نفسك تسكن فى مكان صحراوى ؟ فكرت فى المميزات و العيوب ؟ قولنا وجهة نظرك

من فتره كدة فكرت كتير فى الأماكن إلى أحنا عايشين فيها كأسرة
لقينا أنها كلها فى وسط أسكندريه
و بالرغم من كدة أشترينا أراضى برضه فى قلب أسكندريه
طبعا أنا كنت معترضة جدا على فكرة أننا نكرر نفس الفكرة لأسباب كتيرة زى الزحمه
لكن طبعا بالنسبه للخدمات زى المايا و الكهربا إلى بيقطعوا فى كل المحافظات لكن الحمد لله أفضل من الصحرا بكتير
و بالنسبه للمحلات و الأحتياجات عمتا بتكون فى نفس الشارع

لكن لما جيت أفكر كدة لقيت أن فيه أراضى كتيرة أكيد ليها مستقبل بس هتكون واسعة برضة
و دى بتبتدى من أول طريق أسكندريه مطروح عند العجمى و سيدى كرير و برج العرب و أبو تلات و بعض الأماكن الصحراوية دى و الجميل أن فيه منها كتير على البحر و بحيرة مريوط
لكن طبعا فيه عقبات كتيرة جدا لما فكرت فيها كدة أننا لو عيشنا فيها هتواجهنا
أولا المايا أكيد مش هتكون نضيفة (فالحل تخزين المايا)
ثانيا الكهربا بدل ما بتقطع ساعتين فى اليوم هتقطع 12 ساعة فى اليوم (علينا وعلى المواتير و مولدات الكهربا)
ثالثا المحلات و لو حد عايز يشترى ولاعة حتى للبوتاجاز هيطخ مشوار منيل (يتجاب بالزيادة و تتخزن)
رابعا الأمن فى الوقت الحالى (مالهاش حل بصراحة غير رشاش ألى على شوية تعديلات فى السور لو فيلا)
خامسا المستشفيات و مظنش أن دى أحتياجاتها كتير بس لما بيحصل طوارئ بتبقى مهمه جدا
سادسا الحيوانات زى الكلاب المسعورة و الحشرات الصحراوية و التعابين (متوفرة كتير ولا لأ مش عارفة)

بالنسبه للخدمات طبعا المدن تكسب
بالنسبه للهدوء طبعا الصحرا تكسب
بالنسبه للطرق طبعا الصحرا تكسب
بالنسبه للمنظر الطبيعى طبعا الصحرا تكسب

الفكرة بقى
الأفضل بالنسبالكم
تشترى أرض أو شقة فى مدينه أفضل
ولا تشترى أرض فى الصحرا واسعة و تبنى الفيلا بتاعتك بمزاجك
مع العلم أنها هتكون نفس التكلفة أو أقل كمان

عمتا أنا عايزة أعرف وجهة نظركم بخصوص الكلام دة

طبعا مكان اوسع وفيلا افضل بكتير
بس الظرف الامنية الحالية هي المشكلة

لكن مستقبلا هاتبقى افضل اخيار

جنة من غير ناس متنداس

انا كنت في حيرتك دي من شهر بالضبط ....
بس هنا في القاهره ..... و الحمد لله خدت في مدينه في طريق السويس (هليوبليس الجديده)
بس عامل حسابي مش هفكر اروح هناك و لا حتي اشطب قبل سنتين من دلوقتي
يعني في رايي تاخد ارض في حته فاضيه و تبني فيلا ... يبقي عملت حاجه محترمه جدا لاولادك

عشان الواحد يسكن في فيلا في المدن الجديدة بنتكلم حوالين مليون جنيه .....

طيب المليون ده ممكن يعملي ايه لو رحت الصحرا ؟

ممكن ناخد مساحة 50 فدان بسعر 900 جنيه للفدان , تقريبا : 45 الف
هنحفر بير و طرمبة غاطسة و شوية خرسانات و خط مواسير عمومي للمساحة كلها : 200 الف تقريبا
مولد كهربا و ده في الاغلب بيكون موتور عربية سكانيا متعدل ب 30 الف و ده بيولد تقريبا 300 كيلو وات
جرار زراعي بالمقطورة و المحراث و شوية اكسسوارات لزوم التصليح و الزراعة : 150 الف
شوية مباني ( معلف , مزرعة دواجن , مزرعه ارانب , برجين حمام , 5 بيوت صغيرة للفلاحين و العمال ) 200 الف

