أنا روحت ( سبير كار ) إمبارح

السلام عليكم
أنا من فترة وأنا عاوز أركب كسوة للعربية ( ماتريكس ) وأفرش الارضية جلد
بوم السبت روحت التوفيقية , وسألت على الفرش والارضية والمصنعية المهم لاقيت واحد كويس أسمه ( عالم الكماليات ) أ/ أحمد البرنس , وقالى سعر الكسوة 230 جنية وتركيبها 50 جنية , والارضية بالشنطة 250 جنيه , ومن غير الشنطة 200 جنيه , يعنى الاجمالى : 530 , ولما تيجى هاريحك فى السعر يعنى ممكن نقول 500 جنيه .
يوم الاثنين ( امبارح )
روحت سبير كار , اللى فى باب اللوق
نفس الفرش اللى فى التوفيقية بـ 385 جنية وتركيب 50 جنيه , والارضية ( والله نفس الخامة بنفس النقشة ) 350 بالتركيب يعنى الاجمالى بعد التفاوض 650 جنيه .

وبصراحة مش عارف فى فرق فى التركيب يستاهل الفرق دة ولا أركب فى التوفيقية
ياريت لو حد ركب فرش فى التوفيقية أو فى سبير كار يفيدنى .

أبو يوسف
01110336039

متابع ..................................................

سبير كار بيشترى من التوفيقيه
مش هقدر اقولك غير كده
اما موضوع التركيب فهو اصلا الفرش الجاهز ماحدش يقدر يعملك فيه حاجه غير سروجى فقط
يعنى اى حد ممكن يركبهولك وفى سبير زى التوفيقيه نفس التركيب
ولكن لو عاوز تزود سفنج او تأيف حاجه ده لازم سروجى
نصيحتى ليك
توكل على الله واعمل فى التوفيقيه

[QUOTE=mado83;3874835123]سبير كار بيشترى من التوفيقيه
مش هقدر اقولك غير كده
اما موضوع التركيب فهو اصلا الفرش الجاهز ماحدش يقدر يعملك فيه حاجه غير سروجى فقط
يعنى اى حد ممكن يركبهولك وفى سبير زى التوفيقيه نفس التركيب
ولكن لو عاوز تزود سفنج او تأيف حاجه ده لازم سروجى
نصيحتى ليك
توكل على الله واعمل فى التوفيقيه
ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــ
أولا : شكراً على ردك
ثانياً . الغريب أن الراجل اللى واقف فى سبير كار قالى دة أحنا المصنع اللى بيودى للتوفيقية
طيب لما أنت المصنع يبقى المفروض أن سعرك اقل مش أكتر 100 جنيه
وبقولى دة أنا سألت فى التوفيقية كان السعر اقل من كدة , راح قالى بمنتهى البرود خلاص روح أعمل فى التوفيقية
طبعاً رديت عليه قولتله على العموم التوفيقية قريبة من هنا انا هاروح أعمل هناك على الاق ارخص 150 جنية واكيد نفس الشغل .
أبو يوسف

طبعا اعمله فى التوفيقية

انا واثق من كلامى انشالله
ان سبير كار بيشترى من التوفيقيه حتى مش من المصانع اللى بتنزل للتجار هناك

انا ركبت فى سبير زمان من سنتين
هما عندهم مكن خياطة لو محتاج ظبط فى حاجة بتتعمل
بس اللى لقيته اشيك منهم جينز بس اسال على السعر الاول
والقماش مش بس نقشة
كمان خامة وده اللى تأكد على نوعيته

طالما الفرش جاهز يبقى اشترى من التوفيقية طبعا

اقتباس:

---

المشاركة الأصلية كتبت بواسطة a.saad

انا ركبت فى سبير زمان من سنتين
هما عندهم مكن خياطة لو محتاج ظبط فى حاجة بتتعمل
بس اللى لقيته اشيك منهم جينز بس اسال على السعر الاول
والقماش مش بس نقشة
كمان خامة وده اللى تأكد على نوعيته

---

هوطبعا جينز كار لا غبار عليه ويعتبر افضل واحد
ولكن برضو الفرش اللى ب250 ده مابيبقاش وحش
وبعدين بيقولك شنطه وارضيه وفرش بحوالى 500ج
فى جينز كار هتعمل كل الشغل ده مع فرق ال فخامه والخامات والخياطه وحاجات كتيره طبعا ب2000ج

لو متأكد انها نفس الخامه اتوكل على الله واعمل فى التوفيقيه
بس خلى بالك كل النقشات زى بعض اللى بـ 100 واللى بـ 1000حتى عند جينز
سبير كار فعلا مصنع
ومصنعهم القديم جنب دار الهلال ش المبتديان حارة جريده السياسه

