ولكن في برضه حاليا عندي مخالفة سير عكس اتجاه في الأزبكية تقريبا لما كشفت عليها من على النت وكمان مخالفة تعطيل حركة المرور والإثنين بـ 1500 حسب آخر مرة كشفت فيها ... الله أعلم إيه اللى نزل تاني

وبرضه لما كنت بجدد الترخيص المرة اللى فاتت .. مخالفة عكس اتجاه في عابدين ... ومجموع مخالفات بـ 2000 جنيه ..

والاثنين سواء الأزبكية أو عابدين أنا تقريبا ممشتش فيهم بالعربية نهائيا من ساعة ما اشتريتها ... واستحالة أكون عملت فيهم مخالفات أساسا ... دا ما بعكسش في التجمع هاعكس في وسط البلد وفي أماكن لا يتصور فيها العكس أساسا حتى من بتوع الميكروباصات .. هاعكس أنا فيها :fun_36_3_4[1]:



أحلى حاجة إن المخالفة الوحيدة اللى على طول باعملها حاليا وهي إني مش بربط الحزام ... عمري ما خدتها ولا لاقيتها في الملف :049:

اقتباس:

---

المشاركة الأصلية كتبت بواسطة ahmedhilmy

طيب او لا مبروك علي نقل الملكيه و ربنا يتملك اجراءاتك علي خير حضرتك هتروح تفحص و بعد ما تفحص هيكتبلك علي ورق الفحص جواب لرئيس وحده المرور اللي كانت العربيه تابعه ليه ترجعلهم تعمل مطابقه بصمه في مرورها القديم و بعدين ترجع مرورك تسلم ورق الفحص مع التامين (كل الشركات زي بعض و نفس السعر ) و تدفع ضربتك تشيل نمرك القديمه تسلمها و تستلم رخصتك الجديده و نمرك الجديده و مبروك مقدما

---

على فكرة ياباشا
معلومة ان كل الشركات زى بعض طلعت معلومة خاطئة
رغم ان ده الشائع (كل الناس بيقولوا ان الشركات زى بعض)
لما جيت ادفع التأمين الإجبارى 3 سنوات
كان فيه شباب بينادوا وبيلقطوا الزباين
روحت للى فاضى على اساس ان كلهم نفس السعر
شركة تأمين اسمها نايل تكافل
شاف الرخصه وقولتله 3 سنوات
قالى يبقى 330 جنيه
ودفعتهم من سكات

لما خلصت الأوراق واتراجعت وقعدت منتظر الرخصة تتطلع حوالى ساعتين ملل رهيب
قعدت اتكلم مع واحد جنبى معاه نيسان صنى وقعدنا ندردش
ومن ضمن الكلام سألته عن سعر وثيقة التأمين فوجئت انه عملها ارخص منى بـ 20 جنيه
وثيقة التأمين كانت تبع مصر للتأمين بـ 310 جنيه
وقالى كان فيه شركة تانية بـ 308 جنيه كمان

الناس اللى هتجدد ابقى خدوا بالكم وسألوا فى كل كشك عن سعر 3 سنوات كام
وانتوا أولى بالفرق

العربية معايا بقالها سنتين ونصف
طقت فى دماغى امبارح أتأكد من رقم الشاسية ورقم الماتور الموجود فى الرخصة
قولت علشان متفاجئش بأى حاجه اثناء الفحص ومتعطلش على الفاضى
اخدت الرخصة ونزلت على العربية وفتحت الكبوت
لاقيت رقم الشاسية على الركبة اللى متثبت فيها المساعد اليمين
ولاقيت نفس رقم الشاسية على قايم الباب الايسر
وهو نفس الرقم المثبت فى الرخصة
وقولت تمام
ناقص بقى الماتور اتأكد منه
ارقام كتيرة مكتوبه فى كل حته ومش لاقى اى رقم مطابق للرقم الموجود فى الرخصة
سألت جار ليا متعرفش رقم الماتور فين قعد يدعبس معايا مش لاقين اى رقم مطابق
دب القلق جوايا وقولت انا اتنصب عليا ولا ايه !!!
قولت اللى هيفيدنى فى الموضوع ده الكهربائى اللى بتعامل معاه
عمال يتاجر فى العربيات الشاهين
كل شوية ألاقيها شارى واحده وبايع التانية
روحتله قولتله تعرف رقم الماتور فين قالى بملئ فيه طبعا يابيه ديه حاجه معروفه وسهلة
وداخ السبع دوخات فى البحث وبعدين قالى الرقم اهو مطبوع على وش السلندر
وفعلاً رقم شكله محترم وقولت اكيد ده
جيت اقارنه بالرخصه بردوا مش مطابق !!!
الدنيا لفت بيا والشكوك اللى جوايا بقت كبيرة
قولت انا عايز أتأكد ... روحت للميكانيكى قولتله تعرف رقم الماتور فين
رد عليا بنفس ثقة الكهربائى ان ديه حاجه معروفه
قعد يلف يمين وشمال ويطلع فوق الماتور
وينزل تحت الماتور ومعرفش يوصل لحاجه !!!!
فتحت كاتلوج العربية
لاقيته كاتب مكان رقم الماتور وحاطط صورة مش واضحه ومش محدده هيه فين
حاولت اشوف المكان بناء على الكتالوج معرفتش اوصل للرقم
روحت البيت مش شايف قدامى
وعمال اقول هعمل ايه لو لاقيت الماتور متغير بدون ورق
ولما هروح اللى بعهالى هيقولى ايه وهعمل معاه ايه
وطول الليل عمال افكر والقلق مبهدلنى