فيلا دور واحد بمساحة 250 متر بالتشطيبات المتوسطة : 150 الف
مولد صغير للفيلا : 15 الف
عربيه ربع نقل : 100 الف

طبعا بعد الاستصلاح هنأجر الارض كلها لفلاحين من اقرب قرية لو انت مش عايز تزرع بنفسك بس انت دورك هيكون تجهيز الاارض في المرحلة الاولانية و بعد كده هتاجرها ب 4000 الى 6000 جنيه للفدان


كده انت هتسكن في مزرعه كبيرة جدا و هتعمل اكتفاء ذاتي من اللحوم و الدواجن و الخضار و ممكن الفاكهة و هتكسب فلوس كويسة كل سنة و هيتوفر ليك عمالة منزلية بفلوس قليلة كمان .............

كل ده بتمن فيلا في الشروق مثلا

طبعا المشاكل اللي هتقابلك كتيييييييييييييييير و الحوارات اكتر بس اكيد هتكون اسهل من الحوار الوطني و التوافق السياسي ...
طبعا هتحتاج مهندس زراعي و ده مرتبه هيكون قليل أو ممكن تدخله بنسبة من الانتاج

اقتباس:

---

المشاركة الأصلية كتبت بواسطة mazagangee

عشان الواحد يسكن في فيلا في المدن الجديدة بنتكلم حوالين مليون جنيه .....

طيب المليون ده ممكن يعملي ايه لو رحت الصحرا ؟

ممكن ناخد مساحة 50 فدان بسعر 900 جنيه للفدان , تقريبا : 45 الف
هنحفر بير و طرمبة غاطسة و شوية خرسانات و خط مواسير عمومي للمساحة كلها : 200 الف تقريبا
مولد كهربا و ده في الاغلب بيكون موتور عربية سكانيا متعدل ب 30 الف و ده بيولد تقريبا 300 كيلو وات
جرار زراعي بالمقطورة و المحراث و شوية اكسسوارات لزوم التصليح و الزراعة : 150 الف
شوية مباني ( معلف , مزرعة دواجن , مزرعه ارانب , برجين حمام , 5 بيوت صغيرة للفلاحين و العمال ) 200 الف

فيلا دور واحد بمساحة 250 متر بالتشطيبات المتوسطة : 150 الف
مولد صغير للفيلا : 15 الف
عربيه ربع نقل : 100 الف

طبعا بعد الاستصلاح هنأجر الارض كلها لفلاحين من اقرب قرية لو انت مش عايز تزرع بنفسك بس انت دورك هيكون تجهيز الاارض في المرحلة الاولانية و بعد كده هتاجرها ب 4000 الى 6000 جنيه للفدان


كده انت هتسكن في مزرعه كبيرة جدا و هتعمل اكتفاء ذاتي من اللحوم و الدواجن و الخضار و ممكن الفاكهة و هتكسب فلوس كويسة كل سنة و هيتوفر ليك عمالة منزلية بفلوس قليلة كمان .............

كل ده بتمن فيلا في الشروق مثلا

---

و الله دى فكره جميله جدا بس مشكلتها فى الأمن و حاله البلد الاقتصاديه و كمان المدارس بتاعه الأولاد و توافر الخدمات

اقتباس:

---

المشاركة الأصلية كتبت بواسطة land_cruiser

و الله دى فكره جميله جدا بس مشكلتها فى الأمن و حاله البلد الاقتصاديه و كمان المدارس بتاعه الأولاد و توافر الخدمات

---

المدارس هتكون في اقرب مدينة ليك
الخدمات زي ايه ؟
المياه هنعمل خزان او تاخد مياه من الخزان بتاع الري و دي مياه هتبقى نقية جدا
الصرف هتعمل خزان للفيلا
الكهربا لو مش قريبة منك المولدات اللي عملنا حسابنا عليها هتكون في التكاليف ارخص من كهربة الحكومة
الموبايل غالبا هيكون شغال
التلفون الارضي هوه اللي ممكن متلاقيهوش
النت غالبا هتقطع كتير و تكون بطيئة
الامن ده مش مشكلة خالص لانك هتكون بينك و بين اهل اقرب قرية شغل و همه هيباتوا في الارض عشان الري و الزراعة و هيحموا البهايم و الدواجن ... يعني انت هتعمل لنفسك ميليشيا مسلحة ببلاش

