لا مش معاك
طب اللي ماشية بسرعة 90 حيضطر يسيب الحارة السريعة المخصصة لسرعة 90 ويمشي مع العربيات ذات السرعات
الاقل
وكل شوية حيضطر يتفاداهم ويغرز
مع ان حارته السريعة هو اولى بيها لانها حارة مخصصة لسرعات 90
طيب تعالوا نفرض أن الطريق سرعته 90 زي المحور مثلا
و أنا ماشي شمال .... جالي واحد ماشي 100 .. رعشلي ..... فتحتله الحارة بأنتقالي يميني التالي .
و بعدين مش هاقول رجعت تاني شمال
نفس السيارة اللي كانت ماشية 100 ... جالها واحد ماشي 110 و رعشله ..... طيب ابو 100 هايعمل حاجتين
يا أما يجاري سرعة السيارة اللي وراه ........... يا أما يقلل سرعته و ينزل على 90 و يخش شمال مع بقية الناس .
و لنفرض بقى ان الموضوع أتكرر مع أبو 110 و جاله واحد ماشي 120 و بعدين 130 و بعدين 140 !!!!!!
أمال هو القانون معمول ليه
و الرادارات متعلقة بكاميرات في الشارع ليه ؟
هو الموضوع عرف و ليس قانون ....... لو فيه رادار ....... محدش هايرعش لحد إلا إذا كان سادد الطريق زي ما الأستاذ تامر شرح في أول الموضوع
يعني طريق 90 كم - س ............ و بيضواحياتي ماشي شمال على سرعة 60 كم - س
عموما أحنا كل كلامنا هنا لا هيودي و لا هيجيب ........ الشعب المصري بيعمل اللي هو عايزه و بيتخطاه العربيات اللي قدامة حتى في وسط الرملة ... آه و الله بيتخطوني من على الرملة في اليمين خالص لما يكون طريق أسكندرية واقف
شعب معقد نفسيا
طول ما مفيش قوانين ........... و ناس تطبقها ........... و ناس تعلمها للي بيستخرج رخصة
هانفضل عايشين في طبق الكشري اللي اسمه الطرق المصرية
تحياتي للجميع
هو بس فيه نقطة ... اقصي حارة علي الشمال دي اسمها حارة تخطي ... يعني العربية بتاخدها و هي يتتخطي عربية تانية و ممكن تمشي فيها شوية بس متمسكهاش من اول الطريق لاخرة ...
طب انا شايف ان المشاركتين بيتكلموا في نفس النقطة و هارد عليها بسؤال , بصراحة كده , اللي ماشي 100 ده على الوضع العادي (الشارع كله على بعضه) بيعمل اكتر من كده بكتير في الغرز وسط العربيات الابطأ ولا بيلاقي نفسه مضطر يمشي معاهم 60 او 70 ؟
في حين ان هنا الموقف يا دوب بيجيب يمين و بعدين شمال تاني او بيزود سرعته شوية
انا متفق مع نقطة ان ده عرف مش قانون , بس احنا نوصل اصلا لنقطة ان اللي ماشي عالشمال يبقى قانونا ماشي على الاقل 90 , يا ريت :))))))))))))
ياجماعة صدقوني ما فيش حاجة في القانون المصري بتقول إن أقصى حارة للتخطي فقط ... ده اختراع المصريين عاملينه لنفسهم
ومافيش حاجة زي كدة حتى في معظم دول العالم
خلوا بالكم إن القوانين بتتغير من بلد لبلد ...
وحتى في الدول اللى فيها نصوص قانونية بتقول إن الحارة الشمال للتخطي فقط ... بيكون الطريق فيها له مواصفات معينة منها إنه لا يقل عن اربع حارات ومواصفات أخرى مش حافظها تفصيلا
ياحضرات ده قانون ومافيهوش تفسيرات وتأويلات كتير ... الموضوع مش ماشي بالمنطق ... لأن اللى بالمنطق في دولة ممكن جدا يكون غير منطقي في دولة أخرى
.......
طيب هاقولكوا على حاجة في لندن ... من خلال متابعتي لبرنامج توب جير في حلقة من زمان بتاع 2002 ولا حاجة
كانوا بيتريقوا على الحارة المخصصة للأتوبيسات bus lane في طرق معينة عندهم وفضلوا مركزين الكاميرا على الحارة دي طول الحلقة عشان يأكدوا للحكومة إن الحارة مش بيمشي فيها أي أتوبيسات نهائيا ... أو إن نسبتها لا تصل لأهمية إن يتعملها حارة مخصوصة
وبالرغم من كدة ... ما كانش في عربية واحدة من بين كل عربيات البريطانيين اللى ماشية في الشارع فكرت إنها تمشي في الحارة دي ... يعني الشارع وقف والحارة دي كانت فاضية وبرضه مافيش ولا بني آدم فكر إنه يدخل فيها أو يستغلها .... لأن زي ما قلت الموضوع مش بالمنطق ... الموضوع بالقانون .. وبرغم إن الحارة دي مش منطقية زي ما قولنا لكنهم ما فكروش يستغلوها ... لأن معظم الناس في الدول دي منطقهم هو احترام القانون فقط
ياريت ما حدش تاني يقول إن الحارة الشمال مخصصة للتخطي فقط عندنا ... لأننا ما عندناش كدة في القانون بتاعنا ... وأساسا مواصفات الطريق الفنية لا تصلح لكدة
ماحنا ماعندناش قانون :( , يبقى ولا قانون ولا منطق ؟ هههههههههههههههههههههه
انا فهمت قصدك يا استاذ تامر
حضرتك بتقول ان احنا نيجى ع نفسنا ونعدى اللى ماشى ف الشمال بسرعات عاليه تجنبا انه يدخل لقلب الطريق ويعمل مشاكل او حوادث لاقدر الله
هو كلامك زى الفل بس بردو الكلام ده مش ف كل الحالات يعنى بمعنى اصح حسب حاله الطريق واللى انت شايفه صح
يعنى م الاخر لو الطريق ف اللذيذ وسعله يا عم وربنا يسهله .الطريق غير مطمئن سواء ضلمه او ف عربيات كتير مشيه حواليك خليك بيضوحباطى (طول منتا ملتزم بالسرعه المقررة) واللى عايز يعدى يعيش مع نفسه:bye2:
الناس كلها حيرانه الطرق المصريه دى يتمشى عليها ازاى ههههههههههههه
ومن هذا المنطلق احب اقلك يا عم الحج بما ان مفيش قانون اعمل اللى ضميرك يمليه عليك
وشكررررررررررررا