وجدت بارومة في العتب الخلفي من الداخل و اسفل كاوتش الباب ولكن السيارة من الاسفل ( الدواسات ) كلها تمام
ماذا افعل
وهل هذا يضر السيارة في حالة البيع
وجدت بارومة في العتب الخلفي من الداخل و اسفل كاوتش الباب ولكن السيارة من الاسفل ( الدواسات ) كلها تمام
ماذا افعل
وهل هذا يضر السيارة في حالة البيع
يعني ايه في العتب الخلفي ؟؟
فين بالظبط ؟
تحت الباب ؟؟
يا ريت لو تصور لنا المشهد عشان نقدر نفيدك
وان شاء الله بسيطة
والله المستعان
،
،
يعني لما تفتح الباب الخلفي للسيارة ستجد العتب ( يعتبر من الدواخل ) تلاقي تحت الكاوتش اللي داير مع السيارة علشان لما الباب يقفل مايدخلش مياه في السيارة
تحت الكاوتش ده بقي في بارومة وسارحة في العتب
مش عارف اعمل ايه اصنفره واسيبه ذي ماهو
ولا ادهن المرمه دي
اعتقد لازم تعملها عند سمكري وترش المرمة دي في اقرب وقت علشان متبهدلش العربية
ده اللينك اللي فيه مكان البارومة هي مش في العتب الامامي هي في العتب الخلفي وانا محدد دائرة حمراء في الصورة حول مكان البارومة تحت كاوتش الباب والعتب وهذه صورة لتوضيح المنطقة بالظبط
البارومة الحمد لله مش في السقف
الصورة المرفق توضح انا اقصد ايه
http://img203.imageshack.us/img203/6444/vwpolo38871.jpg
ماشاء الله عربيتك شكل حالتها كويسة
البولو والابيزا مشهورين دايما بالبرومة اللى تحت كاوتش الابواب بسبب لما بتغسل العربية بيفضل مياه متحوشة تحت الكاوتش ده
عموما الوقاية خير من العلاج, يعنى بلاش تغسل العربية بالمياه كتير, كفاية فوطة مبلولة
لو عايز تعالجها يبقى لازم السمكرى يشيل الكاوتش ولازم تترش
الله يخليك يا باشا اتفضل والله . تمام . فعلا انا لما قعدت اشيل كاوتش الباب لقيته مياه متجمعة ةتحت الكاوتش بكامل الباب وبعدين رحت منشفها بفوطة مكنتش مصدق ان الكاوتش بيجمع مياه تحته بالطريقة ديه
السؤال بقي لما اوديها للسمكري ويصنفر السفة اللي فيها البارومة والعتب
لازم يقطع حديد ويلحم في الحتت دي ولا يصنفرها ويديها معجون وتترش علي قدها
اصل عايز اعرف ايه الصح علشان ميجيش سمكري يحور عليا ويفتح شغل ويبهدل لي العربية دواخل
وهل ده بقي يعتبر عيب في العربية عند البيع ولا اخلي السمكري يصنفر وما يرشش خالص علشان محدش يقول راشه
حسب حجم البارومة بس عموما المعجون على البرومة بيكون حاجة مسكنة والصح انه يقطع الحتة اللى فيها بارومة ويلحم حتة حديد جديدة وطبعا لازم تترش واعمل حسابك فى سروجى عشان يفك فرش الارضية لأن السمكرى هيشتغل بالنار
العتب مايعيبش العربية لأن دى نضافة, اللى يعيب العربية رش قوايم او حوض او شنطة
انا شايف انك تصنفر الحتة دى لأنها صغيرة ومش مستاهلة والغرض من الصنفرة انها متسرحش زيادة ومتغسلش العربية بالخرطوم كتير ولو غسلتها يبقى تنشف تحت الكاوتش
ربنا يخليك
انا قلت الف علي العربية بالمرة بقي لقيت الباب اللي في الخلف العتب بتاعه كده برده اعمل
http://img29.imageshack.us/img29/3756/photo1937b.jpg
انا قعدت اصنفر بنفسي لحد ما شلت الصدا من عليها اوديها للسمكري وامري لله
مش عارف اعمل ايه والله ده كده الموضوع بقي في 3 ابواب نفس القصة مش عايز ارش كل الكلام ده علشان ما بهدلش دواخل العربية ولا تتجلخ بالضاروخ واسيبها ؟؟؟