حالة البلد الاقتصادية مش بالسوء اللي انت متخيله ..بالعكس ده افضل وقت انك تصرف و تجهز مزرعه و كمان هتحتاج وقت مش اقل من 6 او 7 شهور على ما تقدر تاجر الارض لفلاحين و بعدها تبني ا لبيت بتاعك و كده هتكون في امان و حماية و قاعد في ارضك و تكسب منها طول ما همه شايفينك في وشهم كل يوم

اقتباس:

---

المشاركة الأصلية كتبت بواسطة أبو صلاح

طبعا مكان اوسع وفيلا افضل بكتير
بس الظرف الامنية الحالية هي المشكلة

لكن مستقبلا هاتبقى افضل اخيار

---

عندك حق دى من ضمن المشاكل الموجودة حاليا و إلى صعب تتحل فى الشهور أو السنين إلى جايه و دى الحاجة الوحيدة إلى تخلى الإنسان يفكر مليون مرة قبل النقل من محافظة لمكان فاضى

اقتباس:

---

المشاركة الأصلية كتبت بواسطة alexaway

جنة من غير ناس متنداس

---

وجهة نظر برضة لأن الخدمات و المحلات هتكون صعبة جدا

اقتباس:

---

المشاركة الأصلية كتبت بواسطة hesham ahmed

انا كنت في حيرتك دي من شهر بالضبط ....
بس هنا في القاهره ..... و الحمد لله خدت في مدينه في طريق السويس (هليوبليس الجديده)
بس عامل حسابي مش هفكر اروح هناك و لا حتي اشطب قبل سنتين من دلوقتي
يعني في رايي تاخد ارض في حته فاضيه و تبني فيلا ... يبقي عملت حاجه محترمه جدا لاولادك

---

مبروك و عقبال يا رب ما تعمل أجمل فيلا فى مصر :tumb:

اقتباس:

---

المشاركة الأصلية كتبت بواسطة MaZaGAngeE

عشان الواحد يسكن في فيلا في المدن الجديدة بنتكلم حوالين مليون جنيه .....

طيب المليون ده ممكن يعملي ايه لو رحت الصحرا ؟

ممكن ناخد مساحة 50 فدان بسعر 900 جنيه للفدان , تقريبا : 45 الف
هنحفر بير و طرمبة غاطسة و شوية خرسانات و خط مواسير عمومي للمساحة كلها : 200 الف تقريبا
مولد كهربا و ده في الاغلب بيكون موتور عربية سكانيا متعدل ب 30 الف و ده بيولد تقريبا 300 كيلو وات
جرار زراعي بالمقطورة و المحراث و شوية اكسسوارات لزوم التصليح و الزراعة : 150 الف
شوية مباني ( معلف , مزرعة دواجن , مزرعه ارانب , برجين حمام , 5 بيوت صغيرة للفلاحين و العمال ) 200 الف

فيلا دور واحد بمساحة 250 متر بالتشطيبات المتوسطة : 150 الف
مولد صغير للفيلا : 15 الف
عربيه ربع نقل : 100 الف

طبعا بعد الاستصلاح هنأجر الارض كلها لفلاحين من اقرب قرية لو انت مش عايز تزرع بنفسك بس انت دورك هيكون تجهيز الاارض في المرحلة الاولانية و بعد كده هتاجرها ب 4000 الى 6000 جنيه للفدان


كده انت هتسكن في مزرعه كبيرة جدا و هتعمل اكتفاء ذاتي من اللحوم و الدواجن و الخضار و ممكن الفاكهة و هتكسب فلوس كويسة كل سنة و هيتوفر ليك عمالة منزلية بفلوس قليلة كمان .............

