مشكلة ابيزا 2000 من المطبات

ابيزا 2000
انا كنت رايح مشوار امبارح وكان الشارع مكسر جدا ومبهدل
وكنت مشغل التكييف عادي من غير مشكلة
لما وصلت وركنت وبعديها بساعتين طلعت تاني بالعربية التكييفل مش راضي يشتغل
بيطلع هواء عادي مهما غيرت المؤشر بس مروحة التكييف شغالة

قلت مش مشكلة ومأخدتش خوانة

كملت مشاوير وانا مروح عند البيت لقيت عداد الحرارة بيصفر ووصلت ل 120 درجة
ركنت لقيت القربة بتغلى وبتطلع بخار من كل حته ولقيت مروحة الموتور مش شغالة خالص
استنيت لحد ماهديت وركنت العربية

ياترى ايه اللى حصل ؟ وقف التكييف والمروحة بتاعة الموتور

هل هحتاج أغير القربة لأن واحد قاللى ممكن تكون باظت طالما بتطلع بخار من الجنب
وهل أروح بيها لميكانيكي ولا أجيب واحد البيت ؟
وقطع الغيار اشتريها من عند الميكانيكي ولا أخدها معايا وانا رايح
وهل فى حد قريب من مدينة نصر؟
وجزاكم الله خيرا

القربه كده اتخرمت مكان اللحام و جرب تشوف فيوز المروحه ممكن يكون محروق او المطبات ساعات بتفصل الفيوزات الى جابت آخرها

جزاك الله خيرا
انا بصيت لقيت القربة فاضية خالص
هملاها واشوف أخبارها ايه؟
هيا القربة الجديدة بكام؟

طيب وده ايه علاقته بالتكييف

وجزاكم الله خيرا

يحتمل أن تكون المشكلة في القربة أو في غطاء القربة
وسبب عدم دوران مروحة الردياتير هو أن المياه نفدت من الردياتير وبالتالي ثرموستات المروحة فصل
روح لميكانيكي متخصص يبص على جلدة غطاء القربة وعلى القربة والردياتير عموماً

الفيوز كان طاير من مكانه
واتركب
والرادياتير كان واخد هواء وحطينا ميه وظبطناه
بس الميه لازم ازودها كل يوم الصبح حوالي نص ليتر
هروح للميكانيكي يشوفلي المشكلة دي
جزاكم الله خيرا

انا خايف احسن تكون السخونه جابتلك وش سلندر

العربية سخنت بسبب فيوز المروحه اللي وقع و اتركب الحمد لله
اكشف علي القربه من السخونه ممكن تكون تضررت

الحمد لله المية بطلت تقل فى الفقربة تقريبا لوحدها والحرارة اتظبطت
بس انا هتابعها أسبوع كمان
أعرف ازاي اذا كان وش السلندر حصله حاجة ولا لأ؟
ان شاء الله يكون لأ بس ازاي انا مش حاسس بحاجة
محمد