يتبع ........

أنا التقطت الصورة ديه ممكن تفيد حد

[img3]http://img20.imageshack.us/img20/6673/20130227115723.jpg[/img3]

خطوات نقل الملكية والتجديد والفحص بالتفصيل
فى الغربية طنطا

اليوم الأول .. يوم الاثنين الماضى
:049:
(1) روحت بالرخصة القديمة بإسم المالك الأول نيابة المرور فى مبنى المحكمة الجديد عند محطة القطار وطلعت شهادة مخالفات والحمد لله لايوجد مخالفات

(2) طلعت على المرور اللى فى شارع الجلاء علشان اشوف الاوراق المطلوبة وعلشان اعمل عقد مسجل فى الشهر العقارى اللى كان موجود فى نفس مبنى المرور القديم لاقيته خرابه ... محروق منذ ايام الثورة المجيده ومفيهوش ولا موظف ... بس فيه عسكرى قاعد على الباب قالى المرور كله اتنقل فى مبنى المرور الجديد .

(3) روحت مبنى المرور الجديد سألت فى كشك الإستعلامات قالى اشترى أورنيك فحص ووصل طفاية بـ 5.5 جنيه وروح أفحص و انقل ملكية فى الشهر العقارى بعقد مسجل .. قولتله مش المفروض الشهر العقارى ليه فرع فى المرور قالى مفيش مكان ليهم هنا روح اى شهر عقارى اعمل عقد مسجل وافحص وتعالى ... ووصفلى مكان شهر عقارى قريب للمرور عند قحافه فى المساكن الشعبية

(4) روحت للشهر العقارى فى قحافة لاقيته زحمة مووووووووت شافوا بطاقتى قالولى مكانك مش هنا انت تبع مركز طنطا تروح الشهر العقارى اللى فى المحكمة القديمة مبنى النيابة الإدارية بجوار مديرية الأمن

(5) بعد كده روحت الشهر العقارى اللذى يتبع محل سكنى فى البطاقة فى مبنى المحكمة القديمة بجوار مديرية أمن الغربية والحمد لله كان يعتبر فاضى بالمقارنة بالشهر العقارى بتاع قحافه... دخلت على مأمور الشهر العقارى قولتله عاوز انقل ملكية قالى مالك السيارة موجود قولتله لا .. بص فى التوكيل وقالى هتبيع لنفسك قولتله ايوه ... قالى خد عقد بـ 5 جنيه واطلع على الناس اللى قاعده بره بالتوكيل والبطاقة الشخصية واكتب العقد ... قولتله انا متعلم ومتنور وبعرف اكتب هههههههههه ... قالى مش هتعرف وهتبوظ العقد .. طلعت لواحد من الناس اللى قاعده بره كتب العقد بخط وحش جدا وأخد 5 جنيه (مش عارف اسمهم ايه عرضحلجى ولا ايه !!!) وواضح انهم بيقسموا الغلة فى نهاية اليوم مع موظفين الشهر العقارى ... لإن ده يعتبر شغل الموظف اصلاً

(6) روحت لموظف تانى طلع جدول بتحدد رسوم نقل الملكية حسب نوع وموديل السيارة وسنة الصنع ... دفعت 640 جنيه فى الخزنة رسوم الشهر العقارى (شاهين 1400 سى سى موديل 2004) وكتبوا فى العقد سعر شراء السيارة 1000 جنيه قولت للموظف اشمعنى 1000 قالى لو كتبنا اكتر من كده هتدفع رسوم بزيادة
بالمناسبة حصل موقف ظريف .. واحد جاى بيكتب عقد ايجار شقة مسجل بكام ياعم بـ 30 جنيه فقط لاغير الموظف بيقوله ده فى الشهر ولا فى السنة ... المواطن قاله لا يبيه ده سعر ايجار 3 سنوات وبيقولوا ان اسعار الإيجارات غالية والشباب مش لاقى شقق هههههه
على فكرة صاحب الشقة دفع رسوم اكتر بكتير من 30 جنيه تمن الإيجار ههههههه

