بسم الله الرحمن الرحيم
انا اشتريت سوزوكي ماروتي 2008 :nemoflow:
وكنت عايزة اركبلها شوية كماليات كدة زي السنتر لوك والانذار والزجاج الكهرباء وفتحة الشنطة من جوة
لو حد يعرف مكان في اسكندرية بيركبهم ويكون بضمان ياريت يقولي شكرا
عرض للطباعة
بسم الله الرحمن الرحيم
انا اشتريت سوزوكي ماروتي 2008 :nemoflow:
وكنت عايزة اركبلها شوية كماليات كدة زي السنتر لوك والانذار والزجاج الكهرباء وفتحة الشنطة من جوة
لو حد يعرف مكان في اسكندرية بيركبهم ويكون بضمان ياريت يقولي شكرا
أولا ألف مبروك على الماروتى وإن شاء الله تكونى مبسوطة منها .
ثانيا ننتظر من حضرتك تقرير عن حالتها وسعرها وكيلومتراتها علشان نقدر نفيدك فى الصيانة اللى المفروض تتعمل عند شرائك للعربية مستعملة .
الحاجات اللى حضرتك ذكرتيها دى أمرها سهل وأكيد حد حيرد عليكى يكون من اسكندرية .
لما حضرتك تدينى معلومات شوية عن العربية حنقدر نساعدك فى مسألة الصيانة والترويق (ده الأهم حاليا) .
بالتوفيق
الف مبروك العربية ربنا يديكي خيرها و يكفيكي شرها
بخصوص الكماليات للأسف معنديش فكرة الاماكن هناك لكن اسمع عن ش صلاح الدين
الانذار و السنتر وولف wolf و سعره 300 ج بالتركيب و ضمان 3 او 5 سنين و للأسف توكيله في القاهرة اخر ش جسر السويس ورا اسواق القنال لو ليه فرع هناك في اسكندرية يبقي الافضل تركبيه عندهم
ازاز كهربا ده محتاج مكنة ازاز كهربا سواء جديد او استيراد و الكهربائي يركبهم و معانا ناس مركبينهم و هتلاقي الموضوعات في الفهرس المثبت بالقسم
فتحة الشنطة ديه تعديل بيتعمل اعتقد محدش لسه جربها ع الماروتي هنا بس ممكن بتوع الابواب يظبطوا القصة ديه
اهم حاجة لأن العربية مستعملة فيه صيانات لازم تتعمل بشكل وقائي لأنك متعرفيش المالك السابق كان مراعي العربية و لا لأ العربية عاملة كام كيلو ؟
ألف مبروك على العربية
الحاجات اللى حضرتك قولتيها كلها كماليات أهمها حالياً هو السنتر والإنذار عشان السرقة . غير كده يبقى الأولى تشوفى أساس العربية لو محتاجة صيانة حتكون أفيد وأهم والكماليات على مهلك واحدة واحدة . لازم نعرف العربية عاملة كام كيلو عشان تعرفى أيه هى الصيانة الضرورية اللى لازم تعمليها الأول
متشكرة اوي علي متابعتكوا للموضوع
بالنسبة لحالة العربية انا كان معايا عمي وهوا بيفهم في العربيات وقالي ان حالتها ممتازه
سعرها 27000
عاملة 43 الف كيلو
ايه باه اللي المفروض اعمله عشان الصيانة والترويق؟
هيا العربية فيها سنتر لوك بس انا لو ركبت الانذار الريموت هيفتح ويقفل العربية زي العربيات الغالية lol
طبعا الأنذار لو ركب تفتحى العربية وتقفليها بالريموت ولو مركبة زجاج كهرباء ممكن الأنذار يقفل الزجاج لوحدة كمان لما تقفلى العربية ولازم تغييرى زيوت الموتور والفتيس والفرامل ومية الرادياتير تحطى مية خضراء وتغييرى فلاتر البنزين و الهواء والزيت وتكشفى على كاوتش العربية وتتاكدى من حالته ومبروك على العربية الجديدة وربنا يديك خيرها ويبعد عنك شرها!!
حالة العربية لا تغني عن الصيانات الوقائية او الدورية
و بالتالي اللي هتحتاجي تغيريه
- سير الكاتينة طبعا تجيبي نوعية نضيفة و تاريخ انتاجها جديد و البيانات بتكون مكتوبة ع السير و العلبة او الكيس المتبرشم و الانواع النضيفة طبعا الاصلي بتاع سوزوكي - كونتيننتال اوروبي - صان ياباني - جيتز انجليزي لو موجود
- و يتبص ع سير الدينامو لو محتاج يتغير
-تغيير زيت الموتور و الفلتر و الافضل زيت شل سواء معدني زي شل الاصفر لزوجة 15w50 او تخليقي شل الترا لزوجة 5w30
- تغيير زيت الفتيس و بلاش يتعبي من الطرمبة البرتقالي يعني اللي يعبيلك زيت فتيس يكون من جيركن متبرشم و افضل الزيوت شل و فالفولين لزوجة 75w90 او 80w90 و الزيت بيتم تغيره كل 25-30 الف ك
- فلتر البنزين و اوعي حد يقولك ملهاش فلتر بنزين و فلتر الهوا و دول ممكن كل 20-25 الف ك
- و لو البوجيهات و الابلاتين محتاجين يتغيروا ممكن تتغير و عامة البوجيهات كل 20 الف
- تغيير مية الريداتير و ديه بيتم تغييرها كل سنتين او 40 الف ك تقريبا
- تغيير زيت الفرامل بالكامل بمعني الميكانيكي ينزل الزيت من الدورة كلها و ينضف الدورة بالزيت الجديد و يعبي تاني و افضل الانواع بيندكس او لوكهيد و برده الزيت بيتم تغييره كل سنتين زي مية الريداتير
- تنضيف البوابة و الكربراتير
- فحص الكاوتش و حالته
- و اخيرا ظبط زوايا و تربيط العفشة
لو عملتي الكلام ده العربية هتريحك ان شاء الله و مش هتتعبك في حاجة
نيجي بقي للكماليات و الاكسسوارات
لو فيه سنتر لوك ممكن تركبي انذار يتربطوا ببعض لما الانذار يتقفل الستر يتقفل اوتوماتيك
و لو ركبتي ازاز كهربا ممكن يوصل عليهم و يتركب حاجة اسمها وحدات رفع بحيث الازاز يقفل مع الانذار و السنتر لو نسيتيه مفتوح
طبعا باقي الترويق بقي
- فرش للعربية و كسوة طارة تمشي مع الفرش
- دواسات لو محتاجة
- مسند ايد بين الكرسيين
- موبيل هولدر
- اخيرا و ليس اخرا ساوند سيستم شوفي ايه اللي في دماغك و امكانياتك لو مش راكب فيها لو عايزة تحدث اللي راكب قوللنا الحاجات اللي راكبة يعني الكاسيت او السي دي نوعه و رقمه و السماعات نوعها و كام وات
- ممكن استيكر بسيط ع الشنطة ورا لو عايزة
بس كده كفاية :)
بس بردو محدش قالي اعمل الانذار والزجاج الكهربائي فين في اسكندرية ؟ :120146b
كنت عايزه اعرف ميكانيكي شاطر وأمين في سيدي بشر في اسكندريه ؟