هو كده ماستر فرامل

**m0hsen** · 26-02-2013 07:13 PM

النهاردة وانا كنت جاى من التجمع الخامس لحدائق القبة لما نزلت على مدينة نصر كده جيت ادوس فرامل بدوس للاخر والعربية مابتهديش خالص بس الحمد لله يارب ربنا سترها معايا ورجعت بالسلامة بطلت العربية وشغلتها لاقيت الفرامل لسه وحشة المهم دخلت فى زحمة مدينة نصر وربنا هداه واشتغل معايا لحد ماروحت للميكانيكى بتاعى وقاللى انت محتاج تغير الماستر العمومى
كنت عايز اسال المستشارين فى الدايو
هى العربية عملت ليه كده هل ده فعلا علشان الماستر باظ مع العلم ان انا جيت بيها من مدينة نصر لحد حدائق القبة وماكنتش وحشة كانت بتفرمل عكس ماكنت بفرمل بيها وانا راجع من التجمع ماكانتش بتهدى خالص
هو انا محتاج اغير الماستر كله وللا ممكن حاجة تانية فى الماستر تتغير
السؤال الثانى انا ماببصش خالص على زيت الفرامل ولا بغيره هل ممكن يكون عدم تغيير زيت الفرامل هو اللى بوظ الماستر مع ان الزيت ماكانش ناقص فى القربة
ومتشكرين يا جماعه على الاهتمام

**kokowasfy** · 26-02-2013 07:46 PM

هو دة السبب لازم تكشف على زيت الفرامل بصفة دورية

**m0hsen** · 26-02-2013 07:48 PM

هو ايه مش فاهم ممكن حضرتك توضح شوية

**m0hsen** · 26-02-2013 08:02 PM

كنت عايز اسال سؤال كمان هو انا لو غيرت الزيت هاتتظبط ومش هاتعمل كده تانى معايا

**haissam24h** · 26-02-2013 08:12 PM

شوف اوقات الماستر لما بيبوز ممكن يشتغل شويه ويهرب
الوقتى فضى الزيت كله الى فى الماستر
وشوف فى تسريب فى الماستر نفسه من عند الطقيه بتاعته
ونزل الزيت الى فى مواسير الفرامل لكها وحطيت زيت من جديد وخد هوا وبعددها جرب العربيه شويه كده بس سوق على مهلك عشان لو فى اى حاجه تقدر تلم نفسك لان الفرامل يعنى حياة
وانصحك تعملها عند واحد متخصص فرامل بس مش ميكانيكى

**m0hsen** · 26-02-2013 08:15 PM

ماهو اللى حصل انه كان شغاال بعد كده هرب خالص بعد كده اشتغل
وبعدين يا استاذ هيثم لو كان فى تسريب كان الزيت نقص من القربة بس القربة مليانة وده يدل على انه مافيش تسريب

**m0hsen** · 26-02-2013 08:16 PM

والطريقة بتاعت تغيير الزيت اللى فى المواسير و اخد الهوا دى ازاى ؟

**abo rodina** · 26-02-2013 09:43 PM

ده أكيد ماستر...لازم تغيره وأوعي تطلع بالعربية قبل ماتغيره لان ممكن البساتم بتاعة المستر تهرب منك في اي وقن وبدون اي حسابات........كله الا الفرامل ده مافيهاش هزار

**m0hsen** · 26-02-2013 10:13 PM

خلاص ان شاء الله هاغيره بس ممكن اعرف هو ليه عمل معايا كده

**mero100** · 26-02-2013 10:48 PM

فيه 2بستم جوه ماستر الفرامل العمومي ... بيبقي فيهم جلد او كاوتش ... ده بيبوظ و بيخلي البساتم بتاعه الماستر تفوت .

و انصحك زي ما الاخوه الاعضاء نصحوك .. بتغيير الماستر ... بس بعد الكشف علي دوره الفرامل كلها ... الاربع مساتر بتوع العجل و العمومي كمان .

بس غالبا حيطلع الماستر العمومي طالما الخزنه بتاعت الباكم مبتنقصش .

سعر الماستر العمومي gm من توكيل منصور 550 جنيه .