اسعار قطع الغيار للابيزا 94 كام زى الفوانيس امامى و خلفى و مرايات و الاكصدمات و الصاج و العفشة و هل متوفرة ولا لا ؟؟؟؟؟؟
عرض للطباعة
اسعار قطع الغيار للابيزا 94 كام زى الفوانيس امامى و خلفى و مرايات و الاكصدمات و الصاج و العفشة و هل متوفرة ولا لا ؟؟؟؟؟؟
في البداية ارحب بيك في نايل موتورز عاما وسيات خاصاً
اسعار قطع غيار سيات مش غالية اوي
يعني الفانوس الأمامي ب150 والجوز ممكن تجيبهم ب250
الفلاشر ب 35 جديد او استيراد
الفوانيس الخلفية ب100 الواحد وممكن تجيب الجوز ب180
المرايات لو عادية ب150 الفردة والكهربا ب250 - والجديدة مش غالية اوي بردو
الأكصدامات بتتباع حتتين - القشرة والقاعدة - القشرة ب250 جنيه استيراد وب250 جديدة
الصاج رخيص اخر حاجة
الرفرف ب 90
الكبوت ب400
الباب كامل متكامل بحوالي 500 (بفرشه بمكنة الزجاج بالمرايات بالأوكرة بالكالون بقربة السنتر بكل حاجة كل حاجة) والخلفي يقل شوية - والطقم كله علي بعضه ب2000 جنيه
باب الشنطة كامل بالأسبويلر الخلفي بالأستوب (لو باب 98) ب450 جنيه - من غير اسبويلر 350 - باب الشنطة بيجي بالمساحة والماتور والرشاش والعاكس والكالون
العفشة بردو رخيصة مش غالية جداً
مساعدين امامي او خلفي بالسوست والبطاحات ب300 جنيه
طنابير امامي او خلفي بردو 300
مش عارف اسعار المقصات كام الصراحة
اما عن توافرها
يوووووووووووووووووووه
مرمية في الحرفيين والوكالة وبورسعيد والهرم والمنصورة والشرقية
جديد او استيراد
كل التحية لحضرتك واتشرفنا جداً بمشاركتك معانا في قسم سيات
تحياتي
يا باشا تسلم ايدك و متشكر جداااا لردك و اهتمامك عندى سؤال هو الماتور 1300 و 1000 كام هورس
المقصات يا باشا انا اخر مرة جايبها من فترة المقص الواحد عامل 100 جنية استيراد .
طيب يا رجالة الماتور ال 1300 او ال 1000 اللى 50 او حتى 53 حصان مش ضعيف مع التكييف فى البلد
طيب معلش عشان انا جديد فى الابيزا ممكن اعرف كل موديل نزل سنة كام و كان كام سى سى عشان انا مش بحب الا العربيات الاستوك ما بحبش المواتير المتسقطة و انت قصدك بيطلع كل عزمة على 2300 ار بى ام دة انهى ماتور
و انت قصدك انهى ماتور اللى بيطلع كل عزمة عند 2300 ار بى ام
الموتور ال1.4 بيطلع اقصي عزم دوران 116 نيوتن متر عند 2800 لفة في الدقيقة
والموتور ال1.0 بيطلع اقصي عزم دوران 86 نيوتن متر بين 3000 و3600 لفة في الدقيقة
االابيزا
mk1 من سنة 87 لحد 92
كانت قبل التحالف ونزلت بمحركين 999 و 1200
ال1.0 كان كربراتير
1.2 كان انجيكشن
mk2 اول عربية بعد التحالف ونزلت سنة 93 لحد 97
نزلت بمحركين 1.4
الاول بتاع جولف 2 وكان carb كربراتير 50 حصان
الثاني بتاع البولو وكان spi هاف انجيكشن 54 حصان
اتعملها facelift سنة 97 لحد 98
نزلت بمحرك 1.0 mpi انجيكشن 55 حصان
اتعملها facelift تاني من سنة 99 لحد 2001
ونزلت بردو بمحرك 1.0 ولكن اكثر تطوراً من المحرك السابق وكان بردو mpi انجيكشن 55 حصان
mk3 من 2002 - 2008
نزلت بمحركات 1400 و 1600
75 و 101 حصان علي الترتيب
mk4 من 2009 - حتي الان
نزلت بمحركات 1.6 105 حصان
تحياتي
والله المستعان
،
،
باشا لو سمحت سعر موزع المياه ( الاخطبوط ) اللي خارج من طلمبة المياه و داخل على الموتور بكام علشان عندي سخن و اتشرخ و سرب مياه تبريد العربية و للأسف اتسبب ان وش السلنر باظ و اضطريت اغير وش سلندر , انا صلحته بس عاوز اغيره يكون افضل طبعا
عاوز الكتاوت المسؤال ع كهربا الرششات بتع ابيزا سيستم بوىدرش فين علشان كل ما بعت القاهره يقلولي مفيش