ايه هو يا جماعة FM transmitter
عرض للطباعة
ايه هو يا جماعة FM transmitter
ده عبارة عن جهاز بيركب علي ولاعة السيارة ....... توصل فيه Flash Memory بها اغاني mp3 اللي انت عاوز تشغلها علي كاسيت السيارة ...... الجهاز ده بقي بيشغل اغاني الmp3 و بيرسلها علي موجة FM بحيث انك تقوم بتوليف راديو السيارة علي تلك الموجة و تسمع الاغاني.......
الف شكر:)..........
اخر مرة سالت علي الجهاز ده كان ب105 جنيه في كارفور....... كان الجهاز لوحده من غير Flash Memory
اخر سعر له من باب اللوق ب 75 جنيه ونوعه Giga max طبعا من غير الفلاشة او الكارت الميمورى
اشتري اللي فية اكواليزر بيكون الريموت فية زرار Eq احسن و صوتة حلو
انا اشتريت ال FM Transmitter من خلف ش عبد العزيز فى ش اسمه العطار و فيه الاكسسوارات بتباع بسعر رائع ، و اشتريته ب 60 جنيه و هو نفس النوع المزود بريموت و كابل اوديو خارجى و به خاصية ال EQ و يشتغل مع الفلاش و كروت الميمورى
و اشتريت كمان كارت ميمورى 2 ج ب 45جنيه
بس ليا سوال
هل كواليتي الصوت بيختلف من طريقة توليفه الراديو عن الـMP3 DIERCT او CD player
ياترى هل يوجد ام بى ثرى بيشتغل بدون الحاجه الى كاسيت او fm يعنى منه للسماعات على طول ولا لازم عن طريق الكاسيت
لان الصوت من خلال ال FM مش بيبقى رايق بيشوش احيانا
أكيد مافيش زي ما بتحلم :) لأن الجهاز ده بيحول الأغاني لموجات راديو Fm و بالتالي لازم راديو Fm للاستقبال
كنت عايز اعرف ايه هو احلى تردد لل gigamaxيكون فيه الصوت احلى
انا نازل أجيب واحد النهارده بس مش عارف هما هيبقوا فاتحين اول يوم رمضان؟ولا لا؟
يا جماعة انا جبته هو اختراع كويس جدا على الأقل للناس اللى زي حالاتي اللى ظروفها المادية خرباااااااانة وا ش ا لما تفرج او(حين ميسرة) الواحد يجيب كاسيت سي دي بقى
على فكره انا جبته بالاوكلايزر وفييه مكان لتركيب الميموري والفلاشة ووصله بال ام بي ثري وفيوز احتياطي ب 50 جنيه ولو كنت الت له اقل كان اداهولى اقل وانا جاى ركبته وشغلته ف العربية والصوت كان حلو اوى مقارنة بشرايط الكاسيت انا جبته من شارع العطار والشارع دا يا جماعة جامد جداااااااا وفيه كل الحاجات اللى انت عاوزها من الابرة للصاروخ واسعار هتروح وتتزهل منها أسف انى طولت عليكم وانا هصور الجهاز واحطه لكم ف المنتدى بليل ا ش ا
:sifone::sifone::sifone::bouncy::bouncy:ياريت تحطلنة صوره بسرعة
:bouncy:
فين ده شارع العطار ؟؟
شارع العطار ده هو الشارع المواجه لقسم الموسكي باعتبة يعني آخر شارع عبد العزيز على إيدك اليمين هتلاقي شارع محمد علي هتخش فيه لغاية لما تعدي بتوع الفاكهة خش شمال على طول هو ده شارع العطار .
السلام عليكم يا جماعة معلش انا هتأخر شويه ف وضع الصور لان الأخ مومو 44 دا اخويا ف الحقيقة
واخد مفتاح العربية منى امبارح وانا بتوضأ علشان انزل اصلي وخباه ف عقبال لم سعادته (وهو كبير يبطل حركات العيال الصغيرة دي)يجيب الجهاز وهصوره لكم على طول
معلش يا جماعة اكبر منى بسنة بس هنعمل ايه بقى
*******
_______________________
وقف أسبوع للعضو لتلفظة بألفاظ خارجة لا تليق فى المنتدى
الإدارة - 3
بلاشه بيبوظ بسرعة وصوته غي نقي بالمرة انا اشتريت اتنين وباظوا وبعدين هو مالهش ضمان بيسموه ضمان التشغيل
ياجماعة احلي تردد ليه ايه هنا في مصر؟؟؟؟
مفيش حاجة اسمها احلى تردد فى مصر انت تضبط على تردد مايكنش بتاع قناة ولو لقيت الصوت فيه تشويش غير التردد
نغير التردد ازاي يعني يا باشا ، هو فيه حاجة لتغيير التردد في الجهاز دة ؟