انا نويت ان شاء الله اروح سهل حشيش في شهر العسل بتاعي
وكنت عاوز اسأل عن حاجة
في المقارنة بينها وبين شرم من حيث الكافيهات والمطاعم وغيره
هل تقتصيرعلي مجرد مكان للاستجمام ولا تخرج من الفندق
ولا فيها اماكن للفسحه والخروج وحاجات زي شرم
عرض للطباعة
انا نويت ان شاء الله اروح سهل حشيش في شهر العسل بتاعي
وكنت عاوز اسأل عن حاجة
في المقارنة بينها وبين شرم من حيث الكافيهات والمطاعم وغيره
هل تقتصيرعلي مجرد مكان للاستجمام ولا تخرج من الفندق
ولا فيها اماكن للفسحه والخروج وحاجات زي شرم
سهل حشيش تحفة بس مش نفس ستايل شرم الشيخ خالص و برضو مش هتقعد في الفندق. في ممشي جميل جدا بطول سهل حشيش كله و حتة اسمها ماكادي الممشي بيعدي علي عشرات الفنادق و مفتوح لكل الناس, في ملاهي مائية جميلة جدا و ممتعة جدا في ماكادي بس لازم يكون معاك عربية و في برضو اول ما تطلع من سهل حشيش حاجة زي كارفور اسمها Senzo Mall و فيها محلات و مطاعم و سوبر ماركت سبينيز و طبعا كل الأنشطة موجودة فيها سفاري-تأجير عجل في الممشي بتاع السهل و تأجير عربيات جولف كار و انشطة اللي في المياة يعني كل حاجة زي شرم بس مفيش قهاوي و نعمة باي و كدة يعني مفيش ازعاج خالص و ممكن لو معاك عربية تختار يوم تطلع فيه الغردقة. بس الحاجة الوحدة مش هتعجبك هناك (و ده في معظم فنادق البحر الأحمر و شرم) هي الأكل بصراحة مستوي الأكل سيء جدا في الفنادق. بس المكان جميل جدا و هيعجبك ان شاء الله و الف مبروك.
اخبار الاسعار و العروض اية هناك
الف مبروك مقدما واختيارك موفق سهل حشيش تمتاز بالهدوء والجمال والنضافه هى زى مدينه صغيره فيها حوالى اكتر من 15فندق مفيهاش كافيهات وزحمه زى شرم وخليج نعمه او زى لغردقه هو مكان استجمام وهدوء يعنى الاستمتاع اكتر بالفندق والبحر والمناظر والاسترخاء
لو عاوز بلد وتمشى وتتسوق انزل الغردقه او سنزو مول اقرب ليك من الغردقه
بالنسبه للاخ اللى كان بيسال عم العروض فى عروض ممتازه اليومين دول
الاخ مايفك اختلف معاك انك تعمم الاكل كله على مستوى البحر الاحمر مش كويس حضرتك كنت فى فندق ايه؟!!
اى استفسار فى الغردقه او ضواحيها انا تحت امرك
ومبروك مره تانيه وزواج مبارك ان شاء الله
تحياتى العطره :)