السلام عليكم
سؤال شاغل بالى
دلوقتى انا شوفت عربيات الار بى ام بتاعها بيعلى لمجرد انك تبتدى تمشى ويعلى بسرعه وممكن يوصل للريد لاين بسرعه
وعربيات تانيه ممكن تحرق على الغيار وما يعديش ال 3 وال 4
ليه بقى وده يفرق فيه وانهى الاحسن
السلام عليكم
سؤال شاغل بالى
دلوقتى انا شوفت عربيات الار بى ام بتاعها بيعلى لمجرد انك تبتدى تمشى ويعلى بسرعه وممكن يوصل للريد لاين بسرعه
وعربيات تانيه ممكن تحرق على الغيار وما يعديش ال 3 وال 4
ليه بقى وده يفرق فيه وانهى الاحسن
عشان تقدر تحكم على الكلام ده لازم تكون انت اللي سايق عشان تقدر تعرف انت بتدوس نفس الدوسه في كل العربيات دي والار بي ام بعمل كده فعلا ولا
ثانيا اختلاف نوع الفتيس وعدد نقلاته بيفرق في ارتفاع الار بي ام برضو
يعني مثلا لو عربيه 4 نقلات وعربيه 6 نقلات ها تلاقي الار بي ام بتاع العربيه اللي ب 6 نقلات اقل من العربيه اللي ب 4 نقلات وهما ماشيين على نفس السرعه
احيانا بتفرق زي ما ذكر بسام باشا في الدوسة
لكن احيانا اسباب اخري كتصميم الموتور مثلا ع سبيل المثال عندي العربية 800 سي سي لكن 12 صمام مش 8 و بالتالي ما شاء الله بيوصل لاعلي عدد لفات موتور بسرعة يعني ممكن تجيب اخر اول 3 نقلات في ثانية و ده سبب ان تلاقي الأول عندي للطلعة و التاني اخره 40 و التالت 60 هوب جيب رابع بقيت 90-100 و ممكن تكمل او تجيب خامس خلاص انت فتحت فوق الـ100 مرتاح لحد ما تجيب اخرها هتحس طول مانت ماشي كأنك مسقط نقلة ههههههه
على حسب نوع المحرك وقوته ومعامل الانضغاط بتاع المحرك كل ده بيفرق فى الار بى ام والاداء
يعنى مثلا المحركات البنزين بتمتاز بالار بى ام العالى والسريع عكس محركات الديزل الار بى ام بتعها محدود مها كانت سعه المحرك ده غير كده بيبقى بطى جدا
بتفرق كمان فى السى سى بتاع العربية
يعنى البيجو ال 405 فى منها 1600 وفى 2000
ال 2000 بيبقى الار بى ام اقل على نفس السرعة مقارنة بال 1600
بيعلى بسرعه دى حاجه كويسه لو عربيه مكتومه - او تقيله - r p m بيعانى \
الراجل تقريبا يقصد ان فى عربيات بتوصل للريد زون عادى وبسرعة جامدة وفية عربيات بتبقى نايمة ضعيفة
هل دة قاصدك؟؟؟؟؟
هو طبعا فى مواتير بيتبقى عفية مش هتفرك 1600 من 2000 من 1300 سى سى
يعنى كمان لو الموتور سليم عادى لو قرصت على الغيار يوصل معاك لبعد الريد زون كمان
ولو المكنة ضعيفة طبعا الكبس بيكون خلاص فا ستحالة انها تجيب اصلا 4000 لفة فى الدقيقة ويمكن اقل
وفى مواتير >ى الهوندا مثلا والــ بى ام دابليو موضوع عدد لفات الموتور فيها معاك على اى وضع لو المكنة سليمة ودة الطبيعى بتاعها لانها باختصار مواتير رياضية
وعشان اوصل معاك لدماغك
ممكن تكون مثلا سايق عربية وبتجرى وعايز تشد بيها وتدوس مهما تدوس على البنزين العربية مفيش اكنك مبتعملش حاجة
ودة راجع لضعف دورة التغزية بالبنزين او ضعف الموتور نفسة او استهلاك مجموعة نقل الحركة بين الموتور والفتيس الــ هى طقم الدبرياج