(7) بعد كتابة العقد رجعت لمأمور الشهر العقارى بعتنى لموظف آخر طلب صورة من التوكيل وصورتين للبطاقة مع الرخصة فى ورقة واحد .. طيب ياسعادة البيه الموظف معايا الصور المطلوبة قالى الصور اللى معاك مش هتنفع لازم البطاقة والرخصة يتصوروا مع بعض فى ورقة واحده .. صورت الأوراق المطلوبة وختمت الورق ورجعت للموظف وقعت على الأوراق وراجعوا الأوراق وبعدين روحت لغرفة تصوير الميكرو فيلم علشان يصوروا العقد بالميكروفيلم + صورة عادية برسوم قدرها 2.75 ... وكده خلاص انتهت قصة الشهر العقارى وبقى معايا عقد مسجل .. ونصيحة ابقى صورة واضحة كذا صورة واحتفظ بالصور معاك

(8) كنت بجوار شركة بافاريا روحت اشتريت طفاية جيده انتاج 2013 واخد القديمة بخصم 20% ... دفعت 111 جنيه ثمن الطفاية الجديده صالحة لمده 10 سنوات.

خلاص الساعة بقت حوالى 1.5 واليوم كده بالنسبة للمصالح الحكومية خلص
:120146b
فقررت اروح واكمل يوم الأربعاء

اليوم الثانى .. يوم الأربعاء الماضى
:049:
(1) الصبح فى حوالى الساعه 9 روحت على المكان اللى بيفحصوا فيه العربيات فى المرشحة لاقيت طابور كبير بس يعتبر معقول نوعا ما وقفت بعربيتى فى الطابور وأنا القلق بياكلنى من جوه علشان رقم الماتور اللى مش لاقيه ... اخدن أورنيك الفحص ووصل الطفاية وروحت ختمت الأورنيك علشان يبقى جاهز وطبعوا رقم الشاسية على الطفاية وختمولى الورقة ومفيش مشاكل

(2) الطابور كان بيتحرك ببطئ كان فيه ناس بتعمل مفتحه وتغمز الموظف اللى بياخد البصمة بفلوس علشان يخلصوا انا قولت مش هدفع رشوة لأى حد .. الحمد لله الدور جه عليا فى زمن قياسى لايتجاوز الساعه خلاص اخدنا على الطوابير بسبب طوابير البنزين الاسبوعية والجو كان كويس جدا ومريح اخدوا بصمة الشاسية من على الركبة اللى عليها المساعد الايمن ولاقوها مطابقة للبصمة اللى على القايم الايسر واخدوا بصمة الماتور من مكان مكنتش متوقعه فى وش المحرك بجوار سير الكاتينه والحمد لله كله مطابق للرخصة وتنفست الصعداء


(3) اخدت الورق وروحت للمهندس قام معايا بص على العربية ولف حواليها وقالى تمام وبعدين واحنا ماشين بص فى الرخصة وقالى اللون فى الرخصة رمادى ميتالك ... ده بقى رمادى ولا رصاصى ... قولتله وايه الفرق بين اللونين سكت ومضاها وروحت مضيتها من الضابط اورنيك الفحص ووصل الطفاية

(4) رجعت لمبنى المرور الجديد اللى فى أول طريق المحلة الكبرى لو انت هتنقل ملكية اخلع نمر العربية وخدهم معاك علشان متنزلش تانى

(5) اشتريت بوليصة تأمين من الأكشاك اللى تحت لمده 3 سنوات من نايل تكافل سعر الوثيقة 330 جنيه (محدش يدفع عميانى ابقى أسأل فى كل الأكشاك عن سعر الوثيقة للمدة اللى انت عاوزها) ...فيه اختلافات بين شركات التأمين فوجئت بعد كده ان كشك مصر للتأمين اللى لازق فيهم بيدى نفس وثيقة التأمين بـ 310 جنيه ... اموت واعرف ايه فايده التأمين الإجبارى بيعود علينا أو على اى حد من الشعب بإيه !!!
مكتوب فى الوثيقة انهم بيدفعوا تعويضات بتصل الى 40000 جنيه عن الشخص الواحد
بس واضح انها شركات للنصب ومحدش بيطول منهم تعريفة