كل ده بتمن فيلا في الشروق مثلا

---

موضوع جميل جدا بس فين الفدان أبو 900 جنيه دة !!!
عمتا هيا فكرة عبقرية بس مظنش أنها هتكون بالرخص دة لأنك ناوى تستصلح أراضى و دة فى حد ذاتة مكلف جدا لأن مظنش أن فيه أرض زراعية فى مصر الفدان فيها بـ 900 جنيه و هتكون أرض بور و هتستصلح من الأول و جديد عمتا فكرتك جميلة جدا بس محتاجة توضيح كبير عشان توصل للى عايزة و إن شاء الله ربنا يكرمك و تعمل إلى نفسك فيه

اقتباس:

---

المشاركة الأصلية كتبت بواسطة MaZaGAngeE

طبعا المشاكل اللي هتقابلك كتيييييييييييييييير و الحوارات اكتر بس اكيد هتكون اسهل من الحوار الوطني و التوافق السياسي ...
طبعا هتحتاج مهندس زراعي و ده مرتبه هيكون قليل أو ممكن تدخله بنسبة من الانتاج

---

ماهو عشان كدة كنت بقول لحضرتك دة أستصلاح زراعى من الأول و جديد
و من الواضح إنك عامل خطة و إن شاء الله تحققها فى القريب العاجل

اقتباس:

---

المشاركة الأصلية كتبت بواسطة Land_Cruiser

و الله دى فكره جميله جدا بس مشكلتها فى الأمن و حاله البلد الاقتصاديه و كمان المدارس بتاعه الأولاد و توافر الخدمات

---

الأمن حله سهل بما أن عندك مزارعين و عمال و دة فى حد ذاته هيخلى أى حرامى أو بلطجى يخاف يقربلك رغم أن العيون كلها هتكون عليك لأن ساعتها هتكون بتلعب فى حدود 10 مليون ربح ولا حاجة يعنى بمعنى أصح هيكون عندك حاجة أشبه بمدينه كاملة لو 50 فدان هتبقى 210 ألف متر
و بالنسبه للتنقل ساعتها ممكن تجيب طيارة هيليكوبتر فوق السطح :B4_033: (بهزر طبعا)

اقتباس:

---

المشاركة الأصلية كتبت بواسطة MaZaGAngeE

المدارس هتكون في اقرب مدينة ليك
الخدمات زي ايه ؟
المياه هنعمل خزان او تاخد مياه من الخزان بتاع الري و دي مياه هتبقى نقية جدا
الصرف هتعمل خزان للفيلا
الكهربا لو مش قريبة منك المولدات اللي عملنا حسابنا عليها هتكون في التكاليف ارخص من كهربة الحكومة
الموبايل غالبا هيكون شغال
التلفون الارضي هوه اللي ممكن متلاقيهوش
النت غالبا هتقطع كتير و تكون بطيئة
الامن ده مش مشكلة خالص لانك هتكون بينك و بين اهل اقرب قرية شغل و همه هيباتوا في الارض عشان الري و الزراعة و هيحموا البهايم و الدواجن ... يعني انت هتعمل لنفسك ميليشيا مسلحة ببلاش

حالة البلد الاقتصادية مش بالسوء اللي انت متخيله ..بالعكس ده افضل وقت انك تصرف و تجهز مزرعه و كمان هتحتاج وقت مش اقل من 6 او 7 شهور على ما تقدر تاجر الارض لفلاحين و بعدها تبني ا لبيت بتاعك و كده هتكون في امان و حماية و قاعد في ارضك و تكسب منها طول ما همه شايفينك في وشهم كل يوم

---

مش بقولكم عامل خطة :vctry:
و على فكرة فيه مدارس كتيرة جدا فى الطرق السريعة دى و كلها لغات
يعنى مش شرط أقرب مدينه ليك ممكن على الطريق كدة تلاقى مدارس

بقالى 6 شهور بافكر فى موضوع الفيلا دى لكن هنا فى القاهره و لفيت على كذا مكان و لقيت الموضوع محتاج فعلا تشترى ارض و تصبر عليها كام سنه لحد ما العمران يمتد ليها.
المشكله اننا نشأنا و اتربينا فى اماكن مأهوله بالسكان لدرجة اننا لو رحنا مكان هادى بنلاقى نفسنا بنحن للزحمه و مش بس الزحمه الأهم هو الخدمات اللى كان الواحد بيلاقى بدل المكان 10 تقدر تشترى منهم اللى انت عاوزه
الموضوع محتاج شوية وقت.

