والله اتخنقت وعايز حد يفيدني بجد
انا من حوالي اسبوع والله يا جماعة كانت الدايو اللانوس اللي معايا هتموتني .... كنت نازل منزل بس منزل جااامد حبتين المهم انا ونازل زي كل يوم وانا ونازل بدوس الفرامل علي خفيف وهية واخدة غيار لقيت العربية عومت معايا تعويمة جاااااامدة اوووي زي اكني بعمل خمسة كده المهم روحت شلت رجلي علي طوووول من الفرامل وقعدت الم نفسي بالدركسيون لغاية ما ركبت الرصيف والحمد لله لأن لولا الرصيف ما كنتش العربية وقفت والله لأنه منزل جامد جدا .... بعد الحمد لله طبعا جات سلامات العربية شلتها بالونش ووديتها طبعا للميكانيكي راح قاللي رلازم نشيل الموتور والسمكري يشتغل فيها وفعلا رفع الموتور والسمكري لغاية امبارح ظبط الدنيا بصراحة وركبلي اكصدام من عنده لأن القديم اتقطع والحمد لله ... وهية دلوقتي انشاء الله بكرة رايحة للميكانيكي علشان ينزل الموتور تاني طبعا مع تغييير قاعدة الموتور الالمونيوم وكان فيه تسريب في زيت البور الاحمر من خرطوم اتقطع يعني الحمد لله حاجات بسيطة .....
انا دلوقتي متعقد نفسيا من العربية ومش عارف عومت معايا كده ليه والله والمشكلة مفيش صوت فرقعة فردة شيعت او كده ...
فأنا يا جماعة عايز نصيحتكم والله ... هل اخلص من العربية ده لأن في دماغي بصراحة اجيب حتة BYD ولا اللي حصل في العربية ده ما يعيبهاش في حاجة واجدد فيها كل حاجة تاني وكده ...
مع العلم ان عربيتي دايو لانوس موديل 2006 ومافيهاش حاجة والله بس زي ما تقولوا كده اتخنقت وخصوصا ان هي كانت علي وشك ان هي تتقلب والله لولا ستر ربنا ولطفه بيا لأني كان معايا عيالي ....
ياريت النصيحة يا جماعة ... ولو فيه اي استفسار علي حاجة انا نسيتها انا تحت امركم:hugging: