استفسارمن رجالة النجمة...كتير جدا فى اعلانات البيع للمرسيدس القديم ماقبل 90 يقولك موديل كذا ومعدلة لكذا....مثلا موديل 84 ومعدلة بالكامل ل92..ايه هوه بقى التعديل ده ؟؟؟وامتى يكون كامل أو ناقص؟؟ ومشكورين مقدما
عرض للطباعة
استفسارمن رجالة النجمة...كتير جدا فى اعلانات البيع للمرسيدس القديم ماقبل 90 يقولك موديل كذا ومعدلة لكذا....مثلا موديل 84 ومعدلة بالكامل ل92..ايه هوه بقى التعديل ده ؟؟؟وامتى يكون كامل أو ناقص؟؟ ومشكورين مقدما
ينفع كده برضه!! 60 مشاهدة من غير و لا رد؟؟ يعنى مفيش حد يعرف اجابة سؤالى!!
اولا فى موديل اساسا فى المرسيدس بيقولو عليه معدلة هنا فى مصر الى هوا بين الخنزيرة و الزلموكة اما بقا بالنسبة لحوار ماقبل ال90 و مابعدها دى فتبقا زلموكة موديل تمانينات و بيعدلوها تسعنيات فى بيعدل فى شكل بس و فى بيعدل ماتور وخلافة والسبب فى ده انها تسعنيات احسن و مطلوبه اكتر وحتى سعرها اكتر بس والله اعلم
علي حسب الموديل هوضح لحضرتك الامر كاملا شركة مرسيدس بتستخدم طريقة الFace-lift ..يعني لو موديل معين انتاج 7 سنين في السنة الرابعة من الانتاج بتغير تغييرات في الشكل و الصالون و احيانا الموتور لانعاش المبيعات فيصبح قبل الface-lift شكل و بعده في تغييرات ..حضرتك بتلاقي اعلان مكتوب عليه مرسيدس معدل اسم معدل اطلق علي الموديل W123 من بعد سنة 1980 ..لكن انتاج الW123 من سنة 1976 ل سنة 1985 ..من سنة 1980 دا الface-lift اللي بيسموه معدل الفرق في الشكل الفوانيس قدام و الموتور و الصالون فسيادتك تقرأ كتوب فيه موديل 1978 مثلا و معدل ل 84 ..يعني صحابها معدل العربية و مغير موتورها و صالونها الخ الخ اما لو مكتوب مرسيدس موديل 1986 معدل ل 92 فهيا مرسيدس W124 المعروفة باسم (الزلمكة) صاحبها معدل شكلها و صالونها و موتورها لموديل سنة 92 و علي هذا المنوال ..مش بالشرط ان يكون في حاجة ناقصة او موتور احسن من التاني ..لكن بيبقي اقتناع ان الاجدد دائما افضل
.....اولا شاكر لحضرتك على الرد الوافى المفصل وواضح من مشاركاتك انك موسوعة مرسيدس ماشاء الله......ثانيا كذا عربية شفت فيها موضوع المعدل ده بس انا اساسا كنت بتابع الw201 وشوفت واحدة صاحبها كاتب انها موديل84 ومعدل بالكامل ل92..فهل معنى ده انه مغير المكنة برضه؟؟ ولا مجرد تعديلات فى الشكل الخارجى والصالون وخلافه؟؟