الموضوع: والله اتخنقت وعايز حد يفيدني بجد

المشاركة الأصلية كتبت بواسطة sameh_fouad

هو حضرتك لية جايبها على العربية , ماممكن يكون انت مشيت على زيت فى الارض , وساعتها اتخن عربية كانت هتعمل اللى الدايو عملتة دة

ياباشا قول الحمد لله وان ربنا سترها معاك , واستمتع بعربيتك عادى طالما اتصلحت وبقت زى الاول ومافيش منها مشاكل , والدايو مصاريفها حنينة وعلى قد الايد

ولو عايز تغير يبقى عشان تجيب عربية عدلة فى الزمن اللى احنا فية دة يبقى حضرتك عايز عربية مش اقل من 140 الف جنية عشان تقول انا جايب عربية , وطبعا بقى الاقساط غير التأمين والمصاريف وعيوب الصناعة , ومصاريف الصيانات

استمتع بعربيتك ياباشا وطلع حاجة لله ان ربنا نجاك انت واولادك وطلعتوا منها على خير

مش كل واحد بيعمل حادث بيبقى عايز يبيع العربية بدون سبب

حبيبي يا سامح ربنا يخليك يا صاحبي والله انا ناس كتيييير قالتلي بردو طلع حاجة لله عليها او ادبح اي حاجة لأن العربية حصل فيها كذا حاجة ورا بعض كده من ساعة ما جبتها وتعبتني اوووووي يا سامح والله .... بس ده مش بسبب عيوب في العربية يا سامح لأ والله بس عيوووون الناس ما بترحمش ومافيش حد سايب حد في حاله والله بالذات في اسوان هنا عندنا العيون كتييييييييير اوووووي .... وفي الاخر بقول الحمد لله (وقدر الله وماشاء فعل)