(6) طلعت الدور الثالث روحت للموظف بتاع الملاكى اللى مكتوب على شباكه رنج الارقام اللى فيهم رقم عربيتى .. قولتله عاوز انقل الملكية بإسمى واجدد ... اخد الورق بعد شوية انتظار حلوين قدام الشباك وطلع الملف بتاع العربية وقعد يطلع فى اوراق كتيرة من الدرج ويكتب حاجات كتير وبعدين ادانى أوراق كتيره قالى امضيها من المراجع فى الشباك اللى جنبى وامضيها من الضابط رئيس قسم التراخيص

وطلب الأوراق ديه اشتريها من شباك تانى بيبع النماذج

[gdwl]- ملف اصفر معفن بـ 1 جنيه اخده لنفسه هههههه
- 3 نماذج 351 ... روحت لبتاع النماذج ادانى 3 نماذج 251 وقالى كله زى بعضه للملاكى سعر النموذج 6.20 .. خد 20 جنيه
- بـ 12.5 طوابع شرطة
- 4 صور واضحة للبطاقة الحمد لله كنت جاهز بيهم
- اصل التوكيل بتاع العربية واصل الرخصة
- أصل العقد المسجل
- شهادة المخالفات
- دفعت فى الخزنة 670 جنيه ثمن الضريبة على السيارة .
- سلمت نمر العربية فى الدور الرابع اخد وصلين كانوا معايا واخد النمر واخد صورة البطاقة .. وقالى لما تاخد الرخصة الجديده ابقى تعالى استلمهم

[/gdwl]
(7) بعد كل اللى فات رجعت للموظف بالأوراق المطلوبة بعد شوية وقوف حلوين بردو طلع ملفى واخد الأوراق وقعد يكتب فيهم شوية وبعدين اداهم للمراجع .. روحت للمراجع لاقيت قدامه هم ما يتلم من الملفات عمال يتفحص فيهم ... فضلت قاعد حوالى ساعه ونصف لحد ما جه الدور على ملفى واتراجع وبعدين اترمى على الأرض علشان يتبعت اخيرا على قسم الكمبيوتر علشان الرخصه تتطلع

(8) بعد انتظار حوالى ساعتين ملل رهيب .. كله قاعد مستنى بالساعات .. وفى تمام الساعه 1.5 اسمى اخيرا اتنادى وروحت استلمت الرخصة ... وطلعت الدور الرابع استلمت نفس نمرى القديمة والحمد لله
بس الرخصة شكلها ردئ جدا والطباعه تعبانه قوى ومش عارفين يقصوها كويس من الأطراف وشكلها يقرف
وواضح ان المرور من سيئ الى اسوأ ومفيش اى تطوير ولا اى تحسن فى الخدمة كما يشاع من وزارة الداخلية ان الدنيا بقت بمبى فى المرور
الحمد لله انها خلصت على خير
ومدفعتش ولا جنيه رشوة

وبصراحة اللى بيجدد رخصته فى الشتاء ارحم مليون مرة من اللى بيجدد فى شهر 7 ولا 8
كانت روحى بتطلع بمعنى الكلمة من الحر والفرهده
انتظروا بعد هذه المشاركة
مشاركة عن شائعات بخصوص التجديد ونقل الملكية والفحص

شائعات بخصوص التجديد ونقل الملكية والفحص

[gdwl](1) فيه شائعة مشهورة واعضاء كتير هنا قالوها بخصوص شهادة البيانات وانك لازم تطلعها علشان نقل الملكية وانها بقت بتتطلب بعد الثورة علشان السرقة والانفلات الأمنى !! ..... شهادة البيانات لم تطلب منى .. وسألت موظف الاستعلامات قالى مدام الرخصة سارية مفيش داعى لشهادة البيانات انما لو الرخصة خلصت بيوم واحد يبقى لازم تطلعها.