توكل على الله واعمل فى التوفيقيه

اقتباس:

---

المشاركة الأصلية كتبت بواسطة mado83

سبير كار بيشترى من التوفيقيه
مش هقدر اقولك غير كده
اما موضوع التركيب فهو اصلا الفرش الجاهز ماحدش يقدر يعملك فيه حاجه غير سروجى فقط
يعنى اى حد ممكن يركبهولك وفى سبير زى التوفيقيه نفس التركيب
ولكن لو عاوز تزود سفنج او تأيف حاجه ده لازم سروجى
نصيحتى ليك
توكل على الله واعمل فى التوفيقيه

---

+ 11111
هيا مش كيميا يعنى..فرش جاهز يبقى التركيب واحد فى أى حتة وحضرتك أولى بال 150 جنيه

اقتباس:

---

المشاركة الأصلية كتبت بواسطة mado83

سبير كار بيشترى من التوفيقيه
مش هقدر اقولك غير كده
اما موضوع التركيب فهو اصلا الفرش الجاهز ماحدش يقدر يعملك فيه حاجه غير سروجى فقط
يعنى اى حد ممكن يركبهولك وفى سبير زى التوفيقيه نفس التركيب
ولكن لو عاوز تزود سفنج او تأيف حاجه ده لازم سروجى
نصيحتى ليك
توكل على الله واعمل فى التوفيقيه

---

بعد أذنك ياباشا تصحيح بس للمعلومة هو التوفيقية اللي بيشتري من سبير كار ، لأن سبير كار عنده مصنع كبير ومعروف من حوالي 25 سنة.

اقتباس:

---

المشاركة الأصلية كتبت بواسطة mado83

هوطبعا جينز كار لا غبار عليه ويعتبر افضل واحد
ولكن برضو الفرش اللى ب250 ده مابيبقاش وحش
وبعدين بيقولك شنطه وارضيه وفرش بحوالى 500ج
فى جينز كار هتعمل كل الشغل ده مع فرق ال فخامه والخامات والخياطه وحاجات كتيره طبعا ب2000ج

---

باشا جينز كار عنده شغل بيبدأ من 900 جنيه ، ممكن برضه يروح يسأل لو عايز يدفع الفرق ال350 جنيه دول ، بس هيلاقي فرق ، لأن جينز كار هيظبط الكرسي وهيملاه سفنج ، بصراحة بيعمل شغل سروجي محترم أفضل من الكسوة بكتير وفرق بسيط.

اقتباس:

---

المشاركة الأصلية كتبت بواسطة houseiny

بعد أذنك ياباشا تصحيح بس للمعلومة هو التوفيقية اللي بيشتري من سبير كار ، لأن سبير كار عنده مصنع كبير ومعروف من حوالي 25 سنة.

---

هو عنده مصنع للفرش ولكن باقى الكماليات بيشتريها من التوفيقيه

اقتباس:

---

المشاركة الأصلية كتبت بواسطة mado83

هو عنده مصنع للفرش ولكن باقى الكماليات بيشتريها من التوفيقيه

---

طيب لو التوفيفية هى اللى بتشترى من سبير كار , ازاى يبقة سبير كار أغلى المفروض العكس
مش فرق 100 جنية فى الكسوة ( والله نفس الخامة ) بنفس النقشة حتى الارضية

يا جماعة في فرق كبير بين الكسوة الجاهزة (سبير كار) والتفصيل (جينز كار).. الكسوة الجاهزة بتقطع الفوم بتاع الكراسي وحصلت معايا لما ركبت كسوة جاهزة عند سبير كار والحاج أحمد مشعل مشكورا صلحلي الكرسي وده بيبقى نتيجة لشد الكسوة بشدة على الكرسي.. إنما التفصيل بتبقى الخياطة ماشية مع نفس تفاصيل الكرسي يعني هي والكرسي حتة واحدة وما بتتشدش وخلاص.. تحياتي

اسال في مصنعهم اللي ورا دار الهلال الول اسعارهم مقبوله اوي

زي م الاعضاء قالولك ..لو نفس الخامة اتكل علي الله و اعملة في التوفيقية
بصراحة انا عملت الفرش من سنة تقريبا في سبيركار الفرش نوعه كويس انما التركيب وحش جدا و معداش اسبوع الا و لقيت حتت اتفكت :fun_36_3_4[1]:.
بالتوفيق

بصراحة بعد رأى الاعضاء فى المنتدى
انا قررت أعمل الفرش فى التوفيقية , وأن شاء الله
اول لما أخلص , هارفعلكوا الصور
ابو يوسف