الموضوع: عايز اشوف رايكم فى حاجة

دلوقتى انا كنت حجزت دايو لانوس فى الموزع المعتمد الى فى اسيوط
وكنت عامل موضوع بكدة

هو اتصل بيا من يومين علشان اكد على الحجز وقالى العربية جاية يوم الاحد

بنتصل بية تانى امبارح نشوف اية الاخبار

لقيتة بيقولنا العربية سعرها بقى 69000 جنية
وانا حجزتها اصلا على اساس انها ب 66000 الف من عندة

فكدة انا المفروض اخد بالسعر الى انا كنت حاجز بية ولا اية

لان حرام اجيب لانوس ب 69000 الصراحة

ياريت رايكم

اولا شكر ليك على سرعة ردك

ثانيا : اللانوس الى اعرفة ان سعرها ما زادش ولا حاجة

بس يمكن زاد فى المعارض بس مش التوكيل الرسمى

انا لما حجزتها حجزتها لون فضى لان دا الى انا عايزة

هو كان عندة الوان تانية اقدر اخدها فى خلال يوم او يومين بس ما عجبتنيش

فاول السعر قال 66500 لغاية ما وصلنا 66000

جى امبارح قلنا سعرها غلى من 10 ايام

بس على حد علمى سعرها لسة 63500 فى التوكيل

وانا واحد نسيبى حجز هيونداى ماتريكس بسعر وجى برضوا الراجل قالة غليت بس خدها بالسعر الى حجز بية لان كان حاجزها فى موزع برضوا مش التوكيل بس فى سوهاج

لا ارجع ما تشتريش لان دا استعباط بصراحه
امال انا بدفع مقدم حجز ليه مش علشان اثبت السعر ولا علشان ايه بالضبط؟؟
يعني هما ياخدوا المقدم بتاعي يشغلوه في عربيات تانيه و يكسبوا منه و انا كمان ادفع زياده
بلاش تاخدها احسن دا رايي ز انت حر

السياره اللي انت حاجزها فاضيه والا كامله

فعلا هو لو بالسعر دا انا مش هشتريها

وهيا هاف اوبشن مش كاملة يا باشا

خد المقالة دي و اكيد هتفيدك في الموضوع و اتمسك بحقك و اوعى تسيبه و قوله هشتكيك لجهاز حماية المستهلك

---------------------------------

من جريدة المصري اليوم

كتب أمير حيدر ٢/٨/٢٠٠٨
انتهي جهاز حماية المستهلك من وضع نموذج جديد لإيصالات حجز السيارات لدي الوكلاء والموزعين بهدف وضع حد للشكاوي المقدمة إلي الجهاز بشأن عدم التزام بعض القائمين علي تجارة السيارات بما تم الاتفاق عليه لدي حجز السيارة.

وقال محسن طلائع، رئيس لجنة السيارات بالجهاز، إن هذا النموذج يأتي في إطار ميثاق شرف يلتزم به جميع العاملين في مجال السيارات، مشيراً إلي أنه تم وضع نموذج آخر بصيانة السيارات في مراكز الخدمة، وذلك بعد تلقي الجهاز العديد من الشكاوي الخاصة بمشاكل ما بعد البيع لصيانة السيارات.

ويتضمن نموذج إيصالات الحجز بنوداً محددة تتعلق بالمقدم المدفوع وموديل السيارة ولونها ولون الفرش والكماليات التي تحتوي عليها بشكل دقيق ومواصفاتها، بالإضافة إلي بند خاص بباقي الثمن المطلوب دفعه وآخر موعد لتسلم السيارة.

وأشار طلائع إلي أن نسبة شكاوي المعاملات التجارية بلغت نحو ١٧% من إجمالي الشكاوي التي تلقاها الجهاز حتي ٢٨ يوليو الماضي، مضيفاً أن شكاوي الصيانة بلغت نحو ٥١% أيضاً وهو ما دفع اللجنة إلي وضع نموذج خاص يحدد التزامات مراكز الصيانة تجاه العملاء.

ويتضمن النموذج المقترح لصيانة السيارات بيانات حالة السيارة عند دخولها المركز والأعمال التي سيقوم بها المركز للصيانة أو الإصلاح والتكلفة المبدئية لذلك والمدة اللازمة للأعمال وتاريخ التسليم للعميل.

وكان جهاز حماية المستهلك قد تلقي شكاوي بعدم التزام مراكز الصيانة بجدول زمني لإصلاح السيارات، بل تعرض بعض الحالات لتلفيات نتيجة الإهمال أثناء الصيانة المفترضة.

وقد كشف الجهاز مؤخراً عن تلقيه نحو ٦٨٢ شكوي أغلبها بسبب الصيانة بنسبة ٥١%، تليها عيوب الصناعة ٢٧%، والمعاملات التجارية بواقع ١٧%، ثم قضايا أخري مثل التراخيص والتأمين بنسبة ٥%.

انزل اي معرض في مدينه نصر واشتريها من هناك بضاعه حاضره وادفع واستلم في نفس الوقت

شكرا ليك اخى banboty على ردك الكريم

بس انا دلوقتى الايصال الى معايا مش مكتوب فية الثمن المتفق علية

كدة اقدر اشتكية برضوا ولا اية ؟