(2) شائعة ان شركات التأمين الإجبارى كله زى بعض وكله بنفس السعر وديه طلعت شائعة خاطئة وفيه اختلافات فى السعر بينهم ... ابقى أسأل فى كل كشك واعرف السعر كام قبل ما تدفع واحنا أولى بالفرق ده

(3) شائعة ان النمر الجديد الحروف الأرقام اجبارية ... ديه كمان طلعت مش حقيقية ... انا جددت وفحصت ونقلت الملكية واستلمت نفس نمر عربيتى القديمة بيضاء اللون .. وبصراحة كنت مستخسر انهم يعدموها لإنها تعتبر زيرو ولوحات المونيوم اصلية عريضة والأرقام بارزة وعربى وانجليزى ومفيش بعد كده

http://img90.imageshack.us/img90/278...1106161408.jpg

... مش النمر الصاج المعفن زى بعض النمر اللى بشوفها مصدية أو ممسوحة ... وعرفت ان اللى بيرخص عربية زيرو فقط هوه اللى بياخد النمر الجديده انما اللى بيجدد بيفضل بنفس نمره القديمة ... واعتقد ان الحكاية ديه بتختلف من مرور لآخر حسب توافر اعداد من النمر الجديده فى المرور من عدمه[/gdwl]

تمت بحمد الله

[img3]http://img842.imageshack.us/img842/5856/49093934.jpg[/img3]

من موضوع اخونا حسام
http://www.nilemotors.net/Nile/333811-a.html

جزاكم الله خيرا على نقل التجربة المميتة دي .... ساعات بحس إن تطوير المرور عشان يبقى زي بقية بلدان العالم شيء خيالي مش من حقنا حتى نحلم به

فيها لو يعملوا المرور زي البنوك كدة بتدخل على موظف واحد عنده كل حاجة ... من استلام الورق لشراء النماذج لدفع الفلوس للتصوير لاستلام الأرقام ومايكونش في تعامل بين الجمهور ومهندس الفحص خالص

نفسي أعرف إيه الصعوبة في كدة مش محتاجين أكتر من إعادة تدريب الموظفين فقط لا غير

ولوتفتكروا البنوك زمان كانت عاملة إزاي كنت تدخل مرة على موظف التيلر ومرة تانية على موظف الخزينة ومرة عند موظف خدمة العملاء وكل مرة من دول بطابور طويل .. لغاية ما عملوا موظف واحد عنده كل ده وبتقف الطابور مرة واحدة وخلاص وبتخلص كل حاجة من عند أي موظف

اقتباس:

---

المشاركة الأصلية كتبت بواسطة elawany13

(5) بعد كده روحت الشهر العقارى اللذى يتبع محل سكنى فى البطاقة فى مبنى المحكمة القديمة بجوار مديرية أمن الغربية والحمد لله كان يعتبر فاضى بالمقارنة بالشهر العقارى بتاع قحافه... دخلت على مأمور الشهر العقارى قولتله عاوز انقل ملكية قالى مالك السيارة موجود قولتله لا .. بص فى التوكيل وقالى هتبيع لنفسك قولتله ايوه ... قالى خد عقد بـ 5 جنيه واطلع على الناس اللى قاعده بره بالتوكيل والبطاقة الشخصية واكتب العقد ... قولتله انا متعلم ومتنور وبعرف اكتب هههههههههه ... قالى مش هتعرف وهتبوظ العقد .. طلعت لواحد من الناس اللى قاعده بره كتب العقد بخط وحش جدا وأخد 5 جنيه (مش عارف اسمهم ايه عرضحلجى ولا ايه !!!) وواضح انهم بيقسموا الغلة فى نهاية اليوم مع موظفين الشهر العقارى ... لإن ده يعتبر شغل الموظف اصلاً

---

بس ده مش شغله فعلا .. هو اختصاصه فقط إنه يسجل العقد .. يعني العقد المفروض يروح به الطرفين مكتوب ... وهو مالوش أي دعوة بكتابته .... الموظف بيسجل اللى مكتوب قدامه في العقد وخلاص أيا كان اللى مكتوب ومالوش دعوة بمضمونه

اقتباس:

---

المشاركة الأصلية كتبت بواسطة d . A .\ ayman

جزاكم الله خيرا على نقل التجربة المميتة دي .... ساعات بحس إن تطوير المرور عشان يبقى زي بقية بلدان العالم شيء خيالي مش من حقنا حتى نحلم به

فيها لو يعملوا المرور زي البنوك كدة بتدخل على موظف واحد عنده كل حاجة ... من استلام الورق لشراء النماذج لدفع الفلوس للتصوير لاستلام الأرقام ومايكونش في تعامل بين الجمهور ومهندس الفحص خالص

نفسي أعرف إيه الصعوبة في كدة مش محتاجين أكتر من إعادة تدريب الموظفين فقط لا غير

ولوتفتكروا البنوك زمان كانت عاملة إزاي كنت تدخل مرة على موظف التيلر ومرة تانية على موظف الخزينة ومرة عند موظف خدمة العملاء وكل مرة من دول بطابور طويل .. لغاية ما عملوا موظف واحد عنده كل ده وبتقف الطابور مرة واحدة وخلاص وبتخلص كل حاجة من عند أي موظف

