محتار بين لانسر اتوماتيك مستعمل وسانديرو زيرو!

يا جماعة انا معايا 85 محتار اجيب لانسر اتوماتيك 1600 مستعمل ولا سانديرو مانيوال زيرو ..انا عارف انهم فئتين مختلفتين بس الأتنين في نفس رينج الفلوس ...مستني ارائكم الوافية والكافية

لو الانسر معملتش اكتر من 40 الف يبقى هى افضل اختيار عشان هتكون بحالتها

لأ اللانسر اللي قدامي عاملة 77 الف بس حالتها حلوة ..ف ايه رأيكم ؟

اذا هتبقي ضامن حالة اللانسر وتكشف عليها كويس يبقي هي فرأي
والله اعلم ..

لو تعرف صاحب العربيه شخصيا ومتاكد من انه صادق يبقى توكل على الله
لو مش كدا
دور على حاجه كسر زيرو او مش عامله اكتر من 40 الف وتكشف فى الوكيل وتاخد تقرير بحالته العربيه

الزيرو أفضل في كل الأحوال

هو الزيرو اضمن طبعا

والمستعمل لا بالكيلومتر لوحده ولا بحالة الدهان لوحدها ، مجموعة حاجات بتقوللك العربية دى نضيفة ومتصاانة او العربية دى متهانة ، في عربيات بيبقى عدادها 60 الف كيلو والموتور بياكل زيت ، عادى
في عربيات فبريقة برة وجوة والعفشة متدمرة ، عادى برضه

ما تتخدعش في حاجة واحدة ، العداد اعمل نفسك مش شايفه وقيم العربية اللى قدامك على بعضها، لو بتاعت صاحبك وانت عارفها وواثق فيه هتبقى فرصة حلوة ، وتكشف عليها في التوكيل او مركز متخصص عشان تبقى عارف راسك من رجليك

وربنا يوفقك للى فيه الخير