الموضوع: من الاإفتكاسات المصرية لخداع تصوير رادار السرعة

المشاركة الأصلية كتبت بواسطة mohammedaladel

ممكن واحد يجيب شريط لاصق لونه فضى ويلزقه مكان البار كود دا بالطول أعتقد إن فى الحالة دى الرادار مش هيقراها

بس ممكن لو داخل لجنة يوقفك و يسحب الرخص

على أساس إنه هيلاحظها لو كانت بتلمع ؟؟؟

بس طبعا أحنا مش محتاجين لكل دا مفيش أفضل من إن الواحد يمشى قانونى عشان البلد حالها يتعدل شوية

في هنا في الكويت بعض الناس بتشيل اللوحه الخلفيه وتوسع مكان المسامير في اللوحه وفي مكان ركوب اللوحه كإن المسامير فوتت ومش بتربط اللوحه,
وتقوم حاطه اللوحه فوق عند الإزاز جنب لمبة الأستوب وبيبقو عاملين تظليل حراري عاكس للضوء.
وعلي فكره أكتر من 95% من كاميرات الرادار هنا في الكويت ثابته وبيديك قبلها بكيلو أو اتنين علامة"إحترس أمامك كاميرا".

المشاركة الأصلية كتبت بواسطة Samir Elshahawy

الفكرة مالهاش علاقة بأي نوع خداع كما يظن البعض ....ههههههههه

المفترض أن الشريط اللي في منتصف اللوحات الجديدة عبارة عن باركود بيحتوي علي كل بيانات رخصة العربية
و جهاز الرادار الجديد أو الأسكانر بيقرأ الباركود ده

يبقي حتي لو طمست الحروف و الارقام كلها برضه مافيش فايدة , الجهاز هايقرأ اللوحة و يرسل بياناتها لأقرب وحدة مرور و منها يتم أرسال بيانات السيارة المخالفة الي أدارة المرور المركزية التي بدورها تتصل بصاحب المركبة المسجل بياناته بملفها علي تليفونه لخطاره بالمخالفة و التوجه لسدادها خلال 3 ايام

ده النظام اللي المفروض أنه يشتغل في مصر و لكنه لم يعمل بنسبة 100% لكن 60 % من عناصره مكتملة و هي (اللوحات - قاعدة البيانات - الرادارات الحديثة)

هالللو مونشير مومبيك باش مهندس سمير شهاوي العزيز

مش هيا دي (( القضية بتاعت اللوحات المعدنية )) بردة ...
اللي محبوس فيها مسؤلين كبار ..(( من الفلول ))

و في التحقيقات اكتشفوا ان كل الكلام ده (( فاتش ))
يعني للاسف ده مافيش منه ..
الحكمة كمان ... باقي اللوحات دلوقتي بقت (( بتخرج من غير اللزقة اللي بيتقال عليها باركود دي ))

والاهم من ده كلة ..كتر العربيات اوي اللي منغير (( نمر اصلا ))
شايلين النمر قدام وورا ..
ووالله بخاف منهم جدا علي الطريق
ربنا يستر

سهله اوي ومن غير تعقيد
طين العربية من ورا وكأنك دخلت في طين (زي ايام المطره) وبالتالي النمر كل سنه وانت طيب

هو احنا ليه يا جماعه بنتعب نفسنا و بندور على " افتكاسات " كتيرة معظمها خطر و ان ماكانش ممكن يعرضك لان حد من الشرطه يطنطط عليك !!

طب و ليه ؟ و احنا قدامنا الحل الاسهل و والاضمن و الاكثر امانا و تحضراً : امشى قانونى توصل مرتاح و مش متوتر لا من سرعه و لا من حد يفقس افتكاستك و صباعك فى عين التخييين وترجع لأهلك اللى أكيد محتاجينك - بلاش أنانية :)

المشاركة الأصلية كتبت بواسطة El Prince

هو احنا ليه يا جماعه بنتعب نفسنا و بندور على " افتكاسات " كتيرة معظمها خطر و ان ماكانش ممكن يعرضك لان حد من الشرطه يطنطط عليك !!

طب و ليه ؟ و احنا قدامنا الحل الاسهل و والاضمن و الاكثر امانا و تحضراً : امشى قانونى توصل مرتاح و مش متوتر لا من سرعه و لا من حد يفقس افتكاستك و صباعك فى عين التخييين وترجع لأهلك اللى أكيد محتاجينك - بلاش أنانية :)

كلام تمام يا مومبيك

دعني أرفع القبعو تحية
والله دة المفروض الصح ..
نمشي كلنا عدل ..(( ابداء بنفسى )) الدونيا كلها تمشي عدل
وفي الصح دايما السلامة

المشاركة الأصلية كتبت بواسطة MIGOS

سهله اوي ومن غير تعقيد
طين العربية من ورا وكأنك دخلت في طين (زي ايام المطره) وبالتالي النمر كل سنه وانت طيب

انا با اشوف الموضوع ده كتير ... إفتكاسة بتنفع بتوع المايكروباصات بينضف العربية كلها الا النمر بتاعتو

والجميل انا شوفت واحد قدامي (( شال الوان النمر ب )) نفض رومي واله ماية نار .. عشان تبقي بيضة تماما .. وفعلا خلاها ابيض من الصيني بعد غسيله