---

جزانا الله واياكم
والله بقالى يومين حاسس بإرهاق وتعب شديد بعد العلقة ديه
لازم نتعب ونتعذب يبقى انت اكيد اكيد فى مصر

اقتباس:

---

المشاركة الأصلية كتبت بواسطة d . A .\ ayman

بس ده مش شغله فعلا .. هو اختصاصه فقط إنه يسجل العقد .. يعني العقد المفروض يروح به الطرفين مكتوب ... وهو مالوش أي دعوة بكتابته .... الموظف بيسجل اللى مكتوب قدامه في العقد وخلاص أيا كان اللى مكتوب ومالوش دعوة بمضمونه

---

إزاى هنروح بالعقد ؟؟
... العقد لازم تشتريه من عندهم بـ 5 جنيه .. ومطبوع بطباعه خاصه زى الفلوس وفيه علامات مائية ... مش مجرد ورقة عادية
أنا فاكر لما كنا بنكتب التوكيل فى الشهر العقارى
موظف الشهر العقارى بيسألك انت عاوز تعمل ايه وهو اللى كتب فيه كل حاجه فيه

مبروك .بس لو حضرتك كنت بتنقل من مرور لمرور تانى خالص كانوا هيطلبوا منك ورقه اسمها استعلام امنى عشان لو العربية متبلغ عنها سرقه او لا.مش اسمها شهادة بيانات

اقتباس:

---

المشاركة الأصلية كتبت بواسطة dr.hany

مبروك .بس لو حضرتك كنت بتنقل من مرور لمرور تانى خالص كانوا هيطلبوا منك ورقه اسمها استعلام امنى عشان لو العربية متبلغ عنها سرقه او لا.مش اسمها شهادة بيانات

---

الله يبارك فيك يا أخى
الحمد لله انى فى نفس المرور
مش ناقصه دوخه بين المحافظات

اقتباس:

---

المشاركة الأصلية كتبت بواسطة elawany13

إزاى هنروح بالعقد ؟؟

... العقد لازم تشتريه من عندهم بـ 5 جنيه .. ومطبوع بطباعه خاصه زى الفلوس وفيه علامات مائية ... مش مجرد ورقة عادية
أنا فاكر لما كنا بنكتب التوكيل فى الشهر العقارى
موظف الشهر العقارى بيسألك انت عاوز تعمل ايه وهو اللى كتب فيه كل حاجه فيه

---

التوكيل مستند رسمي تصدره الدولة وله صيغة معينة وعلامة مانعه للتزوير وحتم بارز وكل حاجة

لكن العقد شريعة المتعاقدين .. ممكن تبيع أي حاجة بأي عقد وبأي صيغة ... وبعد كدة تروح انت والمشتري عشان تسجلوا العقد ده في مكتب التوثيق ... وبعد ما مكتب التوثيق يسجل العقد كدة بقى مستند رسمي ... وموظف مكتب التوثيق بيسجل العقد ده بدون ما يكون ليه أي دخل بمضمونه طالما لا يخالف القوانين وبيديك الصيغة الرسمية منه

لكن القصة في عقد بيع العربية إنهم حافظين صيغة معينة مش أكتر بيتعاملوا بيها ولو جبتلهم صيغة تانية عقلهم ممكن يهنج

وعموما الطبيعي إن الواحد بيروح للمحامي عشان يكتبله أي نوع من أنواع العقود ... بس الفعلي إن العرضحالجية اللى بيقعدوا على أبواب المحاكم ومكاتب الشهر والتوثيق بقت دي وظيفتهم

اقتباس:

---

المشاركة الأصلية كتبت بواسطة elawany13

إزاى هنروح بالعقد ؟؟
... العقد لازم تشتريه من عندهم بـ 5 جنيه .. ومطبوع بطباعه خاصه زى الفلوس وفيه علامات مائية ... مش مجرد ورقة عادية
أنا فاكر لما كنا بنكتب التوكيل فى الشهر العقارى
موظف الشهر العقارى بيسألك انت عاوز تعمل ايه وهو اللى كتب فيه كل حاجه فيه

---

يااه على المعاناه فعلا الى عنده عربيه فى مصر بيتعذب انا برخص 3 سنين ولو فيه 10 كنت حرخص واطلق المرور بالتلاتع

مبروك على التجديد

اما بخصوص العقود انا بجيب العقد من عندهم ببلاش مفيش 5 جنيه وبيملاه الموظف ببلاش برضه يعنى ياخدو مئات الجنيهات وبرضه ادفع بره المفروض ده شامل كل شىء

وبخصوص جزئية الاستماره 351 طلب منك 3 ليه ؟؟ !!