فى نقطة مهمه الناس اغفلتها وهما البدو.....اللى احنا بنسميهم عربويه
وبما انى شغلى كله فى الصحرا فانا اقولك ان دول حيكونوا اكبر مشكله ولازم تتكفل باكلهم وشربهم وممكن كمان تدفعلهم مرتيبات .....من الاخر تراضيهم.
بالاضافه ان شبكة المحمول مش مضمونه اوى زى الناس ما هى فاكرة ....لان احنا احيانا كتير بنروح اماكن مابيكونش فيها تغطيه خالص ......ولو لاقيت شبكه حتكون 2G مش 3G يعنى النت حيكون بطيئ جدا جدا .
ممكن يكون فى تليفون بالsatalllite اللى بنسميه السريا بس دا غالى جدا.
وفى نت عن طريق الsatallite بردوا بس بيكون غالى جدا .
وطبعا الجو مش حقولوكوا عليه .....يجنن.......برد رعد حر مطر فى نفس اللحظه.
كفايا كدا علشان الاحباط بس.

القصة دي فكرت فيها برضة بس بشكل عمل حاجة زي المخططات بتاعة دول الخليج بس بشكل تعاوني مش تجاري
حاجة كدة زي كومبوند تعاوني طبعا مفكرتش في موضوع استصلاح و زراعة لان الموضوع ده مش سهل
يعني 10 اصدقاء او معارف يشتروا حتة ارض لكل واحد القطعة الخاصة بتاعته تصميم موحد للفيلات الخدمات
مياة + كهربا+ صرف + تليفونات +طرق تتقسم علي الكل التعاقد مع شركة امن و برضه تتقسم علي الكل

لكن طبعا مستحيل تقنع حد بالكلام ده .... الناس اتعودت ان شركة تيجي تعمل الكلام ده و بعد كدة تبيعلهم و تكسب من وراهم ... هم كدة يبقوا مبسوطين و متكيفين

دي المفروض تكون سياسة دولة
تعمر المناطق دي وتوفر للناس اللي تفكيرها متفتح تروح هناك
وكفاية انهم هيخاطروا و هيرموا فلوس فيها ، لازم يكون أيد الدولة في الموضوع
احنا ياجماعة في حالة من الفشل مش ممكن ابداً لما بقعد افكر واقول اخرتها اية بجد حاسس اننا هنبهدل في المستقبل القريب
مصر مفيش اى تخطيط لمستقبلها ولا مستقبل شعبها اللي بيزيد ببشاعة ودا خطير جدااااااا

اقتباس:

---

المشاركة الأصلية كتبت بواسطة exelence

بقالى 6 شهور بافكر فى موضوع الفيلا دى لكن هنا فى القاهره و لفيت على كذا مكان و لقيت الموضوع محتاج فعلا تشترى ارض و تصبر عليها كام سنه لحد ما العمران يمتد ليها.
المشكله اننا نشأنا و اتربينا فى اماكن مأهوله بالسكان لدرجة اننا لو رحنا مكان هادى بنلاقى نفسنا بنحن للزحمه و مش بس الزحمه الأهم هو الخدمات اللى كان الواحد بيلاقى بدل المكان 10 تقدر تشترى منهم اللى انت عاوزه
الموضوع محتاج شوية وقت.

---

فعلا الموضوع له علاقة بالثقافة أكتر من التجربه لأن دى أعاشة كاملة مش مجرد يومين و خلاص
و لو تشوف فيه دول أجنبيه كتير عايشين فى اماكن صحرا جدا عن مصر بكتير

اقتباس:

---

المشاركة الأصلية كتبت بواسطة Ahmed_selmy

فى نقطة مهمه الناس اغفلتها وهما البدو.....اللى احنا بنسميهم عربويه
وبما انى شغلى كله فى الصحرا فانا اقولك ان دول حيكونوا اكبر مشكله ولازم تتكفل باكلهم وشربهم وممكن كمان تدفعلهم مرتيبات .....من الاخر تراضيهم.
بالاضافه ان شبكة المحمول مش مضمونه اوى زى الناس ما هى فاكرة ....لان احنا احيانا كتير بنروح اماكن مابيكونش فيها تغطيه خالص ......ولو لاقيت شبكه حتكون 2G مش 3G يعنى النت حيكون بطيئ جدا جدا .
ممكن يكون فى تليفون بالsatalllite اللى بنسميه السريا بس دا غالى جدا.
وفى نت عن طريق الsatallite بردوا بس بيكون غالى جدا .
وطبعا الجو مش حقولوكوا عليه .....يجنن.......برد رعد حر مطر فى نفس اللحظه.
كفايا كدا علشان الاحباط بس.