المفروض واحده بس ودى بــ 10 جنيه !!!

اقتباس:

---

المشاركة الأصلية كتبت بواسطة hossam_elwani

يااه على المعاناه فعلا الى عنده عربيه فى مصر بيتعذب انا برخص 3 سنين ولو فيه 10 كنت حرخص واطلق المرور بالتلاتع

مبروك على التجديد

اما بخصوص العقود انا بجيب العقد من عندهم ببلاش مفيش 5 جنيه وبيملاه الموظف ببلاش برضه يعنى ياخدو مئات الجنيهات وبرضه ادفع بره المفروض ده شامل كل شىء

وبخصوص جزئية الاستماره 351 طلب منك 3 ليه ؟؟ !!

المفروض واحده بس ودى بــ 10 جنيه !!!

---

معاك حق
كارثة ان تمتلك سيارة خاصة فى مصر
الواحد طالع عينه من كل جهة
بس خلاص مينفعش الواحد يعيش من غيرها

http://www.nilemotors.net/Nile/219643-a.html

الله يبارك فيك ياباشا

واضح ان كل مكان شغال بمزاجه زى ما انت قولت
العقد مطبوع بعلامات مائية وشبه الفلوس

بالنسبة لإستمارة 351 قالى انت هترخص 3 سنين يبقى تجيب 3 نماذج

و الله انا من الناس الملتزمين فى بقاونين المرور
و بعض اصحابى بيتخنقو منى بس مش بنسبة 100% لا
انا ملتزم بنسبة 80 %

اقتباس:

---

المشاركة الأصلية كتبت بواسطة Elawany13

العربية معايا بقالها سنتين ونصف
طقت فى دماغى امبارح أتأكد من رقم الشاسية ورقم الماتور الموجود فى الرخصة
قولت علشان متفاجئش بأى حاجه اثناء الفحص ومتعطلش على الفاضى
اخدت الرخصة ونزلت على العربية وفتحت الكبوت
لاقيت رقم الشاسية على الركبة اللى متثبت فيها المساعد اليمين
ولاقيت نفس رقم الشاسية على قايم الباب الايسر
وهو نفس الرقم المثبت فى الرخصة
وقولت تمام
ناقص بقى الماتور اتأكد منه
ارقام كتيرة مكتوبه فى كل حته ومش لاقى اى رقم مطابق للرقم الموجود فى الرخصة
سألت جار ليا متعرفش رقم الماتور فين قعد يدعبس معايا مش لاقين اى رقم مطابق
دب القلق جوايا وقولت انا اتنصب عليا ولا ايه !!!
قولت اللى هيفيدنى فى الموضوع ده الكهربائى اللى بتعامل معاه
عمال يتاجر فى العربيات الشاهين
كل شوية ألاقيها شارى واحده وبايع التانية
روحتله قولتله تعرف رقم الماتور فين قالى بملئ فيه طبعا يابيه ديه حاجه معروفه وسهلة
وداخ السبع دوخات فى البحث وبعدين قالى الرقم اهو مطبوع على وش السلندر
وفعلاً رقم شكله محترم وقولت اكيد ده
جيت اقارنه بالرخصه بردوا مش مطابق !!!
الدنيا لفت بيا والشكوك اللى جوايا بقت كبيرة
قولت انا عايز أتأكد ... روحت للميكانيكى قولتله تعرف رقم الماتور فين
رد عليا بنفس ثقة الكهربائى ان ديه حاجه معروفه
قعد يلف يمين وشمال ويطلع فوق الماتور
وينزل تحت الماتور ومعرفش يوصل لحاجه !!!!
فتحت كاتلوج العربية
لاقيته كاتب مكان رقم الماتور وحاطط صورة مش واضحه ومش محدده هيه فين
حاولت اشوف المكان بناء على الكتالوج معرفتش اوصل للرقم
روحت البيت مش شايف قدامى
وعمال اقول هعمل ايه لو لاقيت الماتور متغير بدون ورق
ولما هروح اللى بعهالى هيقولى ايه وهعمل معاه ايه
وطول الليل عمال افكر والقلق مبهدلنى

يتبع ........

---

مبروك الترخيص يا استاذنا
اول مره اشوف الموضوع ده
لو كنت اعرف كنت هقولك على واسطه كبيره تخلص لك الفحص فى دقايق وتقولك على مكان البصمه
لان صاحب البيت اللى فيه الميكانيكى بتاعك هو نفسه عامل البصمه :E_braces[1]:
والصراحه عمره ما اتاخر مع حد انت بس تروح له تسلم عليه قولك هات العربيه هنا و5 دقايق وتكون كل حاجه خالصه ومبيرضاش ياخد فلوس

عندى سؤال مهم جدا , هو انا لما انقل ملكية العربية و انقل المرور للمرور الى انا تابع ليه و اغير النمر , فيه ناس قالتلى انى كل ما اجى ارخص و افحص كل 3 سنين لازم اجيب شهادة مخالفات من المرور القديم الى كانت تابعة ليه ومن المرور الجديد , يعنى انا كل مرة حفحص حجيب 2 شهادة مخالفة , يا ترى الكلام ده صح ولا ايه ؟ طمنونى ارجوكم

اقتباس:

---

المشاركة الأصلية كتبت بواسطة wesam_salom

مبروك الترخيص يا استاذنا
اول مره اشوف الموضوع ده
لو كنت اعرف كنت هقولك على واسطه كبيره تخلص لك الفحص فى دقايق وتقولك على مكان البصمه
لان صاحب البيت اللى فيه الميكانيكى بتاعك هو نفسه عامل البصمه :E_braces[1]:
والصراحه عمره ما اتاخر مع حد انت بس تروح له تسلم عليه قولك هات العربيه هنا و5 دقايق وتكون كل حاجه خالصه ومبيرضاش ياخد فلوس

---

الله يبارك فيك ياوسام باشا
طيب ما هو الميكانيكى اللى بحكى عليه هو الاسطى على ... معرفش يوصل لمكان البصمة
ومجبش سيرة خالص عن الموضوع ده

الحمد لله الفحص متعبنيش بدون واسطة ولا حاجه
والجو كان جميل والطابور كان ماشى

بين وبينك ياوسام باشا ... الإيجابيات الوحيده لطوابير البنزين انها علمتنى الصبر وطولة البال ههههههههههههههه
:E_braces[1]:

اقتباس:

---

المشاركة الأصلية كتبت بواسطة mohamedq

عندى سؤال مهم جدا , هو انا لما انقل ملكية العربية و انقل المرور للمرور الى انا تابع ليه و اغير النمر , فيه ناس قالتلى انى كل ما اجى ارخص و افحص كل 3 سنين لازم اجيب شهادة مخالفات من المرور القديم الى كانت تابعة ليه ومن المرور الجديد , يعنى انا كل مرة حفحص حجيب 2 شهادة مخالفة , يا ترى الكلام ده صح ولا ايه ؟ طمنونى ارجوكم

---

معتقدتش ان الكلام ده صحيح
بمجرد نقل ملفك الى المرور بتاعك خلاص ملكش دعوه بالمرور القديم
انا لم امر بهذه التجربة
بس المنطق بيقول كده
وان شاء الله حد هيفيك

موضوع ممتاذ جدا
وكان عندي سؤالين
الاول بخصوص رقم الشاسيه الي موجود علي القايم الشمال انا لسا مشتري شاهين ٢٠٠٨ وعندي علي القايم
هل هذا الرقم يعني شئ لان الناس كاتبين علي المواقع ان دا معناه ان كان في حادث للسيارة
ولا الموضوع دا طبيعي
وثانيا السؤال بخصوص تحويل الرخصة باسمي لماذا ثلاث سنوات وكم السعر لو سنة واحدة فقط

اقتباس:

---

المشاركة الأصلية كتبت بواسطة anasfox84

موضوع ممتاذ جدا
وكان عندي سؤالين
الاول بخصوص رقم الشاسيه الي موجود علي القايم الشمال انا لسا مشتري شاهين ٢٠٠٨ وعندي علي القايم
هل هذا الرقم يعني شئ لان الناس كاتبين علي المواقع ان دا معناه ان كان في حادث للسيارة
ولا الموضوع دا طبيعي
وثانيا السؤال بخصوص تحويل الرخصة باسمي لماذا ثلاث سنوات وكم السعر لو سنة واحدة فقط

---

بالنسبة لرقم الشاسيه متهيألى ده الطبيعى
الرخصة عملتها 3 سنوات علشان مش عاوز اروح مشوار النكد بتاع المرور ده قبل 3 سنين لو ينفع يعملوها كل 20 سنة يبقى احسن

فيديو تفاعلي عن إجراءات التراخيص والمستندات المطلوبة

http://www.youtube.com/watch?v=ZaokO3AfRXI

مواطن مصري واقف فى الطابور زهق من الوقفة قرر إنه يغني

‫مواطن مصري واقف فى الطابور زهق من الوقفة قرر انه يغني‬‎ - YouTube