---

يا ساتر يا رب ليه كدة :angry26:
الأجابه ان شاء الله السلوم صح ؟

اقتباس:

---

المشاركة الأصلية كتبت بواسطة samehafez

القصة دي فكرت فيها برضة بس بشكل عمل حاجة زي المخططات بتاعة دول الخليج بس بشكل تعاوني مش تجاري
حاجة كدة زي كومبوند تعاوني طبعا مفكرتش في موضوع استصلاح و زراعة لان الموضوع ده مش سهل
يعني 10 اصدقاء او معارف يشتروا حتة ارض لكل واحد القطعة الخاصة بتاعته تصميم موحد للفيلات الخدمات
مياة + كهربا+ صرف + تليفونات +طرق تتقسم علي الكل التعاقد مع شركة امن و برضه تتقسم علي الكل

لكن طبعا مستحيل تقنع حد بالكلام ده .... الناس اتعودت ان شركة تيجي تعمل الكلام ده و بعد كدة تبيعلهم و تكسب من وراهم ... هم كدة يبقوا مبسوطين و متكيفين

---

فكرة برضة و يبقى حواليك ناس و عاملين جو أمنى برضة و بالليل ممكن تسهروا مع بعض و شاى و قهوة و تعالب

اقتباس:

---

المشاركة الأصلية كتبت بواسطة KemozTanta

دي المفروض تكون سياسة دولة
تعمر المناطق دي وتوفر للناس اللي تفكيرها متفتح تروح هناك
وكفاية انهم هيخاطروا و هيرموا فلوس فيها ، لازم يكون أيد الدولة في الموضوع
احنا ياجماعة في حالة من الفشل مش ممكن ابداً لما بقعد افكر واقول اخرتها اية بجد حاسس اننا هنبهدل في المستقبل القريب
مصر مفيش اى تخطيط لمستقبلها ولا مستقبل شعبها اللي بيزيد ببشاعة ودا خطير جدااااااا

---

فعلا دة إلى نفسنا نقولة لكن الدولة من أول الرئيس لحد أصغر عسكرى فيها نايمين فى العسل
طلاما انهاردة عدى عليهم يبقى بكره هيعدى زيه بالظبط و مش اخدين بالهم ان كل يوم فيه عيال بتتولد على ارض البلد دى و كل يوم فيه جواز و كل يوم فيه طلاق و كل يوم فيه ناس بتتخرج و مش لاقيين شغل و كل يوم الحياة بتزيد اسعارها و برضة الحكومة حاسة ان كل يوم هيعدى زى التانى و فى النهايه احنا عايشين حوالين النيل و محدش فكر يعمل منه خطوط جديدة و ده فى حد ذاتة غباء ثم غباء ثم غباء و بالتالى الناس بتلجأ لتبوير الاراضى الزراعية عشان تعيش برضة و دة محدش يلوم عليه اللوم على الى خلى المقاول يبنى من غير ترخيص و يكسب اكتر من 500% و فى أقل من لحظة العمارة بتنزل كوم تراب لأنه موفرلوش شغل و الشقة كانت على أد فلوسة لأن العمارة بترخيص اقل شقة فيها بربع مليون دلوقتى و شغلة مبقاش يجيب بيه تمن عيش حاف و لو جاب اكل هيكون مسرطن حتى الهوا بقى مسرطن و حاجات لو اتكلمت عليها مش هتخلص خلاصه الكلام منهم لله و حسبى الله و نعم الوكيل

طبعا بشرط المرفقات
بالاضافة لو في امن من الاساس ..

ممكن توليد الكهرباء فى مكان زى ده بالطاقة الشمسية او الرياح و البعد عن مولدات البنزين

في حاجة مهمة المنطقة صحراوية يعني حتأجر الارض لعرب و اقرب قرية يعني نفس الشيء كبير عائلة واقارب في بعض من الاخر يعني ممكن مرة يدفع ومرة مايدفعش سواء بالسنة او المحصول ومش حتعرف تعمل حاجة مفيش قانون وطرد ومستأجر والكلام دة .. لازم قعدة عرب ومش حينفع بلطجة بردوا لان السلاح عندهم كتتير يعني الناس دي تشتري منها وتأخد الفلوس وشكراا وممكن حراسة لكن لو ايجار حيعمل مشاكل كتير ...